¹ Nao Jisas i wokbaot mo i pass tru long Jeriko. ² Long taon ia igat wan man we nem blong hem Zakias. Hemi wan boss blong ol man we oli stap karem takis,mo hemi rij we i rij. ³ Hemi stap traem blong faenem aot se Jisas hemi huia,be hemi no save luk Jisas, from hemi wan sotfala man nomo. ⁴ Nao hemi ron igo fastaem blong klaem long wan tri, nem blong tri ia hemi sikamo,blong hemi save luk Jisas taem i pass long rod. ⁵ Taem Jisas Jisas ikam long ples ia,Jisas i lukluk igo antap mo i talem long Sakias se, "Sakias, yu kam doan hariap,from tede bae mi stap wetem yu long haos blong yu." ⁶ Sakias i hariap nomo i kam daon, mo i tekem Jisas igo long haos blong hem, we igat glad tumas. ⁷ Taem evri man oli luk olsem,nao olgeta evri wan oli stap komplen,oli stap talem se,Bae Jisas i visitim wan man weh i wan sina man." ⁸ Sakias i stanap mo i talem long Masta blong yumi se, " yu lesin,Masta,bae mi serem half blong ol samting blong mi long ol pua man,mo spos igat wan man we mi stilim ol ting blm,bae mi putum bak 4 samting blong hem bakegem." ⁹ Jisas i talem long hem se, "Tede God i sevem ol man we oli stap long haos ia,from se man ia tu i laen blong Abraham. ¹⁰ Mi mi pikinini blong man we mi kam blong lukaotem ol man we oli lus,mo blong sevem olgeta. ¹¹ Taem ol man oli stap lesin long Jisas, nao Jisas i yo hed blong talem wan parapol long olgeta, from we hemi stap go klosap long Jerusalem, nao ol man olgeta oli ting se i no long taem bambae wol ia we God i king long hem bae i kam tru. ¹² Nao Jisas i talem se, "I gat wan hae man we igo long narafala kaontry, blong oli putum hem ikam king,mo bambae ikam bak bae i king long ples blong hem. ¹³ Nao hemi singaotem tenfala man blong hem mo hemi givim gol mani long olgeta evriwan mo i talem long olgeta se,'yufala imas yusum mani ia blong mekem bisnis blong winim mani,gogo kasem taem we bae mi kam bak.' ¹⁴ "Be ol man ples oli no laekem hem, nao oli sendemaot ol man blong hem oli bihaen lem,we oli talem se, 'mifala ino wantem man ia bae i kam king blong mifala.' ¹⁵ Nao taem we hemi kam bak,olgeta long we oli mekem hem i kam king,hemi singaotem ol man ia we hem i givim mani long olgeta, blong oli kam luk hem. Hemi wantem faenemaot hamas mani we oli winim long bisnis ia. ¹⁶ "Nao fes wan ikam stanap long foret blm, mo i talem se, 'Masta,wan gol mani we yu givim long mi ia, mi mi winim ten gol mani antap long hem bakegen.' ¹⁷ "Nao masta blong hem i talem long hem se, 'man yu mekem igud tumas, yu wan gudfala wokman.From se yu feitful long ol smolsmol wok, bambae mi putum yu blong yu lukaot long ten taon. ¹⁸ "Mo sekenwan ikam,i talem se, masta, long wan gol mani we yu givim long mi, mi mekem faef mani lem bakegen.' ¹⁹ "Masta ia i talem long hem se, 'bambae yu yu lukaotem faef taon.' ²⁰ Narafala wan i kam, nao i talem se, Masta,hemia hemi gol mani blong yu,we mi bin kafremap gud long kaliko istap, ²¹ From we mi mi fraet long yu, from se yu yu wan had man.Yu stap pikimap ol samting we narafala man i putum istap,mo yu stap tekem kakai long garen we yu no wok lem.' ²² Nao masta ia i talem long hem se, 'bae mi jajem yu folem ol toktok blong yu,yu yu wan rabis wokman.Yu save finis se mi mi stap pikimap ol samting we narafala man i putum istap, mo mi stap karem kakai long garen we ino blong mi. ²³ From wanem yu no putum mani blong mi long bank,spos yu bin mekem olsem,taem we mi mi kam bak, bae mi save tekem mani blong mi wetem intres blong hem? ²⁴ Nao masta ia i talem long olgeta we oli stap stanap ia se, 'yufala i karemaot mani ia long hem,yufala igo givim long man ia we igat ten gol mani.' ²⁵ "Nao olgeta oli talem long hem se, 'masta,be hemi gat ten gol manni finis.' ²⁶ "Mi talem long yufala,man we igat samting finis,bae hemi save kasem moa samting bakegen,be man we ino gat samting,wanem smol samting nomo we hemi gat, be bae hemi mas lusum. ²⁷ Be ol enemi ia blong mi, olgeta we oli no wantem blong mi mi king blong olgeta, yufala igo from olgeta ikam,mo yufala i kilim ded olgeta long foret blong mi." ²⁸ Taem we Jisas i talem toktok ia finis, hemi go hed igo bak long Jerusalem. ²⁹ Taem hem i stap kam klosap long tufala smol vilij ia, Betfas mo Betani, long hill ia we nem blong Mauten Olif, nao hemi sendem tu disaepol. ³⁰ We hemi talem se, "Yutufala i go long narafala vilij ia.Taem we yutufala i go tru, bae yutufala i save luk wan iangfala dongki we no gat man i sidaon long hem yet. Yutufala i karem aot rop long hem mo tufala i karem i kam long mi. ³¹ Nao spos wan man i askem se, 'From wanem yutufala i stap karem aot rop long dongki ia bambae yutufala i mas takem?' se 'Masta blong yumi i nidim."' ³² Nao tufala i go mo tufala i faenem donki ia mo evri samting i hapen stret olsem we Jisas i bin talem. ³³ Nao taem tufala i stap karem aot rop long dongki ia, ona blong dongki ia i talem long tufala se, "From wanem yutufala i stap karem aot rop long dongki ia?" ³⁴ Tufala i talem se, "Masta i nidim." ³⁵ Nao tufala i karem i kam long Jisas, nao tufala i putum kot blong tufala long dongki ia blong Jisas i sidaon lem. ³⁶ Nao taem Jisas istap go, olgeta oli karem kot blong olgeta mo oli putum long rod. ³⁷ Taem Jisas istap kam klosap long Jerusalem, long rod ia we igodaon long hill blong tri ia olif, ol man blong hem we oli plante tumas, oli stap harem gud, nao oli stap presem God.olgtea oli stap singaot bingwan, oli stap presem hem from ol merikel we oli bin luk. ³⁸ Olgeta oli talem se, Hae God yu blesem king ia we ikam long nem blong yu.Long Heven igat Pis mo oli stap presem nem blong yu. ³⁹ Sam long ol Farasi we oli stap wetem man ia, oli tok long Jisas,se, "Tija , igud yu ronem aot ol disaepol blong yu." ⁴⁰ Jisas i ansa mo i talem se, "Mi talem long yufala, spos ol man ia oli stap kwait, bae oli ston ia bambae oli singaot." ⁴¹ Taem Jisas istap kam klosap long Jerusalem, hemi krae from ol man ples ia. ⁴² Nao hemi talem se,nating weh ilet finis,be spos yufala i save ol samting ia we i save mekem yufala igat pis, bae mi mi glad tumas, be yufala ino save, naia ol samting ia oli stap haed we yufala i no save luk. ⁴³ Igat taem istap kam we bae yufala ino save, mo long taem ia bae ol enemi blong yufala bae oli kam raonem yufala. Bae ol soldia blong olgeta bah oli digim hol igo raonem taon blong yufala, blong oli blokem yufala,nao yufala ino save aot. ⁴⁴ Bae olgeta bae oli brekem daon ol haos blong yufala, mo bae oli spolem gud yufala wetem ol pikinini blong yufala, bae olgeta bah oli no save lego wan ston blong haos istap,from yufala ino save luksave taem we God ikam tru blong sevem yufala. ⁴⁵ Jisas hem i go insaed long tempol mo i stat blong ronem aot ol man we oli stap mekem maket insaed, ⁴⁶ mo i talem long olgeta se, "Oli raetem long Baebol we God i talem se, haos blong mi bae hemi haos blong prea,' Be yufala i se mekem i ples blong haed blong ol man blong stil. ⁴⁷ Nao evri dei Jisas i stap tijim ol man long iad blong haos blong God. Nao ol jif pris ol tija blong loa mo ol hae man blong ol laen blong Israel oli stap traem blong kilim Jisas, ⁴⁸ oli no save faenem wan rod blong kilim hem, from we evri man oli wantem havem tumas ol ia blong hem.