¹ Jisas i talem long ol Disaepol blong hem se,igat wan rij man we hemi gat wan wokman we i stap manejem ol ting blong hem.Nao ol man oli stap givim ripot blong olgeta long rij man ia se maneja blong hem i stap westem taem blong hem nomo. ² Nao rij man ia i singaotem maneja blong hem mo i talem long hem se, Wanem samting ia weh mi stap harem ol man oli stap tokbaot yu from?Naia yu raetem daon everi samting we yu spentem mani blong mi lem,afta bae yu nomo maneja blong mi.' ³ Bae mi tingbaot wanem bah mi mekem,from bae masta blong mi bae i karemaot wok blong manejem ol samting long mi?Mi no gat paoa blong dig mo mi sem blong askem mani. ⁴ Mi save wanem bae mi mekem, from taem we bae mi kamaot long wok blong mi,bambae ol man oli save letem mi long haos blong olgeta.' ⁵ Nao maneja ia i singaotem ol man we oli stap kaon long mani blong masta ia blong oli kam,mo hemi askem fes man se,hamas blong yu pem bak masta blong mi?' ⁶ "Man ia i talem se, mi bin kaon long wan hanret dram oel blong kuk.'Nao man ia i talem long hem se, hemia pepa blong kaon blong yu, yu sidaon,mo yu raetem se fifti dram nomo.' ⁷ Nao meneja i talem long narafala wan bakegen se,'Hamas blong yu pem bak ?"Hemi talem se, mi mi kaon long wan taosen bag wit.'Nao maneja i talem long hem se, yu tekem pepa ia mo yu raetem eity nomo.' ⁸ Nao masta blong maneja ia,we i mekem i no stret, i presem hem we hemi save gud situeisen we istap, from samting ia i soemaot we ol man blong wol ia oli gat tingting moa blong olgeta, i mekem bisnes wetem ol man blong olgeta, i winim ol man blong delaet. ⁹ Mi stap talem long yufala, fulap man bae oli karem mani long fulap nogud samting. Be bae oli mekem igud long olgeta we oli nidim help,bae oli kam fren blong yu,taem yu ded bae yu go long ples we istap blong laef taem. ¹⁰ Man we i feitful long ol smol smol samting, bambae hemi save feitful long ol bigfala samting tu,mo man we ino stret long feis blong God bae ino save feitful long smol samting mo long bigfala samting tu. ¹¹ Spos yufala i no save lukaot gud long ol samting blong wol ia, blong i mekem yufala i rij. Hu bambae i save letem yufala i lukaot long ol samting ia we bae i mekem yufala i rij tru? ¹² Be spos yufala,i no save lukaotem gud ol ting blong narafala man,bambae God ino save givim samting long yufala we bae yufala nomo i gat raet lem. ¹³ Wan slef i no save wok blong tu masta long sem taem, from bae i laekem wan mo bae ino laekem narafala wan. Bae i mekem i gud long wan beh bae i no save wok gud blong nara wan.God mo mani tufala i no semak.Yu no save wok blong tufala tugeta long sem taem. ¹⁴ Nao ol farasi ia,we olgeta oli lakem mani tumas, oli harem evri samting, nao oli laf long Jisas. ¹⁵ Jisas i talem long olgeta se,yufala i glad taem ol man i laekem yufala, yufala i wantem blong man i leftemap yufala, be God i save hat blong yufala, Hemi save tingting blong yufala, ol man i ting se i stret, be God ino laekem. ¹⁶ Be ol loa blong God mo loa blong ol profet i stap talem aot mesej blong God kasem taem we Jon hemi kam tru.Nao afta long taem ia, gud nius blong God i stap go aot long evri man, mo oli stap traem blong putum laef blong olgeta i go blong folem tok ia. ¹⁷ Be hemia i no minim se igat man i save brekem daon loa blong God,bae wan dei wol ia mo skae bae ifinis. Bae kasem wan taem, bae i no gat wan man i save karemaot loa blong God. ¹⁸ Nao Jisas i talem se, "Man we i mekem divos long woman blong hem, mo i maredem narfala woman bakegen hem i mekem sin,mo man we i maredem woman we man blong hem i mekem divos long hem,hem tu i mekem sin." ¹⁹ Nao i gat wan samting we i hapen long wan rij man we kala blong klos blong hem i pepol mo gat gudfala lien long hem we i stap klad tumas long hem. ²⁰ Mo i gat wan poa man nem blong hem Lazaros we i stap long geit ol taem, mo ol so oli fulap long body blong hem. ²¹ Mo stap wantem kakae ol pis kakae we i foldaon long table blong rij man ia. Ol dog oli stap kam ikim ol so blong hem. ²² Nao i kam long taem we pua man ia i ded mo ol enjel oli karem hem i go long saed blong Abraham. Mo rijman ia tu i ded mo oli berem hem. ²³ Hemi go long hom blong ol ded man we hemi ples blong harem nogud tumas.Nao taem hemi lukluk i go antap hemi lukim Abraham i stap long wei mo Lasaros i stap long saed blong hem. ²⁴ Hemi singaot bigwan mo i talem se, Papa Abraham, plis yu gat sore long mi, yu sendem lazaros blong kam helpem mi. Mi harem nogud tumas from mi stap long faea. Bae hemi karem smol wota long han blm blong kam putum long maot blong mi. ²⁵ Be Abraam i talem se, "pikinini blong mi, tingbaot taem we yu laef yet yu stap long wol.Tingbaot yu gat fulap ol gudfala samting, be Lasaroa hemi nogat samting. Be naia mi lukaotem Lasaros be yu yu stap harem nogud. ²⁶ Hemia ino evri samting, bitwin yu mo mitufala igat wan bigfala hol we i blok istap,i bigwan ilong wan mo igo daon we daon, mo igat resen from wanem istap ia.Nogat man i save go kros blong go long ples ia. Nogat man blong krosem hol ia blong kam ia. ²⁷ Rijman ia i talem se,plis papa Abraham, spos i tru, yu sendem Lasaros igo long haos blong papa blong mi. ²⁸ Mi mi gat 5 brata we oli laef yet istap,talem long olgeta blong oli no mekem fasin olsem mi, spos oli ded bae oli no kam long ples ia. Bae oli no harem nogud olsem mi stap harem nogud naia. ²⁹ "Be Abraham i talem se, "be i gat tok blong mosis mo ol profet istap finis.Igud oli harem ol tok ia blong olgeta nomo.' ³⁰ Nao rijman i talem se, "No papa Abraham hemia ino naf.Spos man we ided afta i laef bakegen, bae igo luk olgeta mo bae olgeta bah oli save lego olfala fasin blong olgeta." ³¹ "Be Abraham i talem long hem se, "Spos oli no lesin long wanem we Mosis mo profet oli talem, so bae oli no save bilivim man we ided mo i laef bakegen.