¹ Nao Jisas i talem wan parapol long olgeta blong prea oltaem,blong tingting blong olgeta bae i no foldaon. ² Mo Jisas i talem se, "long wan vilij i gat wan jif we hem i no fraet nating long God, mo hem i no wantem save long ol man nating. ³ Nao long sem vilij ia, i gat wan wido, we i stap,mo evri taem nomo hemi stap kam luk jif ia,hemi stap talem long jif ia se, 'Bae i helpem hem blong stretem olgeta problem blong hem wetem ol enemi blong hem.' ⁴ Be jif ia hemi stap long taem hemi no wantem blong stretem problem ia,mo hem i talem long hem wan se,nating spos we mi no fraet long God mo mi no save tingbaot wan man. ⁵ Be from i gat wan woman wido we i stap mekem fulap problem blong hem tumas,mo bae mi kam stretem ol problem blong hem, from spos no bae hemi stap kam luk mi gogo bae i mekem mi nomo gat paoa blong mekem ol samting." ⁶ Nao masta ia i talem se, "yufala i traem tingbaot toktok ia we rabis jif ia i stap talem. ⁷ Be naia ia olsem wanem long God?Mo yufala i jusumaot olgeta,we oli save krae long hem long dei mo naet?mo yufala i ting se hemi no save mekem kwik? ⁸ Mi mi talem long yufala.God bambae i kwik blong givhan long ol man blong hem blong stretem ol problem blong olgeta?be taem mi mi pikinini blong man, mi kam bak long wol ia bakegen,bae mi save faenem plante man we oli biliv long mi,no nogat?" ⁹ Nao Jisas i talem parapol long sam man we oli biliv strong, se fasin blong olgeta i stret. Mo oli stap lukluk nogud long ol narafala man. ¹⁰ "Igat tu man tufala igo antap long haos prea, wan long tufala hemi Farasi mo nara wan hemi man blong karem mani. ¹¹ Nao Farasi, i prea ise "Tankyu God from mi difren long ol nara man,from olgeta oli no ol stret man.Oli slip wetem woman blong naraman, mi no olsem man ia we istap karem mani blong nara man we i wok blong kavman. ¹² Mi stap fast tu taem long wan wik, mo mi stap givim taet long evri samting we mi gat.' ¹³ Be man blong karem mani i stap long we smol. Hem i no leftemap ae blong lukluk igo antap long Heven, hemi stap haedem fes blong hem wetem han blong soem se hemi harem nogud."Hemi prea se"Plis papa God yu sore long mi,mi wan sina man. ¹⁴ Mo Jisas i talem se, mi talem long yufala se, taem tufala man ia i stap go hom, man ia we i stap go fes wan ia hemi no stret long fes blong God, Be man we i pulum tingting blong hem igo daon bambae God i leftemap hem." ¹⁵ Fulap long ol man oli stap karem pikinini blong olgeta ikam long Jisas blong Jisas i leim han blm long olgeta. Be taem ol disaepol oli luk nao oli stopem olgeta blong oli no kam klosap lng Jisas. ¹⁶ Be Jisas i singaotem olgeta blong oli go luk hem, nao hemi talem se,letem ol pikinini oli kam long mi, yufala i no stopem olgeta.From olgeta oli gat raet long Kingdom blong God. ¹⁷ Tru mi talem long yufala, olgeta man we oli no mekem tingting blong olgeta i stap daon olsem ol pikinini bae hemi no save kasem kingdom blong God. ¹⁸ Igat wan hae rula i kam askem hem se,gudfala tija bae mi mekem wanem blong gat laef we ino save finis?" ¹⁹ Jisas i talem long hem se, "From wanem yu talem se mi mi gud?I nogat man hemi gud, God nomo hemi stret gud oltaem. ²⁰ Yu save ol komandmen -Yu no slip wetem nara woman we ino woman blong yu,no kilim man,no mas stil, no mekem kiaman toktok, hona rem papa mo mama blong yu." ²¹ Nao man ia i talem se "evri samting ia mi stap obei long hem finis stat long taem we mi smol i kam kasem tede. ²² Nao taem Jisas i harem olsem, Hemi talem long hem se, "i gat wan samting nomo we i stap yet, yu go salemaot olgeta samting blong yu mo yu go givim ol mani blong yu long ol pua man, nao bambae yu gat ol gudfala samting blong yu long Heven. Mo yu kam yu biaen long mi yu man blong mi. ²³ Be taem man ia i harem olsem,hemi harem nogud we, from hemi wan rijman. ²⁴ Nao Jisas i luk save se man ia i harem nogud, nao Jisas ise "Ihad blong ol rijman i go long niufala wol we God i king long hem." ²⁵ Hemi isi blong kamel i pas tru long ae blong nidil,be hemi had blong wan rij man i pas tru long Kingdom blong God." ²⁶ Nao olgeta we oli stap lisen oli talem se,Be hu bae i save kasem laef ia ? ²⁷ Jisas i ansa se, " samting we ino stret wetem ol man be long God i stret nomo." ²⁸ Pita i talem long hem se, "okay, mifala i lego evri samting blong mifala mo bae mifala i folem yu." ²⁹ Jisas i talem long olgeta se,tru, mi talem long yufala, man we i lego haos blong hem , o woman, o brata,ol papa mo mama,o pikinini, from God i King blong hem, ³⁰ Hem bae i no save sot long ol samting ia.Nao mi talem long yufala, long wol ia bae hemi save kasem plante samting moa, i winim olgeta ia, mo long niufala wolia we bambae i kam, hem bambae igat laef ia we ino save finis." ³¹ Afta we Hemi tekem ol disaepol oli kam tugeta wetem hem,hemi talem long olgeta se,"yufala i luk,bambae yumi go antap long Jerusalem. Mo evri samting we ol profet oli bin raetem abaot pikinini blong God bambae oli kam tru. ³² Bae oli putum Hem long han blong ol Jentael, blong bae oli jikim hem,bae oli tritim nogud hem,bae oli sped long hem. ³³ Bae oli wipim hem, mo bambae oli kilim hem i ded mo long namba tri dei bae hemi laef bakegen. ³⁴ Be ol man blong hem oli no harem save ol toktok blong hem. Hemi olsem wan tok haed long olgeta, we oli no kasem mining blong hem nating. ³⁵ Taem Jisas ikam kasem taon ia Jeriko, i gat wan blaen man i sidaon long rod, i stap askem mani. ³⁶ Hemi harem foes blong fulap man istap kam,nao hemi askem se "wanem samting ia i stap hapen? ³⁷ Nao oli talem long hem se, "Jisas blong Nasaret ia istap wokbaot long rod." ³⁸ Nao blaen man ia i singaot bigwan i talem se, "Jisas, laen blong king Deved, plis yu sori long mi." ³⁹ Ol man we oli stap wokbaot ol tok long blaen man ia, oli talem long hem se bae i stap kwait. Be man ia i stap singaot nomo, "laen blong King Deved plis yu sori long mi." ⁴⁰ Jisas i stanap kwaet,mo i talem long olgeta blong oli tekem man ia i kam long hem.Taem oli tekem blaen man ia i kam klosap long hem, Jisas i askem long hem se, ⁴¹ Yu wantem blong mi mekem wanem long yu ?"Hemi talem se, "Masta mi wantem lukluk." ⁴² Nao Jisas i atlem long hem se, "yu openem ae blong yu, yu lukluk. Bilif blong yu nomo i mekem yu gud bakegen. ⁴³ Nao wan taem nomo hemi save lukluk bakegen, nao hemi bihaen long Jisas, istap leftemap nem blong God, mo evri wan we oli luk oli presem God.