¹ Kaka mu tangwa mwenedina, alonguki jienji ejidi kudi Yesu amwihuila etsi:" Nani wudi mbuta mu kifumu kia ku hulu?" ² Yesu wa tambikidi mwana mubibi mumoshi, eji kudi mweni, wa mushia akatsi kowu, ³ wa waleza esti: "Mu kiedika nidi ku nu lezanga, yivwa nwa sobidiku yifu yenu nwikhini mudi ana abibi, nwaka mon'oku pila ya kwingila mu kifumu kia Nzambi. ⁴ Kaka koshu oyuna wa dikulumusha wekhina Judi mwana mu bibi, mweni yoyi wudi mbuta mu kifumu kia nzambi. ⁵ Koshu oyuna wa yamba mwana bibi mu jina diamemi, wa ngu yamba ami mweni. ⁶ Kashi koshu oyuna wa senda mwana bibi mu ndjila ya kuhanga kubola, a ka mukasa yala mushingu, aya ku mumba mu mashina ma meya. ⁷ Kiadi kingi kudi enu athu ha hashi kikuma kia matangwa ama mapashi. Mambu ma kieneki ma ka buloku kukonda, kashi pashi jingi kudi muthu oyu wa kabula kusenda akowu mu ndjila ya bola. ⁸ Yivwa khokhu to mwendu weyi yekhina ndjila ya kuhanga kubola, wu vuki ,wu kongi kwalaha. Mboti, wingidi mu kifumu kia Nzambi kukonda mokhu ni miendu, kashi pashi mu kukhala ni mokhu momu madi to miendu mio miadi akumbi kuziku dia thuya. ⁹ Yivwa dishu dieyi dienda dia kusenda mu kuhanga kubola, dizokudi, wu dikongi kwalaha ni ayi. Mboti wingidi mu kifumu kia Nzambi kukonda disu dimoshi, kashi mboti lo akumbi kujiku dia thuya twa mvula ni mvula ni mesu madi. ¹⁰ Kebenu, mu ku beyanga athundaka mukatshi kenu ata kejiku kamu mambu mboti. Kikuma ami nia nuleza etsi, awanjio jiowu enda ku wa kengidila tangwa dioshu kumesu ma tata yamemi oyu wudi ku wulu. ¹¹ Kikuma mwana muthu wejidi mu kuhulusa athu akhedi abila. ¹² Khieyi nwa banza? Yivwa muthu wudi ni mamemi khama, dimoshi dia bila, ka ku sala oku kisisa mamemi makumi uvwa ni uvwa waya kuhenga dimemi dimoshi diabilanga? ¹³ Nia nu leza etsi, Yivwa wa dimona , wu kukhala ni kieshi kingi kiahita kieshi kiakhedi naki mu mamemi makumi uvwa ni uvwa. ¹⁴ Pila yimoshi yoyi, tatenu wudi ku hulu, kakuzola oku, mumoshi mu katsi kenu abidi. ¹⁵ Yivwa pangieyi wa kuhanga kubola, ndanga wu muwani, wu muleji kubola kwenji tangwa dinudi enu mbadi. Yivwa wa kwivila wa mununga. ¹⁶ Kashi, yivwa ka kwivididiku, nona muthu mumoshi to athu mbadi ekha, akhadi mudi athemu mu pila etsi kiedika kimwekani. ¹⁷ Yivwa waleka ku wevila eni, senda mambu menamana mu dibundu. Yivwa waleka kwivila dibundu, mu noni mudi muthu wakonda kwijiya Nzambi to mudi kalaki ka leta. ¹⁸ Nia nu leza etsi, kiedika, kosu mambu ma nwa kanga hashi, ku hulu epi ma kanga, moshu ma nwa leka kukangula, ku hulu epi ma kangama. ¹⁹ Nia nu leza epi etsi, Yivwa athu mbadi mukatshi kenu evangana, asambila, Nzambi wudi ku hulu wu ku wahwa kioshu kia mu lomba. ²⁰ Kikuma, hoshu hedi ha wongama athu mbadi mu jina diamemi, ami nidi nawu hohu. ²¹ He Petulu waya kuhula Yesu etshi: "Fumu, mbala jingahi nia lunga kuvidishila pangiemi kubola? Tangwa dishu diedi mu ngu hanganga kubola? Mbala tsambwadi? ²² Yesu wa mu leza etsi: "Nia nu lejidiku etshi mbala makumi tsambwadi ni tsambwadi(77)? ²³ Mu kifumu kia ku hulu, fumu wa kahanga mudi kienda kuhanga fumu wa kisalu tangwa dienda kutala kisalu kia athu jienji akisalu. ²⁴ Kia yanjikidi kutala kisalu, eza ku mu nehina muthu wakhedi ni fhuka ya mafunda ma fwalanga. ²⁵ Kashi muthu mweni kakhediku ni fwalanga jia kufuta fhuka. He fumu wa kisalu wahana djila asumbishi mukaji enji, ana jienji, ni yima yenji yoshu yidi nayi kikuma kia fhuka. ²⁶ Muthu wa kisalu wabwa ashi , wa fukama kumesu menji, wakula esti: " Longi, kasa mutshima kikuma kiamemi, ni kufuta fhuka yeyi yoshu." ²⁷ Longi dia kisalu wa mwivila khenda, wa mu vidishila kubola, a mu tusula. ²⁸ Kashi, kiela wa wudika, wa wanina ni muthu wakhedi ni fhuka yenji ya fwalanga khama. Wa mu kwata, wa mu bweta mu shingu, wa mu leza etsi: "futa fhuka yemi." ²⁹ Muthu mweno oyuna wa bwa hashi ni kumubondila, etsi: " bwisa mutshima nia ka kufuta." ³⁰ Kashi mweni wa leka. Waya ku mushia mu boloku tii koku kwaka futila fhuka mwene yina. ³¹ Tangwa akwa kisalu ekha amweni kienekina, khenda jia wa kwata, aya kuleza fumu owu mambu mahangidi muthu mwenoyuna. ³² He fumu wa kisalu wa mu tambika, wa mu leza etsi: " Ayi wudi kisadi kiabola, ami nia kwivididi khenda mu kufuta fhuka kikuma wa ngu bondidi. ³³ Ayi kiehi wa leka kwivila pangieyi khenda mudi ki nia kwivididi ami?" ³⁴ Fumu enji wevidi khabu, wa mu shidi mu boloku tii kokhu kwa futididi fhuka yosu yakhedi nayi. ³⁵ Tata wudi ku hulu, wa ka nu hangila pila yimoshi, yivwa enu nushiku kwivwilanga apangi jienu khenda mu mitshima mienu mioshu.