¹ Long taem ia, igat sam man oli stap wetem Jisas.Oli stap talem wanem we i hapen long sam man long Galili, we paelet hemi sendem sam soldia oli kilim olgeta. ² Nao Jisas i ansa se, "Tingbaot olgeta man ia long Galili,maet yu ting se olgeta oli mekem inogud tumas ibitim ol narafala man blong Galili, hemia nao mekem se oli mas ded? ³ No!Be mi talem stret se,yufala evriwan istap mekem fulap ol nogud samting,bae yufala mas jensem hao yufala istap lif mo mas traem blong folem God.Spos yufala no mekem, yufala isud ded olsem olgeta. ⁴ Yufala i tingbaot wanem we i bin hapen long ol 18 man long Siloam.Wan bigfala haos i foldaon nao i kilim olgeta.Ating yufala ting se haos oli mekem sam mo nogud samting long Jerusalem. ⁵ Be mi talem long yu, nogat, oli no mekem eni samting, yufala evri wan i mekem fulap nogud samting, yufala i mas jenisim fasin blong yufala mo folem God.Spos yufala no mekem olsem,be bae yufala ided semak long olgeta. ⁶ Nao Jisas i talem wan parabol, "igat wan man we hemi planem fig tri long garen blong hem,nao hemi kam bak blong jekem se tri ia igat frut lem, be ino gat wan frut nating istap long tri ia. ⁷ Man ia i talem long wok man se "yu luk,tri yia mi kam bak pas long ples ia be tri ia ino karem frut nomo, gatem daon.From wanem bae i stap stanap olsem? ⁸ Wok man ia i ansa mo italem se,'Masta,plis lego tri ia istap long yia ia bageken bambae mi digim sam graon mo putum igo raon long hem. ⁹ Spos tri ia i karem frut next yia, bae hemi gud, spos i no karem frut ten yumi gatem aot!" ¹⁰ Nao Jisas istap tij insaed long haos blong prea long wan sabat. ¹¹ Igat wan woman insaed ia we hemi gat wan sik we imekem hem istap wik tumas blong 18 yia. Baksaed blong hem i ben mo hemi no save stanap stret. ¹² Taem we Jisas i luk hem, Jisas i singaotem hem mo i talem lem se, "woman,yu yu fri long sik blong yu." ¹³ Jisas i putum han blm long woman ia,nao wan taem nomo woman ia i stanap stret bageken mo i presem God. ¹⁴ Be ol lida blong haos prea oli kros from Jisas i hilim woman ia long sabat dei.Nao ol lida oli ansa mo oli talem long ol man se,"igat 6 dei we yufala iwok lem.Yufala isave kam long eni dei ia beh ino long sabat dei." ¹⁵ Nao Jisas i ansarem hem mo i talem se,"Yufala ol tu feis !Yufala i mekem olsem se yufala ino stap karem aot rop long bulu mo dongki blong yufala blong oli go drink wota long sabat dei? ¹⁶ Yufala iluk woman ia hemi wan famli we i kamaot long laen blong Abraham,we setan ispolem gud hem fo 18 yia weh ilong fala tumas, mo yufala iting seh bae hemi no save kam gud bageken long sabat dei? ¹⁷ Taem Jisas itoktok olsem long olgeta,ol lida blong ples ia oli sem tumas. Be ol narafala man oli glad nomo, from oli luk Jisas i mekem fulap gudfala samting mo igat bigfala paoa long evri samting. ¹⁸ Nao Jisas i talem se,"Kingdom blong Papa blong Mi iolsem wanem?Bae Mi Mi komberem hem wetem wanem? ¹⁹ I olsem wan smol sid we wan man i karem mo i sakem igo long garen, mo i gru ikam wan bigfala tri,mo ol pijin blong Heven oli mekem haos blong olgeta long ol branj blong tri ia." ²⁰ Bageken Jisas i talem se,"Bae mi komperem Kingdom blong God long wanem? ²¹ Bae hemi olsem hao wan is blong bred iwok,wan woman ikarem mo putum long 3 difren dis blong flawa, is ia igru insaed long flawa mo ikam bigwan. ²² Nao Jisas i pas tru long taon mo ol vilij,Jisas i stap tij mo mekem wei bolng hem blong kasem Jerusalem. ²³ Wan man i talem long hem se, "Masta, bae wan smol namba nomo isave seif?"Nao Jisas i talem long olgeta se, ²⁴ Jisas i talem long olgeta se, "yu mas trae had blong pas tru long doa,from se, Mi talem long yufala,plante long yufala i wantem pass tru long doa ia, be yufala i no wiling blong pass tru long doa ia ²⁵ Taem we Masta blong haos ia bae i stanap mo bae i lokem doa,nao bae yufala i stanap aotsaed long doa mo bae yufala i kilkilim doa mo bae yufala isingaot se 'Masta, Masta, yu letem mifala ikam insaed."Nao bae hemi ansa mo bae italem long yufala se, Mi mi no save yufala o wea ples yufala i kam lem.' ²⁶ "Nao bae yu talem se,"Be Masta mifala ikam kakai wetem yu mo yu yu tijim mifala long vilij.' ²⁷ "Be bae hemi talem long yu se, 'Mi mi no save wea ples yu yu kam long hem.Yufala ikam aot long mi, yufala i mekem fulap nogud samting !' ²⁸ Nao bae yu krae,bae yu stanap aotsaed bae yu kakai tut blong yu mo bae yu luk Abraham, Isac mo Jecob long ples we God i rulum, mo bae yu luk ol nara profet tu,be God i sarem doa finis. ²⁹ Bae oli kam long Ist, Wes, Not mo Saot bae oli sidaon long tebol blong Kingdom blong God. ³⁰ Lesin,ol man we oli no inpoten naia, bae oli kam moa inpoten, mo olgeta we oli inpoten bae oli nomo inpoten. ³¹ Long sem taem nomo sam Farasi oli kam talem long hem "yu aot long ples ia from bae King Herod bae i kilim yu." ³² Jisas i talem se, "Yufala i talem long hem se, mi stap ronemaot ol rabis spirit mo mekem ol man oli stap kam gud bakegen tede mo tumoro, mo long namba tri day bambae mi finisim ol wok blong mi. ³³ Eniwei,mi mas kohed blong wokbaot samo dei blong kasem Jerusalem, spos oli wantem kilim profet blong God bae oli kilim hem long Jerusalem, be ino aotsaed long Jerusalem. ³⁴ Jerusalem,Jerusalem,yufala i kilim ol Profet blong God mo stonem olgeta we oli kam stap ia, mi stap wantem tekem yufala ikam klosap long mi, olsem wan mama faol we i kavremap ol pikinini blong hem klosap long bodi blong hem,be yufala ino wantem olsem. ³⁵ Yufala i lesin !Bigfala haos ia bae ikam nogud from inogat man istap long hem, mo mi stap talem se bae yufala ino save luk mi bakegen, kasem dei we bae yufala i talem se, 'Hae God yu blesem man ia we ikam wetem yu."