¹ Nao Jisas i talem long ol disaepol blong hem se, "bae gat ol samting we bae i mekem ol man oli save foldaon long sin, bambae oli sori tumas long ol man we bae oli mekem ol samting i kamtru. ² Nao i mo gud spos oli hangem wan bigfala ston raonem nek blong hem. Mo traonem hem long solwota. Hemia i mo gud from, hemi mekem wan long olgeta i foldaon long sin. ³ Yufala i mas wajaot gud long laef blong yufala, spos brata blong yufala i mekem sin mas tok long hem,mo spos hemi jenjem fasin blong hem, mas fogivim hem. ⁴ Nao spos hemi mekem sin seven taem long wan dei,mo seven taem hemi kambak long yu, "i talem se hemi jenjem fasin blong hem,yu mas fogivim hem!" ⁵ No ol aposol oli talem long masta blong yumi se, "mekem feit blong mifala i kam moa strong." ⁶ Nao Masta blong yumi Jisas i talem se, "spos feit blong yufala i smol olsem wan sid yu save talem long wan tri blong igo stap gru long solwota, nao bae tri ia i obei long yu." ⁷ Huia long yufala, hemi gat wan wokman blong lukaotem sipsip o wan man blong wok long garen long wan bigfala ples,mo taem hemi kam long ples ia, kwik taem nomo masta blong hem i singaotem hem i kam sidaon blong kakai'? ⁸ Spos hemi talem long man ia, 'blong mekem redi wan samting blong i kakai, mo putum wan i stap i ronem klos blong hem,afta i sevem kakai blong hem kasem taem we hemi finisim kakai mo wota blong hem,mo afta long hemia bambae yu save kakai mo drink wota? ⁹ Nao man ia ino talem tankyu long wok man blong hem, from hemi mekem samting we masta blong hem i talem, nogat nomo? ¹⁰ Spos yu olsem,taem yu mekem evri samting we hemi blong yu, yu sud talem se, yumi no ol stret man. Mifala i mekem ol samting we hemi stret blong mifala nomo." ¹¹ Nao taem Jisas i stap wokbaot blong go long Jerusalem, hemi go long wan ples we mak blong ol graon blong ol man Sameria mo ol man Galili. ¹² Nao Jisas i wokbaot i kam long smol vilij ia, i gat ten sik man we oli kasem ol rabis sik, tenfala sik man ia oli stanap longwe long Jisas. ¹³ Mo tenfala sik man ia, oli singaot i go long Jisas, oli talem se, "Plis Masta yu sori long mifala." ¹⁴ Taem Jisas i luk olgeta, hemi talem long olgeta se "yufala igo soem yufala long ol pris."Mo taem oli stap go blong luk pris.Taem oli go bodi blong olgeta i kam klin gud bakegen. ¹⁵ Nao wan long ol tenfala sik man ia,i luk we bodi blong hem i klin bakegen, hemi tanem raon i glad tumas, mo hemi stap presem God. ¹⁶ Hemi go nildaon long foret blong Jisas, mo i stap talem tankyu long hem. Man ia wan man Samariten. ¹⁷ Nao Jisas i talem se, " wem ol narafala ten sik man ia we bodi blong olgeta i klin finis?Wem ol narafala man ia ? ¹⁸ Ino gat wan bakegen i kam blong givim Glori igo long God, man ia nomo hemi wan strenja?" ¹⁹ Mo Jisas i talem long hem se "Yu stanap mo yu go.Feit blong yu i mekem yu kam gud bakegen." ²⁰ Mo ol Farasi oli stap askem Jisas se wataem bambae God i kam king blong ol man, nao Jisas i ansa long olgeta se, "Kingdom blong Papa God hemi no kam wetem wanem we yu stap mekem. ²¹ Mo inogat wan i save talem se, 'Yu luk, hemia long ples ia o, hemia long we,"ples blong Papa God i stap insaed long yufala." ²² Nao Jisas i talem long ol disaepol blong hem se, "ol dei we bambae i stap kam bae yufala i no save luk mi,wan long ol dei ia bae mi kam from mi mi pikinini blong man. Be bambae yufala i no luk mi. ²³ Nao bambae ol man oli talem long yufala se, 'yufala lukluk igo long we!O yufala lukluk ikam long ples ia !be bambae yufala ino mas ron folem olgeta. ²⁴ Nao spos yufala i luk laetning i laet mo i saen long wan saed mo narasaed blong klaod, hemia i soemaot se pikinini blong God bae kam long dei ia. ²⁵ Mo taem hemi kam bae hemi i mas harem nogud long fulap samting mo bae ol man long taem ia bae oli no laekem hem. ²⁶ Olsem we hemi hapen long taem blong Noah, mo bambae i hapen long dei we bae pikinini blong God bae kam. ²⁷ Mo long taem ia, bae ol man oli kakai, drong, oli mared,mo oli mekem olsem kasem taem Noah i go insaed long bigfala bot. Mo bae bigfala wota ia ikam mo bae i spolem evri man ia. ²⁸ Long sem taem olsem, i hapen long taem blong Lot -ol man oli stap kakai mo drink, oli pem ol samting mo salem ol kakai blong olgeta, oli planem garen mo oli mekem ol haos. ²⁹ Be long taem ia we Lot hemi aot igo long sodom, i ren mo faea i foldaon long heven ikam daon, mo i spolem nogud evri man. ³⁰ Afta long sem dei ia, hemi dei ia nao we bambae pikinini blong man bae i kam tru. ³¹ Long dei ia,lego olgeta we oli stap aotsaed long haos blong olgeta bambae oli nomo go karem ol gudgudfala samting blong olgeta long haos. Mo i semak olsem we olgeta we oli stap long garen, bae oli nomo save kam bak long haos. ³² Yufala i mas tingbaot woman blong Lot. ³³ Be wij wan long yufala we i sevem laef blong hem,hem bambae i lusum laef blong hem,be man we i lusum laef blong hem bambae i savem. ³⁴ Mi talem long yu, long naet bae igat tu man i stap slip long wan bed.narawan bae i aot, narawan bae i stap. ³⁵ Mo bambae i gat tu woman we tufala i stap granem rais, mo narawan bae aot, mo nara wan bae istap." ^{36 37} Nao oli askem hem se, "wea, Masta?" Hemi talem long olgeta se, "Long ples we i gat wan ded bodi long hem, bae ol bigfala pijin we oli kakae mit nomo bae oli go hipap long hem."