¹ Kiatshi kia Afadishi ni Amalongi ma tshiku akatukidi ku Yeluselemi ezidi kudi Yesu. ² Akudidi etshi: "Kikuma kiakhi Alonguki jieyi aku beyanga tshiku jia akhakha? Eni ka kwovwanga oku mokhu mowu mu tangwa dia kudia." ³ Yesu wa vutudidi wa waleza etshi: "Enu kama kikuma kiakhi nwenda kubeyila tshiku ya Nzambi ni kulemvukaka kaka tshiku ya akhakha jienu. ⁴ Kikuma Nzambi wakudidi esthi: "Zitisa Tatunu ni mamunu," " koshu washinga tatendji to mamendji wa kafwa." ⁵ Kashi enu nwa leza athu etshi: "Koshu wa leza tatendji to mamendji etshi" lusalusu lu niela ku nuhwa nia lu hanina kilaji kudi Nzambi." ⁶ Muthu mwenoyuna keshiku ni fhunu ya kuzitisa tatendji. Wenda wa beya tsiku ya Nzambi ni kuhangila tshiku jia akhakha jienu. ⁷ Enu nudi akhubidi, Yesaya wa b ikudidi mambu makiedika kikuma kienenu etshi: ⁸ Athu awa enda ku nguhwa lukumu lwa ha tsongi a ludimi, kashi mitshima miowu midi kwalaha ni ami. ⁹ Yisambu you yishuku ni fhunu, kikuma, mu ku tala pila yowu ya kuhangila, enda kulonga athu tshiku jia akhakha jia athu. ¹⁰ Tangwa dia tambikidi hundji dia athu, wa waleza etshi:" Hunikinenu, nu bakisi, ¹¹ Keshiku kima kienda kwingila mu kanu dia muthu kienda ku mu bebisa. Kashi koshu ndaka yenda ku wudika mu kanwa, diendji yeni yoyi yenda ku mu bebisa. ¹² Alonguki jienji akokulukidi kudi Yesu, a muleza etshi:" Wejika etshi Afadishi alemana mu mitshima mu kwivwa ndaka ji wakulanga?" ¹³ Yesu wa wa vutudila etshi:" Mutondu woshu walekidi kukuna Tata yamemi wudi ku wulu, a ka wutumuna. ¹⁴ Nu wa zokudila oku matu edi a twadishi a pofu. Yivwa pofu wenda wa senda pofu ni mukowu owu mbadi akubwa mu buku." ¹⁵ Petulu wa vutudidi kudi Yesu etshi Tutendudidi kingana eki. ¹⁶ Yesu wa vutula etshi: " nushiku kaka kubakisanga?". ¹⁷ Nwa mweniku etshi yosu yenda kwingila mu kanu yanda kwenda mu kundwa, tshuka yoyi ya ya mu kabini. ¹⁸ Kashi eyi yenda kuwudika mu kanu yenda ku katuka ku mutshima. Yeni yoyi yenda ku sumuna muthu. ¹⁹ Kikuma ku mutshima kweni kwoku kwenda kukatuka mabanza mabola, mudi, kujiyangana, kindumba, kuwudika ni akaji jiangani, wuji, kithemu kia luvunu, ni matuka. ²⁰ Yeni yoyi yenda ku sumuna muthu. Kashi, kudia konda kwovwa mokhu, kwenda oku ku sumuna muthu." ²¹ Tangwa dia katukidi Yesu homa mwena hana waya ku thothu ya Tire ni Sidoni. ²² Mukhetu mumoshi, mu kwa kanana wa jinganga mu thothu mweneyina wejidi kudi Yesu. Wa ngangumuka, wakula etshi: " Ngwividi khenda, Fumu, mwana wa Davidi ; Mwana emi wa mukhetu enda a mu yangisa kudi pevi ya bola. ²³ Kashi Yesu ka muhwediku mvutu. Alonguki jiendji ejidi ku mu bondila ni kwakula etshi: " Mu kayi, kikuma wenda watu laba ni mayema menji. ²⁴ Kashi Yesu wa wa vutudidi etshi: " Ami athumini kaka kudi mamemi ma Yisaledi mabila ndjila, kikuma kejiku kiehi kwingila mu wulu. ²⁵ Kashi mweni wejidi wa fukama ku mesu mendji, ni kwakula etshi: " Fumu, tsadishi. " ²⁶ Mweni wa vutudidi, wakula etshi: " Kushiku pimbu kudi muthu mu kunona madia mashilanga ana wu mombidi ambwa. ²⁷ Mweni etshi: " Ee, Fumu, kashi ambwa epi enda kudia yisthini yenda kubwa hashi mu mashina ma mesa ma amalongi jiowu." ²⁸ Yesu wa mu vutudidi, wakula etshi: " Mukhetu ayi, Lukwikilu lweyi ludi lwa ngolu. Leka ma hangami kudi ayi mudi ki wa zola. " Mwana endji wa mukhetu wa kodidi mu tangwa mwenedina. ²⁹ Yesu wa katukidi henahana waya lukalu lwa nzadi ya Ngadidi, wa nina ha mundonda wumoshi waya kushikama. ³⁰ Hundji dia athu lawu diezanga kudi mweni, kwakhedi epi ni yikata, apofu, tumama ni ena konzu, ni athu ekha lawu akhedi ayela. Ejidi ku wasia mu miendu mia Yesu a wa wuki. ³¹ He hundji dia athu diakhedi kuyituka kia monga tumama ni kwakula, ena konzu ni kukola, Yikata ni kuzanguluka, Apofu amona. Eni oshu ahwedi Nzambi wa Yisaledi lukumu. ³² Yesu wa tambikidi alonguki jiendji wa waleza etshi: " Nidi ni khenda jia athu awa kikuma edi kaka ni ami kashi eni eshiku ni kima kia kudia. Nia zodidiku ku wa tusula nzala aleki kwenda kuminuka mu djila." ³³ Alonguki a mu vutudidi etshi: "Kwehi twa lunga kumona madia lawu mwenomu mutemu mu tudi mu kudisa hundji edi dia athu lawu? " ³⁴ Yesu wa walejidi etshi: " Mapa ma ngahi nudi namu? " Eni akula etshi: " Tsambwadi, ni kandambu ka tushi tubibi. " ³⁵ Kumanima Yesu waleza hundji dia athu mu kushikama ashi. ³⁶ Kwehi wa nonini mapa tsambwadi ni ashi. Kiela wa hana matondu kudi Nzambi, wa vukidi mapa, wahwa Alonguki yitshini. Alonguki ha ma kapila hundji dia athu. ³⁷ Kikuma Yesu wahangidi yipa mekhina mengi, owu oshu adidi ti amakonda. Eni atongunini yitshini ya sadidi, azadisa yisanji tsambwadi. ³⁸ Mafunda mawana ma amala adidi, konda kutanga akhetu ni ana. ³⁹ Kumanima Yesu wa vutula hundji dia athu wa nina mu kibeya, waya ku thothu ya Magadan.