¹ Afadishi ni Asaduse endidi ku mu meka, amu lombidi a wa lejidi kidimbu kimoshi kia katukila ku wulu. ² Kashi Mweni wa vutudidi, wakula etsi: " Tangwa dienda kubwa kingweji, enu nwenda kwakula etsi, 'kuma kwa waya, kikuma hulu diabenga." ³ Mu bwididi nwenda kwakula etsi,' mvula yi kunoka lelu, kikuma hulu dia bwita bwi. Enu nwenda kwijiya pila yenda kulombulula hulu, yivwa mvula yi ku noka to lo; kashi yidimbu yi kulombululanga mambu ma tadila tangwedi nwenda oku kuma bakisa. ⁴ Enu athu a tangwedi nudi nwa bola nu kulemvukanga oku kudi Nzambi nwenda nwa lomba kidimbu kimoshi, nwaka kimonoku kaka ekina kia Yona." Kumanima wawasisa waya. ⁵ Kiela alonguki ahita sambwa dia jiya, ajimbinginini kunona mapa. ⁶ Yesu wa walejidi etshi:" kangulenu mesu, Afadishi ni Asaduse enda kuhangila khishi ya bola mu kulambila mapa. ⁷ Alonguki ayanjika kwakwangana owumweni etsi:" Mweni wakula kienikina kikuma etu twa noningiku mapa?" ⁸ Yesu wejikidi mabanza mowu, he wa wehula etshi:" Kikuma kiakhi nudi kwakwangananga enu mweni etsi: 'twa nehiniku mapa?' Nudi ni lukwikilu lutsiotu. ⁹ Nikiki enu nushiku kubakisanga? Nwa jimbanga kilumbu ki nia hangididi mapa matanu(5) mu kudisa athu makumi matanu(5.000), yisanji yingahi nwa sadidi nayi? ¹⁰ Ni kilumbu ki nia hangididi mapa tsambwadi(7) mu kudisa athu mafunda mawana(4.000), nwasadidi ni yisanji yi ngahi? ¹¹ Kiehi nu kulekanga kwijiya etsi nienda nia kudila mapa? Kebenu khishi ya mapa ya Afadishi ni Asaduse. ¹² Tangwedi he alonguki ejiyidi kia etshi mweni kakudilanga oku khishi yenda kunanisa mapa, kashi wakhedi kwakudila akebi malongi ma Afadishi ni Asaduse. ¹³ Tangwa diendidi Yesu mu thothu ya Cezare, vidi dia Fidipa, wehudidi alonguki jienji etsi:" Ekhi athu akwakulanga kikuma kia mwana wa muthu?" ¹⁴ Eni avutudidi etsi: " athu ekha enda akula etshi, wudi Yowani Mbotika, ekha etsi, Eliya, ekha kama etsi, Yeremia to mbikudi mwekha." 5 Mweni wa wahula epi etshi: " Kashi enu kama nwakula etshi ami nidi nani?" ¹⁶ Simoni Petulu wa vutula mweni etsi: "Ayi wudi Khidhishitu, mwana wa Nzambi wa moyi." ¹⁷ He Yesu wa mu lezidi etsi: " kieshi kingi kudi ayi Simoni mwana wa Yowani, kikuma keshiku muthu wa hashi wa kuleza mambu ma wakula, kashi yidi Tata ya memi wudi ku hulu. ¹⁸ Ami nenda nia kuleza etshi ayi wudi yaala, ha hulu dia yaala mwenedi ni kutunga nzu ya Nzambi yemi. Lufwa lwa kalunga oku ku yibwisa. ¹⁹ Nia ka kuhwa tsabi jia kifumu kia ku hulu. Kosu waka kanga hashi ku hulu epi maka kangama, moshu ma waka kangula hashi ku hulu epi maka kanguka. ²⁰ Kumanima Yesu wa lekishidi alonguki jienji mu kuleka kwakula kudi athu etsi mweni wudi khidishitu. ²¹ Yanjika tangwa mwenedina Yesu wa yanjikidi kuleza alonguki jienji pwelele mambu ma kumubwila etsi, ni feti kwenda ku Yeluselemi, kwenikwoku a mambuta dibundu ni a fumu anganga Nzambi akambwesa pashi. A ka ngujiya, kashi mu yilumbu yisatu, nia ka tokama. ²² He Petulu wa mu benda, wayanjika ku muleza mu kitsweki etshi, Fumu, ma lungidiku kuhangama kienekina ata fioti. ²³ Kashi Yesu, walumukini wa muleza etsi: " Katuka kumesu mamemi, Satana, wenda watshila kakala mu kisalu kiemi, kikuma wushiku kubanzanga mambu ma kinzambi, kashi ma kimuthu. ²⁴ Kumanima Yesu walejidi alonguki jienji etsi: " Yivwa muthu wazola kungu laba ami, afeti kuleka kudibanjila enjimweni. Kashi azangudi kulinji dienji eji kungu laba. ²⁵ Kikuma muthu oyu wazola ku hulusa moyi wenji, wuku wubidisa. Kashi muthu wahana moyi wenji kikuma kiamemi wa ka wu nona epi. ²⁶ Ekhi yidi fhunu lawu kudi muthu yivwa wanona kimvwama kia hashi, kashi wa bidisa moyi wenji? Ekhi alunga kufuta mu kunona epi moyi wenji? ²⁷ Kwa sadidiku epi thama mwana wa muthu eji ni lukumu lwa tata enji djila yimoshi ni alonguki jienji. Niakeza kufuta koshu muthu pila yidi yisalu yenji. ²⁸ Nia nuleza ni kiedika kiosu etsi: " Mu katshi kenu athu nudi henaha, athu ekha ka kafwa oku kadi akamona pila ami mwana wa muthu nia kanona kifumu."