¹ Long taem we ol samting ia oli stap hapen, plante taosen man oli kam hip ap long wan ples nomo. From we ol man oli plante tumas, oli fasfas gud we klosap oli stanap antap long olgeta bageken. Nao Jisas i stap toktok long ol disaepol blong hem fastaem. Hemi talem se "Yufala i mas lukaot, yufala ino mas kam olsem ol farasi ia.Olgeta oli wantem soemaot long man be olgeta nomo oli ol stret man be nogat, olgeta ia oli olsem ist we man i sakem long bred.Wan smol ist nomo i mekem bred isolap. ² Samfala man oli stap haedem ol samting we oli mekem. Be long taem we i stap kam bae ol man oli luk evri samting we oli stap haedem oli kamaot klia long bigfala delaet.Evri man bae oli save ol samting we oli stap haedem. ³ Yu save talem ol tok we ol man oli no save harem,mo haed long naet. Be long wan dei evri man bae oli harem ol tok we yu stap talem haed long naet long wan klia delaet.Spos yu talem wan tok klosap nomo long sorae blong wan fren blong yu long bihaen blong wan doa we yu sarem. Be wan dei nae ol man oli harem vois antap long ruf blong haos we oli stap singaot bigwan mo oli stap talemaot ol samting we oli haed. ⁴ Taem yufala ol fren blong mi, bae mi mas talem olsem.Yufala ino mas fraet long ol man we oli save kilim bodi blong yufala nomo i ded afta oli nomo save mekem eni moa samting bageken. ⁵ Be mi stap talem long yufala se 'yufala i mas fraet nomo long God, from hem i gat paoa blong kilim ol man mo sakem olgeta i ko long hell faea.Yes mi talem stret, yufala i mas fraet long hem. ⁶ Yu save se oli salem faef pijin from tu selen nomo. Be ol smol smol pijin ia wan wan long olgeta oli spesel long fes blong God, from hem nomo i mekem olgeta mo i stap lukaot gud long olgeta. ⁷ God hemi save ol namba blong ol heia we i stap long hed blong yu.From samting ia yu no nid blong fraet long olgeta we oli stap agensem yu,yu yu moa spesel long fes blong God bitim fulap smolsmol pijin. ⁸ Mi talem long yufala, yu mas talemaot long ol narafala man se "yufala i bivi long mi"spos yufala i mekem olsem,mi ia pikinini blong man bae mi talem long ol enjel blong God se "man ia hemi wan man blong mi" ⁹ Be spos yu stap talem long ol narafala man se "yu no biliv long mi "mi tu bae mi talem long ol enjel blong God se, "mi mi no save man ia. Hemi no man blong mi " ¹⁰ Spos wan man i tok nogud long mi, we mi pikinini blong man, God bae i save fogivim hem. Be spos wan, man i tok agens long Hli Spirit, God bae ino save fogivim man ia. ¹¹ Plante man bae oli mekem yu stanap long foret blong olgeta insaed long ol haos blong prea, long fored blong ol lida mo olgeta we oli stap long paoa.oli wantem mekem olsem from oli wantem soemaot se yu nao yu stap mekem rabis fasin. Be yu no mas fraet long olgeta.Yu no mas mekem hat blong yu i trabol from wanem toktok we bae oli talem. ¹² Long taem ia nao bae Holi Spirit bae i tijim yu. Hem bae i talemaot long yu evri toktok we bae yu talem. ¹³ Nao igat wan man we istap insaed long grup blong ol man ia.i talem long Jisas se 'Tija, mi mi gat wan problem ia wetem brata blong mi.Papa blong mitufala ided finis.Yu talem long hem i serem ol samting we papa i lego wetem mifala. ¹⁴ Jisas i talem long hem se 'Man!yufala i ting se mi gat raet blong mekem wok ia blong mekem ol disisen mo pointemaot ol raet mo rong blong yufala hao yufala imas livim laef blong yufala.' ¹⁵ Nao hemi talem long evri man se 'Be yufala i mas lukaot!Yu no mas gat wantem blong gat plante samting bitim wanem we yu gat mo i stap finis. Stamba blong laef blong wan man ino stap long ol samting wea hemi onem.spos man i rij hamas be praes blong laef i moa long hem. ¹⁶ Mo Jisas i talem wan stori olsem ; "i gud wan man we hemi gat sam gudfala graon we hemi stap planem ol sids blong ol plants long hem.From we graon ia i rij gud mekem ol plans ia oli stap gru gud, kasem taem we ol frut blong olgeta i raep gud. ¹⁷ Nao hemi stap tingting se bae hemi mas mekem wan samting.'Nao hemi stap talem long hem wan se "Ah mi nogat inaf rum blong stakem ol kakai blong mi ? ¹⁸ Imo gud mi brekem daon haos we mi stap stakem ol kakai blong mi long hem afta bae mi biltim wan nara wan bageken we ibig wan gud, we bae inaf blong mi save stakem ol kakai blong mi insaed long hem. ¹⁹ Mo bae mi talem long mi wan se 'Yu gat plante samting finis we yu stap stakem insaed long haos ia we inaf blong yu save gat wan gudfala isi laef blong plante yia,yu save kakai, yu save drink olsem we yu wantem,bae yu spel gud nomo." ²⁰ Be God italem long hem se "Man yu kranke no.tede long naet bae yu ded,bae yu lego evri samting istap bihaen.Traem tingbaot ol samting we yu stakem istap finis, wanem bae i hapen spos se yu ded yu save huia nao man we bae i lukaot long olgeta samting ia? ²¹ Nao Jisas i gohead mo talem se,"i gat samfala man oli stap wantem plante samting we iblong olgeta nomo.Long stori ia i soemaot hao nao olgeta oli wantem laef we olgeta igat plante samting. Be God italem se "olgeta ia oli nogat wan gudfala samting nating." ²² Mo Jisas i talem long ol disaepol blong hem se, "mi talem lo yufals se yu no mas letem tingting blong yu i trabol from laef blong yu i nidim o wanem klos nao bae yu werem. ²³ From we laef blong yu hemi inpoten bitim ol kakai we igiv han long bodi, mo bodi blong yu hemi moa inpoten bitim klos we yu werem. ²⁴ Yu traem tingbaot ol pijin oli no wokem garen long graon blong kasem kakai oli nogat ples blong stakem ol kakai blong olgeta. Be Hae God i stap fidim olgeta.Yu yu moa spesel bitim ol pijin ia. ²⁵ Spos yu stap tingbaot laef blong yu tumas bae yu no save mekem i jenij nating long wan haoa ! ²⁶ No yu no save mekem wan samting nating olsem.Nao from samting ia spos yu stap tingting tumas from ol samting we yu nidim be yu no save kasem,from wanem yufala i stap letem tingting blong yufala i trabol tumas from ol nara samting? ²⁷ Tingbaot ol flawa we oli stap gru.olgeta oli no wok o mekem klos blong olgeta. Be mi talem stret long yufala se, ol klos blong King Solomon oli no naes kasem ol flawa ia. ²⁸ Spos God istap flasem gud ol flawa ia we oli stap gru tede long klia ples nomo be tumoro ol man oli stap katemaot mo oli stap bonem long faea.Yufala i ting seh hemia bambae ino save givim klos long yufala?Man, biliv blong yufala ismol tumas? ²⁹ Yufala ino nid blong wari tumas from ol samting olsem kakai mo wota blong drink. ³⁰ From fasin blong stap tingbaot ol samting ia tumas hemi fasin blong ol man long wol ia we oli no biliv long God. Be yufala ia, papa blong yufala long Heven i save finis ol samting we yufala inidim. ³¹ Be fastaem yufala imas lukaot gud blong obei mo folem ol fasin blong God we hemi KIng blong yufala.Afta hem bambae i kivim long yufala olgeta samting we yufala i nidim. ³² Yufala ino mas fraet, from yufala iolsem ol sipsip we oli stap long wan smol grup nomo, be papa blong yufala long Heven hemi gat tumas blong tekem yufala ikam man blong hem,mo we hem nomo i King blong yufala ³³ Yufala imas salemaot ol ting blong yufala mo givim mani igo long ol pua man.Long fasin ia i olsem we yu stap storem ol gud gudfala samting blong yu long Heven, insaed long wan bag we i strong mo i fulap gud long mane mo bae ino save lus bageken from istap long ples we man blong stil ino save kasem mo ol kakoroj tu oli no save spolem. ³⁴ From long ples we yu storem ol gudfala samting blong yu long hem,tingting blong yu bae istap long ples ia oltaem nomo. ³⁵ Jisas i talem long olgeta se "yufala imas redi oltaem olsem ol man we oli stap redi blong go wok eni taem,mo yufala imas laetem laef mo redi. ³⁶ Yufala imas olsem ol man blong wok we oli stap wet blong oli luk masta blong olgeta we hemi jes mared nomo, Nao taem hemi aot long ples blong lafet mo hemi stap go bak long haos, olgeta i stap redi blong openem doa long hem taem we hemi noknok. ³⁷ Olgeta ia oli save harem gud from we bambae oli kakai wetem hem long tebol we hemi priperem finis istap." ³⁸ Nao spos masta ia ikam long medel naet, o long eli moning taem we san ino girap yet mo hemi luk we oli stap wekap mo redi, olgeta ia bae oli save harem God. ³⁹ Yufala i mas save tu se 'spos Masta blong haos i save stret taem we man blong stil bae i kam,hem bae ino save silip, hem bambae istap wekap nomo,mo man ia blong stil bambae ino save stilim ol samting long haos blong hem. ⁴⁰ From samting ia, mi talem long yufala se yufala imas redi from we pikinini blong man bambae ikam long wan taem we inogat man isave. ⁴¹ Nao Pita i se "Masta, yu yu stap talem parabol ia long mifala nomo o yu stap talem long evri man? ⁴² Nao Jisas i ansarem Pita i talem lem se "man we masta blong hem i jusum blong manejem ol wok blong hem imas gat waes mo hemi mas fetful blong givim ol kakai long ol narafala wok blong hem long stret taem. ⁴³ Mo spos masta blong hem i kam tru mo i faenem hem istap mekem ol stret wok bambae man ia i save harem gud. ⁴⁴ Tru mi talem long yufla. Masta bambae i save putumap man ia i kam bos long ol propeti blong hem. ⁴⁵ Be spos man ia i ting se masta blong hem bambae ino save kam bak hariap,nao hemi stat blong kilim ol man mo woman blong wok, mo hemi stap dring we i stap drong tumas. ⁴⁶ Bambae Masta ia ikam tru long wan taem man ia ino redi nating, mo long taem ia bambae man ia i sek from hemi no save.Nao masta ia bambai i panisim gud hem mo putumaot hem igo long ples blong olgeta we oli no biliv. ⁴⁷ Man blong wok weh i save finis wanem wok we masta blong hem i wantem blong mekem, be afta hemi no mekem olsem we masta blong hem iwantem, bambae masta blong hem bae i panisim gud hem wetem plante wip. ⁴⁸ Be man blong wok we ino save ol samting we masta blong hem i wantem mo hem i stap mekem ol fasin we ino stret, i gud blong oli mas wipim hem from bambae ino tumas man we God i givim plante samting long hem.God i wantem blong man ia i mekem plante samting blong hem. Mo man ia we oli putum plante samting long han blong hem,bambae ol man oli askem plante moa samting long hem. ⁴⁹ Mi mi kam long wol ia blong laetem faea, mo bambae mi glad taem we mi ia i laet. ⁵⁰ Bambae mi mi go tru long wan had taem we ful bodi blong mi i mas draon fulwan igo kasem antanit olgeta we harem nogud istap long hem. ⁵¹ Yufala iting se mi mi kam blong putum pis long wol?No!Ino hemia nomo be mi mi kam blong seraotem ol man. ⁵² I stat naoia igo, wan famili bambae i seraot long tu grup.spos igat 5 long olgeta bamabe 3 long olgeta oli agensem 2 mo 2 long olgeta oli agendem 3. ⁵³ Bambae oli seraot, papa bambae i agensem boe blong hem mo boe i agensem papa, mama bambae i agensem gel blong hem mo gel i agensem mama blong hem. Mo bae woman i agensem woman blong boe blong hem, mo woman i agensem mama blong man blong hem." ⁵⁴ Mo Jisas i toktok long bigfala grup blong ol man ia i talem se "taem yufala i luk ol klaod oli hipap long wes, wan taem nomo yufala talem se "bambae iren ia"mo bae hapen olsem we yufala i talem. ⁵⁵ Mo taem yufala i luk saot win iblu,yufala talem se "san bae i hot tumas ia"mo i hapen stret olsem we yufala talem ⁵⁶ Man, ol tu fes!Yufala ol man blong kiaman stret !yufala istap talemaot se weta bae i olsem ia tede,from se yufala istap lukluk wanem we istap hapen long graon mo antap long skae.Yufala olsem wanem?From wanem yufala ino luk save ol saen blong taem ia blong mi? ⁵⁷ Yufala mas jajem tingting blong yufala wan wan, spos yufala save finis wanem we istret blong mekem, be from wanem yufala ino save mekem ? ⁵⁸ Spos wan man i tekem yu go long kot, be long haf rod, yu gat janis blong luk hem,i gud yu toktok wetem hem fastaem mo stretem problem blong yutufala bifo yu kasem haos kot mo jaj i jajem yu mo polis i putum yu igo insaed long presin haos. ⁵⁹ Mi talem long yu, spos i hapen olsem bambae yu no save kamaot long presin haos ia kasem taem we yu pem flatem faen blong yu.