¹ Wan dei, Jisas i stap tijim ol man long iad blong bigfala haos blong God. Hemi stap talemaot gudnius blong God.Nao ol jif blong ol hae pris mo ol tijia blong loa blong God wetem sam elda oli kam luk hem. ² Nao oli askem long hem se "yu mas talem long mifala se hu ia i givim raet mo paoa long yufala blong mekem ol samting ia, mo yu kasem ol paoa mo raet ia long hu?" ³ Nao Jisas i talem long olgeta se, "mi bae mi askem wan lwesten long yufala, mo bae yufala i talem ansa long mi. ⁴ Taem Jon i stap baptaesem ol man, yufala i ting se raet mo paoa we hemi kasem blong mekem ol samting ia i kam long God o i kam long man?" ⁵ Nao olgeta oli stap toktok long olgeta bakegen, from kwesten ia, mo oli stap talem se "yumi save talem se God i givim raet long Jon, be spos yumi talem olsem, Jisas bae i talem long yumi se,"Be from wanem yufala ino bilivim Jon." ⁶ Be spos yumi se, 'i kam long ol man nomo'ol man we oli stap long ples ia bae oli stonem yumi, From olgeta oli save gud se Jon hemi wan rofet blong God." ⁷ Nao olgeta oli talem long Jisas se, "mifala ino save se hu ia i givim raet mo paoa long Jon. ⁸ Jisas i talem long olgeta se, "yufala ino ansarem kwestem ia we mi askem long yufala, bae mi tu mo no save talemaot long yufala se ol paoa mo raet ia mi kasem blong hu blong mekme ol samting ia. ⁹ Nao Jisas i talemaot wan parapol olsem, 'wan man i mekem wan garen blong rop ia grep mo hemi putum long han blong sam man blong wok blong oli lisim mo oli stap lukaotem.Nao hemi aot igo long wan narafala kaontry mo hemi stap long taon taem long kaonty ia ¹⁰ Nao long stret taem we ol kakai long garen ia i redi blong kakai, man blong garen ia i sendem wan wok man blong hemi go toktok wetem ol man we oli lisim garen ia blong oli givim sam frut blong garen ia. Be man we oli stap lukaot long garen ia oli wipim hem wetem wud mo oli sentem hemi i go bak nating. ¹¹ Masta blong garen ia i sendem wan nara wok man igo long ol man we oli stap lukaotem garen ia, be oli wipim man ia wetem ol wud mo oli tritim nogud hem we oli spolem gud hem. Mo oli sendem maot hem i go bak wetem nating nomo. ¹² Masta blong garen ia i sendem namba tri man blong hem igo long man blong lukat garen blong hem. Be olgeta ia oli spolem hem, oli tritim nogud hem mo oli sakem hem igo aotsaed long garen ia. ¹³ Nao masta blong garen ia i talem long wan se, "Bambae mi mekem olsem wanem?Bae mi sendem pikinini ia blong mi we mi lavem hem tumas, ating bae oli save rispektem hem." ¹⁴ Be taem ol man we oli stap lukaotem garen ia oli luk hemi stap kam oli stap taltalem long olgeta se,"hemia nao pikinini blong masta blong yumi, spos masta blong yumi i ded, pikinini ia blong hem bae i boss long garen ia. Be spos yumi kilim ded hem,bae garen ia i blong yumi." ¹⁵ Nao oli sakem hem igo aotsaed long garen ia, mo oli kilim hem,mo Jisas i go hed blong talem se 'Spos masta blong garen ia i kam bae hemi mekem wanem long ol wokman blong garen ia? ¹⁶ Mi talem long yufala hem bae i kam from ol man blong lukaotem garen ia mo bae hemi kilim ded olgeta. Mo bae i givim garen ia i go long ol narafala man blong wok long hem.Taem ol man oli harem olsem oli talem se nogat bae ino save hapen olsem!" ¹⁷ Be Jisas i lukluk olgeta,mo i talem se,spos yufala i talem se ino save hapen olsem,be yufala i ridim long Baebol mo yufala i sud kasem minig blong ol tok ia : 'Ston ia we ol man blong wokem haos oli sakem, ikam wan inpoten ston we i holem strong ol kona blong haos'? ¹⁸ Spos wan man i fas long ston ia bae bodi blong hem i brokbrok long ol smolsmol pisis. Mo spos ston ia i foldaon antap long wan man, bae i smasem gud hem." ¹⁹ Ol tija blong loa mo jif blong ol hae pris oli save se parapol we Jisas i talem ia istap tokbaot olgeta.Nao long taem ia oli wantem blong holem taet hem,be oli fraet long ol man we oli stap long taem ia. ²⁰ Be oli givim mani long sam man we oli sendem olgeta blong oli stap lukluk gud Jisas mo traem kasem hem long ol kwestem.Ol man ia oli ol spae, oli stap kiaman nomo se oli gud be oli traem faenemaot wan rabis poin long Jisas mo putum hem long hen blong ol lida blong gavman blong panisim hem. ²¹ Nao ol man ia oli askem long Jisas se, 'Tija, evri samting we yu talem taem yu stap tijim oli stret nomo. Mo mifala i save gud we yu no talem ani samting blong spolem ol narafala man,be oltaem yu stap talem ol toktok we yu stap tijim mifala long fasin we God i wantem blong mifala i mekem. ²² "Yu save givim ansa blong kwesten ia long mifala:I stret blong mifala i pem taxis igo long gavman blong Rom mo Sisa ?I stret blong mifala i givim mani long hem o no? ²³ Be Jisas i save gud we ol man ia oli stap lukaotem wei blong trikim hem i talem wan rong samting. ²⁴ Nao hemi kirap i talem long olgeta se "Yufala i soem wan koin, hemia pija blong hu ia i stap long koin ia?Mo nem blong hu ia istap long hem?Olgeta oli talem se fes blong Sisa i stap long hem. ²⁵ Nao Jisas i talem long olgeta se, "oraet i stret nomo blong yufala i mas givim bak ol samting we i blong Sisa igo bak long Sisa, mo ol samting we i blong God yufala i mas givim i go long God." ²⁶ Nao ol lida blong Israel oli nomo save mekem wan samting blong faenem wan rong long hem,from olgeta evri wan oli sapraes tumas long ansa we Jisas i givim long kwestem ia long foret blong evriwan. ²⁷ Nao sam sadusis oli kam luk Jisas.Ol sadusis oli stap talem se ino gat laef bakegen afta long ded. ²⁸ Nao oli askem wan kwesten long hem se."Tija Mosis i raetem tok ia long Baebol long mifala se "spos wan man i ded mo i lego woman blong hem we tufala inogat pikinini, Brata blong man ia i mas maredem woman ia mo ol pikinini we bae tufala i lukaot i blong brata blong man ia we i ded. ²⁹ I gat 7 brata, nao fes bon i tekem wan woman blong hem be bihaen hemi ded mo tufala inogat pikinini. ³⁰ Mo seken brata blong man ia i maredem woman ia. Be hem tu ided mo tufala inogat pikinini. ³¹ Namba tri brata i maredem woman ia, be hem tu ided mo tufala inogat pikinini.Semak samting ia i hapen long 7 fala brata ia.Oli ded mo oli nogat pikinini wetem woman ia. ³² Nao bihaen long samting ia woman ia tu ided. ³³ Be long taem we bambae oli laef bakegen long ded,Bae woman ia i blong huia stret long olgeta.From we olgeta 7 fala brata ia oli bin maredem hem. ³⁴ Nao Jisas i ansarem olgeta i talem se,"ol man mo woman we oli stap long wol ia nomo oli stap mared. ³⁵ Be God i jusumaot sam long ol man nomo blong oli laef bakegen long ded, mo oli stap wetem hem,mo ol man ia we oli laef bekegen long ded, oli no save mared, i nogat mared man o woman. ³⁶ Mo oli no save ded semtaem bekegen.From se olgeta bae oli liv olsem ol enjel we oli stap long Heven, oli kam pikinini blong God nomo i mekem olgeta oli laef bakegen blong oli liv wetem hem. ³⁷ I tru se God i stap mekem ol man i laef bakegen. Mosis i soemaot long yumi taem hemi tokbaot wan bus we i stap long drae ples. Hemi bin talemaot long yumi se God blong yumi hemi God blong Abraham, mo hemi God blong Aesak mo hemi God blong Jecob. ³⁸ God hemi no God blong ol ded man, be hemi God blong ol man we oli laef, from we God hemi laef.ol man blong hem bambae oli stap laef." ³⁹ Nao sam long ol tija blong oli agri mo oli talem se "tija.ansa blong yu i stret." ⁴⁰ Afta long samting ia, olgeta oli fraet tumas blong askem ol kwesten long Jisas bakegen. ⁴¹ Nao Jisas i talem long olgeta se, "from wanem ol man oli stap talem se, "Mesaea bae i kamaot long famli laen blong king Deivid, ⁴² From we Deivid hem wan i talem long buk blong ol sam we hemi raeten i olsem "God i talem long God blong mi. Yu sidaon long raet saed blong mi, kasem taen ia we mi kilim olgeta evriwan ⁴³ Nao bae yu save putum leg blong yu antap long olgeta.' ⁴⁴ Yufala i luk devel i singaot Mesaea se God blong mi, so hao nao yufala i stap talem se Mesaea hemi pikinini blong devel?" ⁴⁵ Evri man oli stap lesin long Jisas.Nao Jisas i talem long ol disaepol blong hem se, ⁴⁶ "Yufala imas lukaot gud blong yufala no mekem olsem ol tija blong loa.Olgeta i wantem blong ol man oli tingbaot se olgeta oli inpoten, oli stap wokbaot wetem ol naes klos oli laekem blong ol man oli stap tok hae mo leftemap olgeta long ol maket ples,mo oltaem oli stap jusum ol gudfala ples blong sidaon long ples blong ol miting. Mo long ol taem blong kakai tu oli laekem tumas blong sidaon long ol inpoten ples. ⁴⁷ Oli stap karemaot ol samting insaed long haos blong wido, " we man blong olgeta oli ded finis. Mo oli stap mekem ol long longfala prea from ol man bae oli stap presem olgeta nomo.From we oli stap mekem ol fasin olsem,God bambae i panisim gud olgeta bitim ol narafala man.