1
Afta long hem ia, i kat wan lafet blong ol Jiu, mo Jisas i go antap long Jerusalem
2
Nao long Jerusalem ples blong salem sipsip, i kat wan pul wetem faef franda, we long Hibru nem blong hem Betesda.
3
Long ples ia, i gat plante sikman oli stap slip, ol man we oli no save lukluk,ol man we lek i nogud, ol man we haf body i ded oli stap ledaon long ples ia.
4125
Mo i gat wan man we i stap long ples ia we hemi bin sik blong Teiti-eit yia.
6
Nao taem Jisas i luk hem i slip mo i save se hemi bin stap olsem long taem, I talem long hem se, " Yu wantem kam gud bakegen?"
7
Sikman ia i ansa long hem se, " Masta, mi nogat wan fren blong putum mi long pul blo wota taem wota i stap muv. From taem mi stap traem godaon, narawan i go festaem long mi."
8
Jisas i talem long hem se, " Yu girap, karem bed blong yu mo wokbaot."
9
Mo wan taem nomo, man ia i kam gud bakegen, mo i karem mat blong hem, mo wokbaot. Be dei ia hemi wan sabat dei, taem blong spel.
10
Nao ol Jiu oli talem long man ia we i bin kam gud se, " Sabat tedei, mo i tabu blong karem mat blong yu."
11
Hem i ansarem olgeta se, "Man we i bin hilim mi, hem nao i talem long mi se, 'Karem mat blong yu mo wokbaot.'"
12
Nao oli askem hem se, " Huia nao i talem long yu se, ' bae yu karem mat blong yu mo wokbaot '? "
13
Be man ia we i bin kamgud bakegen, hemi no save se huia man ia, from we Jisas i aot finis mo i gat fulap man long ples ia.
14
Afta long samting ia, Jisas i faenem man ia long tempol mo talem long man ia se, "Yu luk, yu kam gud finis. Yu nomo sin o maet wan samting we i moa wos i save kasem yu."
15
Hemi aot mo i go talemaot long ol Jiu se man we i hilim hem, hem i Jisas.
16
Mekem se, naia ol Jiu oli stap spolem Jisas, mo oli lukaotem blong kilim hem i ded from we hemi bin mekem ol merikel ia long Sabat.
17
Be Jisas i ansarem olgeta se, "Papa blong mi i stap wok kasem naia, mo mi tu mi stap wok."
18
From samting ia, ol Jiu oli trae had moa blong kilim ded hem. I no from hemi brokem Sabat nomo be tu from we hemi bin talemaot se God i Papa blong hem, we i minim se hem i semak wetem God.
19
Afta, Jisas i ansarem olgeta se, "Tru, mi talem long yufala. Pikinini blong God i no save mekem samting hem wan, be ol samting nomo we i luk Papa blong hem i stap mekem. Nao, ol samting we hemi i mekem, Pikinini i stap mekem semak.
20
From Papa God i lavem pikinini blong hem mo i stap soemaot long hem olgeta samting we hem i mekem. Mo bae hem i soemaot long hem ol bigfala wok bitim hemia blong mekem se bae yufala i sapraes moa.
21
From olsem we Papa God i leftemap ol ded man mo i mekem oli laef, long sem fasin, Pikinini blong God bae i givim laef long eni man we i jusum.
22
From Papa God i no stap jajem eni man, be hem i givim olgeta raet blong jajmen i go long pikinini blong hem.
23
Blong olgeta man oli save givim rispek long Pikinini blong hem olsem we oli rispektem Papa God. Man we i no rispektem Pikinini blong God, i no rispektem Papa God we i bin sendem hem.
24
Tru mi talem long yufala, man we i harem tok tok blong mi mo i bilif long hem we i bin sendem mi, hemi baebae i gat laef we i no save finis, mo baebae jajem i no go akensem hem, from hem i aot long ded i kam long laef.
25
Tru, mi talem long yufala, taem i stap kam mo i stat naia, we ol ded man bae oli harem vois blong Pikinini blong God. Mo olgeta we oli harem, bae oli laef.
26
From olsem we Papa God i gat laef insaed long hem wan, nao i bin givim laef ia long Pikinini blong hem tu we gat laef long hem wan,
27
mo tu from we hemi Pikinini blong Man, Papa God i givim pawa long hem blong save mekem jajmen
28
Yufala i no sud sapraes long samting ia, from taem i stap kam bae olgeta we oli stap long gref, bae oli harem vois blong hem
29
mo bae oli kirap long gref, olgeta we oli bin mekem gud fasin, bae oli laef bakegen long laef we i no save finis, be olgeta we oli bin mekem nogud, bae oli kirap bakegen blong ko long panis we bae ino save finis.
30
Mi no save mekem wan samting mi wan nomo. Olsem we mi harem, mi jajem. Mo mi jajem stret, from we mi no folem plan blong mi, be plan blong Papa God we i bin sendem mi. Sipos mi givim witnes blong mi wan nomo, witnes blong mi wan i no inaf.
31
Be i gat wan mo man we i stap givim witnes blong mi, mo mi save se witnes blong mi we hemi givim i tru.
32
Be i gat wan moa man we i stap givim witnes blong mi, mo mi save se witnes blong mi we hem i givim i true.
33
Yufala i bin sendem Jon, mo hem i givim witnes finis se, ' i tru.'
34
Mi talem ol samting ia, i no from me stap witnes blong ol man, be blong yufala i save sef.
35
Jon i olsem wan laet we i laet mo i saen finis mo blong smol taem, yufala i bin glad from laet blong hem.
36
Be mi gat wan witnes we i moa bitim witnes blong Jon. Hem ia ol wok we Papa God i givim long mi blong finisim, we mi stap mekem naoia, oli givim witnes blong mi se Papa God i bin sendem mi.
37
Papa God we i bin sendem mi, hem ia nao i givim witnes blong mi. Yufala i neva bin harem vois blong hem, mo yufala i neva bin luk se hem i olsem wanem.
38
Mo tok blong hem i no stap insaed long yufala, from we yufala i no bilivim man we hem i sendem i kam.
39
Yufala i lukaotem gud insaed long ol skripja ya from tru long olgeta yufala i ting se bae yufala i gat laef we i no save finis, mo olgeta ia oli givim witnes blong mi,
40
mo yufala i no wantem nomo blong kam long mi, blong kasem laef ia.
41
Ol man oli no givim rispek long mi,
42
be mi save yufala finis mo lav blong God i no stap insaed long yufala.
43
Mi stap kam long nem blong Papa blong mi be yufala i no welkamem mi. Be spos narawan i kam long nem blong hem wan, bae yufala i welkamem hem.
44
Yufala i wantem rispek blong ol narafala man, be yufala i no traehad blong kasem rispek we God nomo i save givim. Hao nao bae yufalai save biliv?
45
Yufala i no ting se bae mi ripotem yufala long Papa God. I gat wan finis we i stap ripotem yufala, hem i Moses we yufala i stap trastem hem.
46
Spos yufala i bilivim Moses, yufala i bilivim mi tu, from hem i bin raet i tokbaot mi.
47
Be spos yufala i no bilivim wanem we hemi raetem, hao nao bae yufala i save bilivim tok blong mi?
1Sam long ol olfala kopi long grik lanwis oli no raitem se Oli stap wet blong water ia i muv muv.
2From long wan sisen long evri yia, wan enjel i stap godaon long pul ia, mo i muvum wota. Mo fes man blong godaon afta we wota i muv, hem i kamgud bakegen long eni kaen sik blong hem