¹ Nao i gat wan man we i sik nem blong hem Lasaros. Hem blong Betani, taon blong Meri mo sista blong hem Marta. ² Mery ia nao we bae i kapsaedem senta long Masta mo waepem leg blong Masta wetem hea blong hem, we brata blong hem nao Lasaros we i sick. ³ Nao tufala sista blong hem i sentem mesej blong Jesus, se, ''Masta, u luk, man we u lavem hem i sick.'' ⁴ Taem Jesus i harem, i talem se, ''Sick ia i no blong ded, be i blong leftemap glori blong God. Mo Pikinini blong God i save kasem glori from.'' ⁵ Nao Jesus i lavem Marta mo sista blong hem mo Lasaros. ⁶ Taem we Jesus i harem se Lasaros i sick, Hem i stap tu dei bakeken long sem place we hem i stap. ⁷ Afta long tu dei i pas, hem i talem long ol disaepol se, ''Ale yumi go long Judea bakeken.'' ⁸ Ol disaepol oli askem hem se, ''Tija, ol Jiu oli bin traem stonem ded u, mo u wantem ko bak long ples ia bakeken?'' ⁹ Jesus i ansa se, ''U ting se i no kat twelf aoa long delaet? Spos any man i wokbaot long delaet, hemi no save foldaon, from hemi save luk laet blong wol ia. ¹⁰ Be, spos wan man i wokbaot long tudak, bae hem i foldaon from we i nokat laet long hem.'' ¹¹ Afta we hemi talem ol samting ia, i talem long olgeta se, ''fren blong yumi Lasaros i silip, be mi stap ko blong wekemap hem.'' ¹² Nao ol disaepol blong hem oli talem se, ''Masta, spos hemi silip, bae hem i kam gud.'' ¹³ Jesus i minim se hemi ded, be oli think se hemi stap tokbaot slip olsem blong spel nomo. ¹⁴ Nao Jesus i talem klia lo olgeta se, ''Lasaros i ded. ¹⁵ Mi glad, long behaf blong yufala, se mi no bin stap blong yufala i save bilif. Be naia bae yumi ko luk hem.'' ¹⁶ Thomas, we oli singaotem hem Didymus, we i talem long ol disaepol se, '' letem yumi ko blong yumi tu i ded wetem Jesus.'' ¹⁷ Taem Jesus i kam, i faenemaot se Lasaros i stap long gref fo dei finis. ¹⁸ Nao Bethany i stap olsem tri kilometa, aotsaed long Jerusalem. ¹⁹ Mo fulap Jiu oli kam lo Marta mo Meri, blong serem sori from brata blong tufala. ²⁰ Mo taem Marta, i harem se Jesus i stap kam, i ko mitim hem long rod, be meri i stap sidaon iet long aos. ²¹ Nao Marta i talem long Jesus se, ''Masta, spos yu bin stap, brata blong mi bae i no save ded. ²² Be iet, mi save se wanem we yu askem long God, bae God i givim long yu.'' ²³ Jesus i talem long hem se, ''Brata blong yu bae i kirap bakeken.'' ²⁴ Marta i talem long hem se, ''Mi save se bae hem i kirap bakeken long resureksion blong las dei.'' ²⁵ Jisas i talem long hem se, '' Mi mi stamba blong resureksion mo stamba blong laef; man we i biliv long mi, nomata we hemi ded, bae hemi i gat laef ia; ²⁶ Mo eni man we i laef mo i biliv long mi bae hemi neva ded. Yu bilivim?'' ²⁷ Marta i talem long hem se, ''Yes, Masta, mi bilivim se yu yu Mesaea, Pikinini blong God, we i stap kam long wol ia.'' ²⁸ Mo taem i talem olsem,i go singaotem sista blong hem Meri long sikret se. Hemi talem se, ''Tija i stap long ples ia finis mo i stap singaotem yu. ²⁹ Taem Meri i harem olsem, i girap kwik taem mo i kam long Jisas. ³⁰ Nao Jisas i no kam long taon iet. hemi i stap nomo long ples we Marta i bin luk hem. ³¹ Taem we ol Jiu, we oli stap wetem Meri long haos blong serem sori wetem hem, taem oli luk Meri i kirap hariap mo i go aot, oli folem hem, mo oli talem se hemi stap go blong krae long tum. ³² Taem Meri i kam long ples we Jisas i stap mo i luk hem, mo i foldaon long leg blong hem mo i talem long hem se, ''Masta spos yu bin stap, brata blong mi bae i no save ded.'' ³³ Taem Jisas i luk we hem i stap krae bigwan, mo ol Jiu we oli folem hem olgeta tu oli stap krae bigwan, hem i harem nogud long spirit mo hat blong hem i trapol; ³⁴ hem i talem se, ''Yufala i putum hem wea?''Mo oli talem long hem se, ''Masta,yu kam luk.'' ³⁵ Jisas i krae. ³⁶ Nao ol Jiu oli talem se, ''Yufala i luk hem i lavem Lasaros i bigwan tumas!'' ³⁷ Be sam long olgeta oli talem se, ''Man ia we i bin openem ae blong blaen man, hem i no save mekem tu se man ia i no bin ded? ³⁸ Nao Jisas i harem nogut bakeken, mo i kam bak long tum. Tum ia i wan hol blong ston, mo i gat wan bigfala ston we i blokem hol ia. ³⁹ Jisas i talem se, "tekem aot ston." Be Marta, sista blong Lasaros, hemi man ia we i ded, i talem long jisas se, "Masta, hem i stik nao from hemi ded fo dei finis. ⁴⁰ Jisas i talem long hem se, "Mi talem long yu finis se, spos yu biliv bae yu luk glori blong God?" ⁴¹ Nao olgeta oli karem aot ston.Jisas i leftemap hed blong hem mo i talem se, ''Papa, Mi talem tankyu from we yu lesin long mi. ⁴² Mi mi save se yu stap lesin long mi oltaem nomo,be from se igat fulap man we oli stap stanap araon long mi mekem nah mi talem olsem,blong mekem se bae olgeta oli save biliv se yu nao yu sendem mi.'' ⁴³ Afta we hemi talem samting ia,hemi singaot wetem wan bigfala vois, ''Lasaros, yu kam aot!'' ⁴⁴ Nao ded man ia i kam aot; be ol klos blong ded oli holem taet han mo leg blong hem iet, mo i gat hangkejif long fes blong hem iet. Jisas i talem long olgeta se, ''Karemaot kaliko mo letem hem i go fri''. ⁴⁵ Nao fulap long ol Jiu we oli bin kam long Meri mo oli bin luk ol samting ia we Jisas i bin mekem, oli biliv long hem. ⁴⁶ Be sam long olgeta oli go bak long ol Farasi mo oli talemaot wanem we Jisas i bin mekem. ⁴⁷ Nao ol Jif pris mo ol farasi oli putum ol kanjela tugeta mo oli talem long olgeta se, ''Wanem nao bae yumi mekem? Man ia i mekem fulap samting tumas nao. ⁴⁸ Spos yumi lego hem i stap olsem, evri man bae oli biliv long hem; bae ol Rom bae oli kam tekem aot tufala ples blong yumi mo neisen blong yumi.'' ⁴⁹ Be wan long olgeta, Caiaphas, we hem i hae pris long yia ia, i talem long olgeta se, ''Yufala i no save wan samting. ⁵⁰ Yufala i no stap tingbaot se i mo gud long yumi blong wan man i ded long bihaf blong ol nara man, bitim we olgeta man blong kantri ia oli ded.'' ⁵¹ Toktok ia i no kamaot long hem wan. Be, from se hemi hae pris long yia ia, hem i stap profesae se Jisas bae i ded from neisen ia; ⁵² Mo i no from blong neisen ia nomo, be blong pikinini blong God we oli stap long we tumas, bae i karem olgeta oli kam wanples. ⁵³ Nao stat long dei ia, oli stap miting tugeta blong traem kilim ded hem. ⁵⁴ From samting ia, Jisas i nomo wokbaot long pablik wetem ol Jiu. Be hem i go long wan eria klosap long draeples long wan taon we oli singaot se Ephraim, mo i stap long ples ia wetem ol disaepol blong hem. ⁵⁵ Mo Pasova blong ol Jiu i stap kam klosap. Mo fulap oli aot long eria ia blong go long Jerusalem fastaem long Passova, blong oli save klinim olgeta wanwan. ⁵⁶ Olgeta oli stap lukaotem Jisas, mo taem oli stap stanap long tempol, oli stori tugeta se, ''Yufala i ting se wanem? Bae hem i no kam long lafet ia?'' ⁵⁷ Nao oli jif pris mo ol farasi oli bin givim komanmen se spos eni man i save weaples Jisas i stap long hem, hem i mas talemaot, blong oli save tekem hem.