¹ Nao ol man blong karem takis mo ol man nogud oli stap kam blong lisen long Jisas. ² Be ol farasi mo ol tija blong loa oli stat toktok long olgeta wanwan se, "eh man ia i stap wetem ol man nogud mo hemi stap kakai wetem olgeta." ³ Nao Jisas i toktok long parabol ia long olgeta se, ⁴ "Hu ia long yufala,spos i gat wan hanred sipsip be i lusum wan be stil bae ino save lego naeti naen ia long draeples ia,mo bae go lukaotem hemia we i lus gogo bae faenem? ⁵ Taem we bae hemi faenem,bae i putum hem long solta blong hem from we iglad tumas. ⁶ Mo taem hemi kasem haos blong hem,hemi singaotem ol fren blong hem mo ol neba blong hem mo i talem long olgeta se, 'yufala i selebret wetem mi,from we mi mi faenem sipsip blong mi finis.' ⁷ Mi mi talem long yufala se long sem fasin,bae i gat bigfala harem gud long Heven taem we wan man nogud nomo i tanem tingting blem, pitim olgeta naenti naen we oli no oraet finis mo oli no nit blong tanem tingting blong olgeta. ⁸ O wanem woman we i gat ten silva koen mo wan i lus,afta i no save laetem laet mo brum long haos mo lukaotem gogo kasem i faenem bakegen? ⁹ Mo taem hemi faenem,hem i singaotem ol fren mo ol neba blong hem,mo i talem se, 'yufala ikam selebret wetem mi,from mi faenem mani weh mi lusum ia.' ¹⁰ Mo mi mi talem long yufala se,igat bigfala harem nogud i stap wetem ol enjel blong God taem wan man nogud i tanem tingting blong hem. ¹¹ Mo Jisas i talem se, "igat wan man hemi gat tu boe, ¹² smol wan long tufala i talem long papa blong tufala se,'Papa, yu serem wanem propeti blong yu mo givim blong mi long mi. 'so papa i serem ol samting ia i stret long tufala. ¹³ Ino long taem nomo,smol boe ia i pakemap ol samting blem m i go long wan narafala kaontry long we we long we, mo i spendem evri mani blong hem long ol rapis samting nomo. ¹⁴ Mo taem hemi flatem gud mani blong hem,wan had taem ikasem olgeta we evri kakai i finis mo naia hemi stap long bigfala nid. ¹⁵ Hem i go lukaotem wok long wan masta blong ples ia mo masta ia i askem hem blong hen i go stap fidim ol pig blong hem long fens. ¹⁶ Hemi stap luk fowod blong kakai af kakai blong ol pig from i nogat man i givim kakai long hem. ¹⁷ Be taem tingting blong hem i kam gud bakegen hem i talem long hem wan, se, ' Hamas long ol wokman blong papa blong mi oli gat inaf kakai nomo be mi mi stap angre blong ded long ples ia? ¹⁸ Bae mi girap long ples ia mo kobak long papa blong mi mo talem lem se, "papa mi mekem sin akensem Heven mo akensem yu. ¹⁹ Mi mi nomo stret blong yu singaotem mi olsem pikinini blong yu,mekem mi olsem wan wokman blong yu nomo. ²⁰ So hem i girap i lego ples ia mo i kobak long papa blong hem.Taem hem i stap kam long we yet,papa blong hem i luk hem mo hat blong hem i fulap long sori mo i ron igo mo i hakem hem mo i kisim hem. ²¹ Nao boe blong hem i talem long hem se, "Papa, mi bin sin akensem Heven mo akensem yu. Mi mi nomo stret blong yu singaotem mi se pikinini blong yu.' ²² "Papa blong hem i talem long ol wokman blm se, "yufala i hariap karem namba wan kaliko mo putum long hem,mo putum wan ring long finga blong hem mo werem wan sandel long leg hem. ²³ Afta yufala i go kilim bulum we i fatfat gud karem ikam yumi mekem lafet. ²⁴ From pikinini blong mi ia i ibin ded mo naia i laef bakegen. Hem i bin lus ne naia mi faenem hem bakegen ale oli mekem lafet. ²⁵ Be bigfala boe blong hemi stap long plantesen.Taem hem i kambak i harem nois blong musik mo ol man oli stap danis. ²⁶ Hem i singaotem wan wokman mo i askem lem se,"lafet blong wanem ia. ²⁷ Nao wokman ia i talem long hem se, 'smol brata blong yu i kambak hom bakegen mo papa blong yu i kilim wan fatfat buluk from hem i kambak we i oraet nomo mo ino sik.' ²⁸ Nao fes bon boe ia i kros tumas mo ino wantem igo insaed,mo papa blong hem ikam stap toktok long hem. ²⁹ Be fes bon boe blong hem i talem long hem se, "Yu luk mi wan wokman blong yu fulap yia we mi neva mekem wan samting nogud long yu, be yu neva givim wan iang nani long mi wetem ol fren blong mi i save mekem lafet tugeta. ³⁰ Be taem sekenbon boe blong yu i kambak we i spolem yu mo istap silip wetem ol wokman blong rod, yu kilim fatfat buluk blong mekem lafet. ³¹ Nao papa blong hem i talem long hem se,boe,yu yu stap wetem mi evri taem nomo mo evry samting hemi blong mi,hemi blong yu. ³² Be hemi stret nomo blong yumi mekem lafet from smol brata blong yu ia ibin ded ia be naia i laef bakegen, hem i lus be naia yumi faenem hem bekagen.