¹ Nao Jisas i lukluk raon, hemi luk ol rijman oli stap putum mani long jej blong God. ² Mo hemi luk wan pua woman we hemi wan wido we hemi putum tu peni nomo. ³ Nao Jisas i talem se, tru mi talem long yufala, mani we wido ia i putum, hemi moa long ol mani we ol narafala man ia oli putum. ⁴ Ol narafala man ia oli stap putum haf mani blong olgeta nomo. Be Wido ia hemi putum evri mani blong kakai blong hem. ⁵ Nao sam long ol man ia oli stap tokbaot haos blong God, we oli flasem gud long ol bigbigfala ston mo plante samting we oli bin givim long God.Nao Jisas i talem se, ⁶ "Yufala i stap luk ol samting ia, be igat taem i stap kam we bambae ol man oli brekbrekem ol ston blong haos ia, bambae ino gat wan ston i stap long ples blong hem. ⁷ Nao oli askem long Jisas, mo oli talem se,Tija, ol samting ia bambae oli kam tru long wanem taem?mo wanem saen blong soemaot se bambae ino long taem ol samting ia i kam tru?" ⁸ Nao Jisas i talem se, yufala i mas lukaot gud blong bambae ino gat man i kam kiaman long yufala.From we plante man bae oli kam long ben blong mi,nao bae oli talem se mi mi Mesaea ia mo taem blong ol samting ia i stao kam klosap nao. Be bambae yufala ino mas folem olgeta. ⁹ Mo taem yufala i harem we ol man oli stap mekem faet,mo oli stap mekem faet agens long gavman,bambae yufala ino mas fraet.From ol samting ia bae oli mas hapen fastaem. Be las dei ino save kam long semtaem ia. ¹⁰ Nao hemi talem long olgeta se,ol man bambae oli mekem faet agens long ol narafala man. Mo ol kaontry bambae oli mekem faet agens long ol narafala kaontry. ¹¹ Bae i gat ol bigfala etkwek,mo olbaot long wol,bambae ol man oli gat hadtaem blong kasem kakai mo igat ol nara hadtaem blong kasem Heven we bambae i mekem man i fraet. ¹² Be bifo long ol samting ia,bambae ol man oli save holem yufala,oli save mekem i strong long yufala, oli save putum yufala long han blong ol lida blong jej,mo putum yufala long presin, mo bambae oli save mekem yufala i stanap long fes blong ol king mo long fes blong ol hae man blong gavman from we yufala i stap talemaot nem blong mi. ¹³ Hemia bambae hemi janis blong yufala i save talemaot olsem testemoni blong yufala. ¹⁴ Nao from samting ia, bambae yufala ino tinktink tumas se wanem toktok nao bambae yu talem long olgeta. ¹⁵ From mi bambae mi givim evri toktok long yufala mo bambae mi givim waes long yufala.Nao bambae ino gat wan long ol enemi blong yufala i save tok agens long yufala o blong brekemdaon ol toktok blong yufala. ¹⁶ Ol papa mo ol mama blong yufala, mo ol brata blong yufala mo ol famli blong yufala mo ol frens blong yufala bambae oli save putum yufala long han blong ol enemi blong yufala blong bambae oli save kilim sam long yufala i ded. ¹⁷ Bambae ol man bae oli no laekem yufala from nem blong mi. ¹⁸ Be bambae ino gat wan hea blong hed blong yufala bambae i lus. ¹⁹ Bambae yufala i save sevem laef blong yufala from we yufala i stap stanap strong. ²⁰ Mo Jisas i gohed i talem se,taem yufala i luk ol ami oli raonem taon ia Jerusalem, yufala imas save se ino long taem bambae oli spolem ples ia. ²¹ Nao taem yufala i luk ol samting ia, yufala we yufala i stap long Judia, yufala i mas ronwe igo long ol hil,mo yufala we i stap aotsaed long taon ia,yufala ino mas go insaed long taon ia bakegen. ²² "From long taem ia hemi taem we God bae i panisim olgeta,mo bae tok we oli raetem long Baebol bambae ikam tru. ²³ Sori tumas long ol woman we oli gat bell mo olgeta we oli stap givim titi long ol bebe blong olgeta long taem ia!Mo long taem ia bae i gat bigfala harem nogud long ples ia,from se God i harem nogud mo bae i spolem ol man ples ia. ²⁴ Bambae olgeta oli save ded long faet, mo bae oli go long presin long difren kaontry, mo bae ol man we oli no laen blong Israel, baebae oli rulum Jerusalem gogo kasem taem blong olgeta bae i finis. ²⁵ "Mo Jisas igo hed i talem se bae igat saen long sun,mo long mun mo long ol sta, mo long wol ia.Ol man long wol ia bae oli harem nogud, from bae oli fraet long bigfala nois blong solwoa. ²⁶ Bae ol man oli save ded from fraet, mo from oli stap harem nogud long ol samting we bambae i kam kasem wol ia.From bae paoa blong Heven bae i mufmufum ol samting long wol ia. ²⁷ Nao bae oli luk pikinini blong man bambae i kamaot long klaod wetem paoa mo bigfala laet we bae i saenaot long hem. ²⁸ Be long taem ia we ol samting ia oli stat blong hapen, yufala i stanap mo yufala i leftemap hed blong yufala, from we bae mi mi stap kam ino long taem." ²⁹ Nao Jisas i talem parapol long olgeta,yufala i luk figtri, mo ol narafala tri. ³⁰ Taem we yufala i luk ol niufala lif, we oli stat blong kam kamaot, yufala i save finis se hemi klosap taem blong haves. ³¹ Nao long sem fasin, taem yufala i luk ol samting ia oli stat blong kamaot, yufala i save finis se ino long taem niu fala wol ia we God i king long hem,bambae hemi kam tru. ³² Tru mi talem long yufala, ol man we oli stap laef yet istapbae oli no save ded evri wan, gogo kasem olgeta samting bae oli kamtru. ³³ Heven mo wol ia bae i lus,be Tok blong mi bambae ino save lus samtaem. ³⁴ "Mo Jisas i talem se,yufala i mas lukaotem gud yufala, yufala ino mas westem taem blong yufala we yufala i stap dring mo drong tumas mo yufala i stap tinktink tumas from laef blong wol ia.Ino gud dei blong mi bae ikam kasem yufala be yufala i sek olsem we yufala istap insaed long wan trap. ³⁵ From we dei ia bambae i kasem evri wan long wol ia. ³⁶ Be oltaem yufala i mas redi, mo yufala i mas prea,blong bae yufala i save strong blong ronwe long oltrabol ia we bae ikam mo bae yufala i save stanap long fes blong mi,we mi mi pikinini blong man." ³⁷ Nao evri dei ia we Jisas i stap tijim ol man insaed long haos blong God, be long naet hemi aot igo stap antap long hil ia we nem blong hem olif. ³⁸ Evri dei long eli moning, ol man oli stap kam blong lesin long tok blong hem insaed long haos blong God.