¹ Long wan sabat dei, Jisas i go blong kakai bred long haos blong wan long ol lida blong Farasi. Be olgeta oli stap lukluk Jisas se bambae i mekem wanem. ² Nao stret long fes blong Jisas i gat wan sikman i stap we bodi blong hem i solsolap. ³ Nao Jisas i askem long ol tija blong loa mo ol Farasi se, "olsem wanem?" Long sabat dei,loa blong yumi i letem blong yumi mekem sikman i gud bakegen, o nogat?" ⁴ Be olgeta oli no talem wan samting.Nao Jisas i tekem man ia,i mekem bodi blong hem i gud bakegen,mo i sendem hem i go bak. ⁵ Nao hemi talem long olgeta se,"Hu long yufala we i gat wan pikinini boe o wan buluk we i foldaon i go long we long sabat dei,be hemi no wantem go blong pulumaot hem kwiktaem?" ⁶ Oli nomo save talem wan ansa from ol toktok ia. ⁷ Nao taem Jisas i luksave se ol man we oli kam blong kakai, oli jusum ol namba wan ples blong sidaon mo kakai long hem,hemi talem wan parapol, long olgeta se, ⁸ "taem oli askem yu blong go long lafet blong mared,yufala i no mas go staon fastaem long ol nambawan ples, from maet man we i askem yu blong kam, hemi askem wan man we i hae moa long yu blong ham tu i joen. ⁹ Taem man we i askem yutufala blong kam long mared i kam,bae hemi talem long yu se, "yu kamaot, man ia bae i sidaon long ples ia. "Nao yu bambae yu sem, from yu mas go sidaon long floa. ¹⁰ Be spos oli askem yu blong joen long wan kakai, i gud yu go sidaon long floa.Nao man ia we i askem yu bae kam luk yu,i talem se,"Fren, yu kam sidaon long ples ia we i moa gud."Long fasin ia,hem bambae i leftemap yu long fes blong olgeta ia we oli stap kakai wetem yu. ¹¹ Man we i stap leftemap hem i kam haeman, bae God i putum hem i stap daon. Be man we tingting blong hem i stap daon, bambae God i leftemap hem i kam haeman tru. ¹² Jisas i talem long man ia we oli invatem hem se, "Wanem nao bae yu mekem long taem blong kakae ia, no mas invatem ol fren o ol brata o ol klos fameli o rij man, mo olgeta bae oli jes invatem yu afta, bae yu karem bak paimen long hem. ¹³ Be spos yu mekem wan kakai, yu mas askem ol puaman, ol disability, ol man we leg blong olgeta i nogud mo ol blaen man blong oli kam kakai. ¹⁴ Nao God bambae i blesem yu, from we olgeta ia oli no save givimbak samting ia we yu mekem long olgeta. Bambae long las dei, taem we ol stret man oli laef bakegen, God bambae i givim pei long yu from samting ia." ¹⁵ Nao wan long olgeta we oli stap long kakai ia i harem toktok ia, i talem long Jisas se, " man we bambae i sidaon long kakai long niufala wol ia we God i king long hem, hemi save harem gud!" ¹⁶ Be Jisas i talem long hem se, " i gat wan man we i mekem wan bigfala kakai mo i askem plante man blong kam joen longhem. ¹⁷ Nao long taem blong kakai ia,hemi sendem ol wokman blong hem blong go talem long ol man we i askem olgeta blong kam joem se, "yufala i kam ia i redi finis." ¹⁸ Be olgeta evriwan oli talem se oli no save kam.Feswan long olgeta i talem se, "mi jes pem wan pis graon, mo mi mas ko luk fastaem.Sori mi no save kam." ¹⁹ "Mo narafala man i talem se, "Mi jes pem ten buluk blong pulum kat, mo mi mas go blong traem olgeta.Sori mi no save kam. ²⁰ Mo narafala man bakeken i talem se, " mi mi jes mared ia, sori mi no save kam." ²¹ Nao wokman ia i gobak i talem aot ol toktok ia long masta blong hem.Nao masta ia i kros tumas long ol man ia, nao i talem long hem se, "yu hariap, yu go long rod mo ol ples olbaot long taon ia,yu faenem ol puaman, ol man we leg blong ol i nogud, ol blaenman mo ol man we bodi blong olgeta i nogud, yu tekem olgeta i kam." ²² Nao wokman i se, Masta, ol samting ia we yu talem,mi mekem finis, be i gat rum istap yet.' ²³ Nao masta ia i talem long wokman blong hem se, "yu go long rod mo ol ples raonabaot aotsaed long taon, yu toktok gud long ol man blong kam, blong haos blong mi bae fulap gud." ²⁴ Be mi talem long yu, "bae i nogat wan long olgeta we mi askem olgeta fastaem, we bambae i save kakai samting, long kakai ia blong mi." ²⁵ Plante man oli stap biaen long Jisas long rod.Nao hemi tanemraon i talem long olgeta se, ²⁶ "Spos wan man i wantem kam biaen long mi,hemi mas putum mi,mi nambawan long laef blong hem,i moa long papa mo mama blong hem,mo woman blong hem,mo ol pikinini blong hem,mo ol brata blong hem. Mo hemi mas tanem baksaed long olfala laef blong hem tu.spos no,hemi no save kam man blong mi. ²⁷ Man we ino karem kros blong hem blong i biaen long mi,hemi no save kam man blong mi. ²⁸ Hu long yufala we i wantem wokem wan bigfala haos we i hae,be i no sidaon fastaem blong wokem aot gud praes blong olgeta samting we i nidim,blong luk se mani blong hem i naf o i no naf? ²⁹ Spos man i no wokemaot gud praes blong hem, bambae hemi save putum fandesen, be i no save finisim haos ia.Nao olgeta we oli luk hem bambae oli laf long hem. ³⁰ Bae oli talem se, "man ia i statem wan haos, be hemi no naf blong finisim." ³¹ Mo spos wan king we i gat ten taosen soldia nomo i harem nius se wan narafala king we i gat twenti taosen soldia i stap kam blong mekem faet agens long hem,hemi no save hariap blong go faet.Fastaem hemi mas sidaon blong lukluk gud se bambae hemi save win, no nogat. ³² Spos hemi luk se hemi no save win, hemi mas sendem sam man blong hem oli go luk enemi blong hem,taem oli stap longwe yet blong mekem pis wetem olgeta. ³³ Nao long sem fasin spos wan long yufala i no redi blong lego ol samting blong hem,blong i kam biaen long mi, bambae hemi no save kam man blong mi. ³⁴ Nao Jisas i talem se, "sol i wan gudfala samting, be spos i no moa konkon, bambae oli mekem olsem wanem blong mekem i konkon bakegen? ³⁵ Nating we man i sakem igo long garen, be i no save givhan long garen tu. Mo spos man i tanem wetem sisit blong buluk blong yusum long garen, bae i no save givhan long garen tu.I gud blong sakem nomo. Man we i gat sorae,hemi mas lesin gud long tok ia."