¹ Yesu wengididi mu watu wumoshi, wa zawuka, waya kwimbu dyenji. ² Eza kumunehina muthu mumoshi wakhedi wawekumuka, walangala ha kyandu. Yesu, Kyamweni lukwikilu lwowu, waleza muthu mwenoyuna: Khala ni kikesa, mwana emi, na kuvidisila kubola kweyi." ³ Amalongi ma tsiku ekha ayanjika kwakwangana mu kathsi kowu: ,"Muthu oyu wenda wasawula Nzambi." ⁴ Yesu wejikidi mabanza mohu, he wa waleza: "Kikuma kyakhi nudi nwazala ni ngindu jabola mu mitshima myenu? ⁵ Ekhi ya hitangana kuwaha: kuvidisila muthu kubola kwenji ho kumuleza etsi zanguluka, ndanga wendi?" ⁶ Kashi, ejikenu etsi mwana muthu wudi ni kiyeka kya kuvidisila athu kubola kwowu henaha hashi. Waleza muthu wakhedi wa wekumuka: Zanguluka, nona kyandu kyeyi, wuvutuki kunzu eyi. ⁷ Mweni wa zangulukidi, wa vutuka kunzu enji. ⁸ Tangwa hunji dyakhedi hohu, kyamweni kyenekina, ayitukudi, ayanjika kushikisa Nzambi, kikuma wahwa athu kiyeka kya phila mweneyina. ⁹ kyela Yesu wakatuka ni kwenda, wamona muthu mumoshi jina dyenji Matayi, washikama mu bilo ni kufutisa kitadi kya leta. Mweni wa muleza; Ngulabi. Mweni wa zanguluka waya kumulaba." ¹⁰ Kyela Yesu wengila munzu, washikama, wayanjika kudia. Tulaki, twafutisanga yitadi, athu a lujingu lwabola, eza kudia ni Yesu ni alonguki jenji. ¹¹ Afadishi kyamweni kyenekina, aleza alonguki jenji etsi: "kikuma kyakhi longi dyenu edi kudyanga ni tulaki ni athu edi ni lujingu lwabola?" ¹² Kyela Yesu wevwa kyenekina, mweni wakudidi: Keshiku athu edi akola enda kukhala ni fhunu ya munganga, ksahi akhashi. ¹³ Ndangenu nulonguki disongidila dya mambu masonikini: Ami nyakumbula kwivila athu khenda, kashi kimenga loni. Kikuma ami nyejidiku kuhulusa athu a phimbu, kashi akwa masumu." ¹⁴ Alabi ja Yowani ashetukidi kwakhedi Yesu, akula: Kikuma kyakhi etu nya afadishi twenda kujila kudia, kashi alabi jehi lo? ¹⁵ Yesu wa wavutudidi: Aphngi ja yala wudi kukwelanga enda oku kudiyangisa kikuma muthu wu kukwelanga wudi hohu nyeni. Kashi lutsiku ludi, kyakela akatula yala mukwa wala, he awana akhedi ku feti ayanjika kya kujila kudia." ¹⁶ Kushiku ni muthu walunga kunona kitemba kyakatataka wa phata muledi wukulu, kikuma kitemba mwenekina kikubakha muledi wukulu woshu wu kuyanzumuka. ¹⁷ Kendoku kusya vinu dyakatataka mu masaki makulu, yivwa lo mawaba makulu ma kubakuka, vinu dikumwangana, masaki epi makubakhuka. Enda kusya vinu dyakatataka mu masaki makatataka mu kukeba mawaba. ¹⁸ Kyakhedi kuwaleza mambu menamana, fumu mumoshi wa Ayuda watudidi, wafukimini, wakula: Mwana emi wa mukhetu wafwa kaka kikimweni, twendi wumushi mokhu hamutwa atokami. ¹⁹ Yesu wazanguluka, waya nendji ni alabi jenji. ²⁰ Kwakhedi ephi ni mukhetu mumoshi wakhedi kuwidika mashi mvula kumi ni jadi, wejidi kumutanda wa Yesu, wa mukwata kutsongi ya mvwela. ²¹ Kikuma wamweni etsi: Yivwa nya kwata tsongi ya mvwela yenji, nikukola. ²² Yesu kyalumukini, wakula, kyela wamumona: Khala ni kikesa, ndumbu wemi, lukwikilu lweyi lwa kuhuka. Mukhetu mwenoyuna wakodidi mumbala yimoshi. ²³ Tangwa dyatudidi Yesu kunzu ya fumu wa Ayuda, wawanini athu akhedi kushika yitadi m katsi ka kutshi dyatu, ²⁴ Mweni wawalezidi: Wudikenu munzu, mwana mukhetu keshiku wafwa, wudi walangala. Kashi eni ayanjika kumuseya. ²⁵ Tangwa dya wudikidi athu mwena wana hanji, mweni wengididi ku suku, wa mukwata mu kokhu, mwana mukhetu wa tokama. ²⁶ Tsangu mwenejina ja mwangana kizunga kyoshu. ²⁷ Kyela wa katuka henahana, aphofu mbadi alabidi Yesu, ni kwakula kyangolu: Twividi khenda, Mwana Davidi. ²⁸ Tangwa dyengila munzu, aphofu akokuluka kwakhedi mweni. Yesu wa wehula: Enu nwenda nwa kwikila etsi ami nya lunga kuhanga kyenekina? Eni akula: Ee fumu. ²⁹ He, mweni wa wakwata mu mesu, wakula: leka mahangami mudi kidi lukwikilu lwenu." ³⁰ Mesu mowu matemuna. Yesu wa wahwa tsiku: Ata muthu mumoshi kejikoku mambu ama. " ³¹ Kashi, eni kyendidi aya kumwanga tsangu mu kuzunga kyoshu. ³² Kyela athu mwenawana mbadi ayakowu, anehini kudi Yesu muthu wakhedi kamama, wazala ni phevi jabola. ³³ Tangwa dyakaya phevi yabola, kamama kayanjika kwakula. Hunji dyathu dyayitudi ni kwakula: kanduku kadi tumonanga dyambu dya kieneki mu thothu ya Yisaleli. ³⁴ Kashi afadishi ayanjika kwakula: Wenda wakaya phevi jabola, mu ngolu jamuhwa fumu wa phevi mwenejina." ³⁵ Yesu wakhedi kukiba mu membu moshu, mu ma vidi ni mu membu mabibi. Wakhedi kwenda ni kulonga mu manzu mowu ma yisambu, ni kuwa tendudila tsangu jawaha jakifumu kya Nzambi, ni kuwuka akhasi, ni kuzangulusa yikata. ³⁶ Tangwa dyamweni athu lawu, wevidi khenda jingi ku mutsima wenji, kikuma athu alembwidi mudi mamemi makonda mvungi. ³⁷ Mweni walejidi alonguki jenji: yilanga yakola, kashi athu akwenda kusanda eshiku a lunga. ³⁸ Lombenu kudi fumu wa kilanga, a tumishi athu lawu eji kuhanga mu kilanga kyenji.