¹ Taem Jisas i talem toktok ia finis, hem i bin go aot wetem ol disaepol blong hem, oli krosem mo oli go narasaed long Kidron Krik, we i gat wan garen, mo Hem wetem ol disaep blong hem oli go insaed long karen ia. ² Mo tu Judas, (we bae i salemaot Jisas,) i save ples ia. From oltaem, Jisas i stap go spel long ples ia wetem ol disaepol blong hem. ³ Mo Judas i kam long ples ia wetem sam ami mo sam ofisa we ol jif pris mo ol farisi oli bin sendem olgeta oli go mo oli karem ol stik faea, ol hariken laet, mo ol tul blong faet. ⁴ Naoia Jisas i save finis olgeta samting we bae i hapen long hem, ale, hem i go askem long olgeta se," Yufala i stap lukaotem hu ia?" ⁵ Oli ansarem hem se, "Jisas blong Nasaret." Jisas i talem long olgeta se, "Mi Ya." (Mo Judas, we i salemaot hem, i stap stanap wetem olgeta.) ⁶ Stret long taem ia we hem i talem long olgeta se, "Mi ia," oli muv go bak smol bihaen oli foldaon i go long graon. ⁷ Mo hem i askem olgeta bakegen se, "Yufala i stap lukaotem hu ia?" Bakeken oli ansa se, "Jisas blong Nasaret." ⁸ Jisas i talem se, "Mi talem long yufala finis se mi ia nao. Sipos yufala i stap lukaotem mi, letem olgeta ia oli go" ⁹ Hem i talem olsem blong toktok blong hem i save kamtru we hem i bin talem se: Bae mi "Mi no lusum wan long olgeta we yu bin givim long mi." ¹⁰ Nao Saemon Pita, hemi i gat wan naef blong faet mo i pulumaot, mo i katem wokman blong hae pris, i katemaot raet sora blong hem. Nem blong wokman ia Malkas. ¹¹ Be Jisas i talem long Pita se, "Putum bak naef blong yu long poket blong naef. Yu ting se bae mi no dring long kap we Papa blong mi i givim long mi?" ¹² Afta, ol kapten mo ol ami, mo ol ofisa blong ol Jius oli tekem Jisas mo oli fasem hem. ¹³ Mo feswan, oli tekem hem i go long Anas, palika blong Kaeafas, we i hae pris long yia ia. ¹⁴ Kaeafas ya nao we i bin givim advaes long ol Jius se i moa gud blong wan man i ded long bihaf blong ol nara man. ¹⁵ Afta, Saemon Pita i folem Jisas, mo tu, wan narafala disaepol. Nao hae pris i save narafala disaepol ia, mo hem i go insaed wetem Jisas long haos blong hae pris; ¹⁶ be Pita i stanap aotsaed long doa. Ale, narafala disaepol we hae pris i save hem, i go toktok long gel blong wajem doa, mo i tekem Pita i go insaed. ¹⁷ Ale, gel ia we i mekem wok blong wajman, hem i askem Pita se, "Ating yu yu wan disaepol blong man ia?" Mo Pita i ansa se,"Nogat." ¹⁸ Nao i ol wokman mo ofisa oli stap stanap we oli bin mekem wan faea blong womem olgeta from ples i kolkol. Nao Pita i stanap wetem olgeta, mo hemi stap womem hem. ¹⁹ Ale, hae pris i kwestinim Jisas from ol disaepol blong hem mo ol tijing blong hem. ²⁰ Jisas i ansarem hem se, "Mi bin talem klia long wol. Oltaem mi bin tij long sinagoges mo long tempol we ol Jius oli stap kam tugeta long hem. Mi no talem wan samting long sikret. ²¹ From wanem nao yu stap kwestinim mi? Traem askem olgeta we oli bin harem mi, se mi bin talem wanem long olgeta. Yu luk, olgeta oli save wanem we mi bin stap talem long olgeta." ²² Mo taem hem i talem olsem finis, wan ofisa we i stap klosap, i slapem Jisas mo i talem se, "bae yu ansarem hae pris olsem ia?" ²³ Jisas i ansarem hem se, "Sipos yu luk se mi bin talem wan rong, yu mas givim witnes blong rong ia. Be mi bin talem tru, from wanem nao yu slapem mi?" ²⁴ Nao rop i holemtaet hem iet, mo Anas i sendem hem i go long Kaeafas hae pris ia. ²⁵ Nao, Saemon Pita i stanap i stap womem hem long faea. Olgeta oli askem long hem se, "Yu wan disaepol blong tu, ah?" Be hem i giaman se, No." ²⁶ Nao wan wokman blong hae pris (we hem i wan famli blong man we Pita i bin katemaot sora blong hem), hem i askem se, "I no yu we mi bin luk yu long garen wetem hem?" ²⁷ Be Pita i giaman bakegen; mo stret long taem ia manfaol i singaot. ²⁸ Long eli moning, oli tekem Jisas, oli aot long Kaeafas, mo oli go long gavman headkota, be olgeta oli no go insaed long gavman headkota (blong i mekem oli stap klin blong oli save kakae pasova). ²⁹ Ale, Paelat i kam aot long olgeta mo i askem se, ''Yufala i talemaot from wanem yufala i go agensem man ia?'' ³⁰ Oli ansarem mo talem long hem se, ''Sipos hem i no wan rabis man, mifala i no save karem hem i kam long yu.'' ³¹ Ale, paelat i talem long olgeta se, ''Yufala i tekem hem, mo yufala i jajem hem folem ol loa blong yufala.'' Be ol Jius oli ansa long hem se, ''I tabu blong mifala i kilim ded man.'' ³² (Blong mekem se toktok blong Jisas i save kamtru we i bin talemaot long wanem kai fasin blong ded bae hemi go tru long hem.) ³³ Naia, Paelat i kam insaed long gavman hedkota bakegen, mo i singaot Jisas mo i askem hem se, ''Yu yu King blong ol Jius?'' ³⁴ Jisas i ansarem hem se, ''Yu stap askem long tingting blong yu wan? O sam narafala man oli bin tok baot mi long yu?'' ³⁵ Paelat i askem se, ''mi mi no wan Jiu?'' Ol man ples blong yu mo ol Jif pris oli bin givim yu long han blong mi. Be yu bin mekem wanem?'' ³⁶ Jisas i ansa se, ''Kingdom blong mi i no stap long wol ia. Sipos kingdom blong mi i bin stap long wol ia, ol wokman blong mi oli mas faet blong blokem ol Jius blong tekem mi. Be naia kingdom blong mi i no stap long ples ia.'' ³⁷ Ale, paelat i askem long hem se, ''Yu yu wan king?'' Be Jisas i ansa se, ''Yu nao yu talem se mi wan king. From pepes ia, mi bin bon blong givim witnes long tru. From samting ia nao mi bin kam long wol ia. Evri man blong trut, oli harem save voes blong mi.'' ³⁸ Paelat i askem hem se, ''Wanem nao trut?'' Mo afta we i bin talem olsem, hem i go aot long ol Jiu bekegen mo i talem long olgeta se, ''Mi no faenem wan rong long hem nating. ³⁹ Be yufala i gat wan kastom long Pasova we mi sud lego wan man i kam long yufala. Yufala i wantem se mi lego King Blong Ol Jius i kam long yufala?'' ⁴⁰ Olgeta man oli singaot strong se, ''Mifala i no wantem man ia, be mifala i wantem Barabas!'' Be from Barabas hem wan lida blong rebilian.