¹ Mu suka suka, amambuta jia anganga nzambi ni amambuta m' ayuda, oshu awongimini, ha hanga fondu kikuma kia kujiya Yesu. ² Amukashidi miyololu, amusenda, aya ku muhana ku mokhu ma Gouvernere Pilatu. ³ Tangwa Yudashi, oyuna wa mu sumbishidi, kiela wamona etsi Yesu a mu zengila ndola, wa baludidi mutshima, waya kuvutula fwalanga yibende makumi masatu, kudi amambuta jia anganga nzambi ni amambuta ekha ayuda, ⁴ mweni etsi,"Ami nia hangidi kubola mu kusumbisa muthu wa konda kuhanga kima." Kashi eni kama amuleza etsi, Mukhi mambu menamana matutala etu? Makutala ayi mweni." ⁵ Yudashi wakongidi fwalanga homa ha tsiku mu nzu ya nzambi, wa washisha , waya kudikudika enjimweni. ⁶ Amambuta jia anganga nzambi atongunini fwalanga mwene jina, eni etsi,"Tsiku yishiku kutuwanga djila ya kusweka fwalanga eji mu sanduku dia dibundu, kikuma jiata mashi ma muthu." ⁷ Pika jiengididi mu pila ya kujihangila ti evwanganini, aji sumba kilanga kiakujikila anzenza. ⁸ Kienikioki kilanga mwene kina enda kukitambika ti lelu," Kilanga kia mashi." ⁹ Mambu menama mabwidi mu kulungisa mambu makudidi mbikudi Yelemi etsi: "Anonini Yibenda ya fwalanga makumi masatu, yidi thalu ya zengidi ana jia Yisaledi, ¹⁰ mu kusumba kilanga kudi muthu wenda kuhanga ji nzungu jia wuma, pila yakudidi fumu nzambi kudi ami." ¹¹ He Yesu waya kumakana kumesu ma gouvernere. Gouvernere wa muhula: "Ayi wudi fumu wa ayuda? "Yesu wa mu vutudila etsi, "Ayi wa makula." ¹² Kashi tangwa dia mufundidi kudi amambuta jia anganga nzambi ni amambuta dibundu, ka wahwediku mvutu. ¹³ Tangwa edi he Pilatu wa muleza etsi, "Ayi wushiku kwivanga mambu moshu medi kufundilanga? " ¹⁴ Kashi mweni kavutudidiku ata ndaka yimoshi, he Gouevrnere wa yituka. ¹⁵ Koshu tangwa dia hanganga feti, alombanga kudi Gouvernere awatisudidi muyuda mumoshi muboloku wakhedi kuzola owumweni. ¹⁶ Tangwa mwene dina, kwakhedi ni muthu mumsohi jina dienji Barabas. ¹⁷ Kiakhedi owuoshu awongama, Pilatu wa wehula: "Nani mu katsi kowu nwa zola ni nu tusudidi? Barabasi to Yesu oyu wenda kutambika Khidihitu? ¹⁸ Kikuma mweni wejikidi etsi eni ahanini Yesu ku mokhu menji kaka kukima kia kipala. ¹⁹ Tangwa diakhedi washikama ni kuwa sambisa, mukaji enji wa mutumishini ndaka yimoshi etsi," Wingiloku mambu ma muthu oyu wakonda kuhanga kima. Kikuma niamona pashi jingi mu pipa ya lelu ku ndoji kikuma kia mweni." ²⁰ A mambuta jia anganga nzambi ni ambuta dibundu ekha aleza athu adindamani mu kulomba ahudishi Barabasi, ajiyishishi Yesu. ²¹ Gouvernere wa lomba kudi eni etsi,"Nani mu katshi kowu mbadi nwa zola ni nu tusudidi?" Eni etsi:" Barabasi." ²² Pilatu wa wehula epi," Ekhi ni kuhanga Yesu oyu wenda kutambika khidishutu? "Eni oshu esti, "Mukhokhi ha kulunji." ²³ Kashi mweni wakula, "Kikuma kiakhi, ekhi yabola ahanga? Eni ayanjika kungangumuka kiangolu, ni kwakula etsi, "Mukhokhi a kulunji." ²⁴ Kiela Pilatu wamona etsi wenda wakula mu pamba, mathatha mayanjikidi kuhitangana, ka mweniku ekhi epi akuhanga, wanoni meya wovwa mokhu kumeshu ma hundji diathu. Wa waleza esti," Ami nishiku ni mambu mu mu kikuma kia mashi ma muthu oyu wa konda kuhanga kubola. Matala enumweni. ²⁵ Eni oshu amuvutudila etsi, "Leka mashi medji mabu ha mutwa wetetu ni ha mutwa wa ana jetu." ²⁶ Tangwa edi mweni wa wa tusudila Barabasi, kashi mweni wa budisisa Yesu miswangila, wa muhana aya ku mushia a kulunji. ²⁷ Tangwa edi he asuta jia gouvernere asenda Yesu kunzu ya gouvernere atambika, apangi jiowu asuta eza kuwongama. ²⁸ Eni amu katula miledi yenji, amu vwatisa lopu diowu dibenga. ²⁹ Tangwa edi amu tungila pwa ya yisembu, amu vwatisa nayi mu mutwa mudi fumu, amushia ka mutondu ha khokhu dia kitata. Eni he afukimini mu miendu miendji ni kumu seya etsi, "Mboti, fumu wa ayuda!" ³⁰ Eni ayanjika ku mulokudila mati, ni kunona ka mutondu mwenakana ni ku mubula mu mutwa. ³¹ Kiela amuseya imeni, amu homuna lopu, amu vutudila miledi yenji, he amusenda aya ku mukhokha a kulundji ³² Kiela awudika ,awanini ni yala mu mumoshi mukwa dimbu dia Cirene jina dienji Simoni, eni amu leza mu kingolungolu azangudi kulundji. ³³ Kiela atula homa hamoshi akhedi kutambika "Golgotha", disongidila, "Homa ha kifuwa kia muthwa." ³⁴ Amuhwedi vinu dia kubunda ni khishi ya khadi mu kunwa. Kashi kiela wa meka, mweni waleka kunwa lo. ³⁵ Tangwa eni amu khokhidi ha kulundji, eni aya kuta bwadi kikuma akapi miledi yenji. ³⁶ Ashikimini ni ku mukengidila. ³⁷ A hulu dia dibaya diakhedi ha mutwa wenj, asonikini kishina kia ndola ya muhwedi etsi, "Oyu udi Yesu, fumu wa ayuda." ³⁸ Athu mbadi ejidi kuwa khokha akulundji ni mweni, mumoshi kukhoku dia kimama, mukowu kukhokhu dia kitata. ³⁹ Atwoshu akhedi kuhita hohu, ni ku museya, ni kunikisa mutwa , ⁴⁰ ni kwakula etsi, "ayi wakhedi kwakula etsi walunga kubwisa nzu nzambi, kumanima ma matsiku masatu, wa yitunga. dihulushi ayimweni, yivwa kamu wudi mwana wa nzambi, wutuluki ha kulundji." ⁴¹ A mambuta jia anganga nzambi ni ahania jitsiku, ni amambuta dibundu akhedi kumuseya, ni kwakula etsi, ⁴² "Mweni wakhedi kuhulusa athu ekha, kashi enjimweni kalungidiku kudi hulusa. Mweni wudi fumu wa ana Yisaledi. Tuluka ayimweni ha kulundji, etu tu kukwikidi kia. ⁴³ Mweni wenda washia mutshima kudi nzambi. Tuku mutala lelu yivwa nzambi wenda kumuzola, amuhulushi, Kikuma wakhedi kwakula etsi," Mweni wudi mwana wa Nzambi." ⁴⁴ Ni athu abola akhokhidi ha makulundji djila yimoshi ni Yesu, eni epi akhedi ku mutukana pila yimoshi kaka. ⁴⁵ Mu tangwa dia midi pipa yabwidi mu kifutsi kioshu tii mu trwazere dia kingwenji. ⁴⁶ Mu ma trwazere, Yesu wakudidi mu ndaka ya ngolu etsi," Eli, Eli, Lama sabachthani? disongidila," Nzambi wemi, Nzambi wemi, kikuma kiakhi wa ngulekila? " ⁴⁷ Tangwa dievidi mweni wakula kienekina, athu akhedi amakana hohu, akula," Mweni wenda watambika Eliya." ⁴⁸ Mumbala yimoshi muthu mumoshi mu katsi kowu wendidi fishi, wanona kinuka, wa kishia vinu dia khadi, wa kikasa ku khokholu yilaha, amu kunika ku kanu anu. ⁴⁹ Athu ekha kama akhedi kwakula etsi mu lekenu tu mutadi yivwa Eliya wu kwiza ku mu hulusa. ⁵⁰ Kaka mu tangwa mwenedina Yesu wa tatudidi ngolu wahana moyi wendji. ⁵¹ Muledi wakhedi kukapisa nzu nzambi ha mbala jadi, wabetukidi ha katsi katsi katuka ku hulu ti kumashina. Mavu manikinini, mayala majima mabudikidi. ⁵² Majiamu ma kangukidi, athu jia Nzambi engi akhedi momu atokimi. ⁵³ Eni kiedidi ahudika mu majiamu, kumanima ma kufutumuka kwa Yesu, engididi ku dimbu dia lukumu, awanini athu lawu. ⁵⁴ Tangwa Fumu dia asuta , ni athu oshu akhedi hohu, kiela amona mavu mankina, ni mambu moshu mabwidi tangwa mwenedina, evidi woma wingi, ayanjika kwakula etsi," Mu kiedika oyu wudi mwana wa Nzambi." ⁵⁵ Lawu dia akhetu akhedi kulaba Yesu mu ku mu sadisa katuka ku Ngadidi, akhedi amakana alaha ni kutala. ⁵⁶ Mukatsi kowu mwakhedi, Madiya wa ku magadala, Madiya mama ya Yakobi ni Yosefi, ni mama ya ana jia Zebede. ⁵⁷ Tangwa diabwidi kingweji, kwejidi ni mvwama mumoshi wa katukididi ku Arimati, jina dienji Yosefi. ⁵⁸ Mweni wendi kudi Pilatu wa mulomba mwila wa Yesu. Pilatu wahanini djila amuhu nawu. ⁵⁹ Yozefi wa nonini mwila, wa wuwindidi muledi wa konda mvindu. ⁶⁰ Wendidi ku wuzeza mu majiamu menjimweni makatataka mahangikidi mukatshi ka yala dijima. Wadindumunini yala dijima wa diyekika ku kianzuluku kia majiamu, he waya kwendji. ⁶¹ Madiya Magadala ni Madiya oyuna mwekha akhedi hohu ashikama ni kutadikila majiamu. ⁶² Mu lutshiku lwalaba, lutshiku lwa posa, amambuta jia anganga nzambi ni afadishi, endidi kuwongama kunzia Pilatu. ⁶³ Eni ayandjika kwakula etsi, "Fumu, etu twebuka etsi muthu oyu wudi mukhubidi, kiakhedi ni moyi, wakhedi kwakula etsi wa katokama kumanima ma matshiku masatu. ⁶⁴ Hana djila majiamu mendji endi ku makengidila tii lutshiku lwa kisatu. Yivwa lo alonguki jienji alunga kwenda ku mukatula aya kuleza athu etsi watokama mu katshi ka athu afwa, hukhubidi owu wa tsuka wukuhita wathethi." ⁶⁵ Pilatu wa walejidi etsi: "Nonenu athu endi kukengidila. Ndangenu nu ma kengididi pila yinwa zola." ⁶⁶ He Eni endidi ahanga kienekina ni ku makengidila, ashidi djimbu ku yala ashisha asuta homa mwenahana.