¹ Mu tanga mwenedina Erode mukwa Tetrarke wevidi enda akudila Yesu. ² Wa lejidi asadi jiendji etshi:" Oyuna Yowani mbotika wa tokama mu lufwa. kienikioki ngolu jiendji jidi kuhanganga." ³ Erode wa kwatishidi Yowani, wa mu kasidi mishinga, wa mushidi mu boloku kikuma kia Erodiadi mukaji a pangi endji Fidipa. ⁴ Kikuma Yowani wa mu lejidi makudidi tshiku mu kuleka ku mu nona mudi mukaji endji. ⁵ Erode wa zodidi ku mu jiya, kashi wakhedi ni woma wa athu kikuma eni a mu nonanga mudi mbikudi. ⁶ Kashi tangwa dia lungidi feti dia kilumbu kia kutetuka kwa Erode, mwana mukhetu wa Erodiade wakinini ngolu mu katshi ka athu atambikidi; ma hwedi Erodi kieshi kingi. ⁷ Henihohu washidi kilaji kia ku muhwa kioshu kima kia lomba. ⁸ Kumanima ma kuvwa mulongi kudi mama endji, mweni wakula etshi : "Nguhu ha dilonga edi mutwa wa Yowani mbotika." ⁹ Fumu wekhinini kisakasaka, kashi kikuma wa zengidi kadi, kikuma epi kia athu lawu akhedi ku feti ni mweni, wa hanini njila ma hangami. ¹⁰ Watumini endi kuvuka mutwa wa Erode mu boloku. ¹¹ Mutwa wendji a wu nehini ha dilonga ahwa, mwana mukhetu wa sendila mama endji. ¹² Kumanima alonguki jienji ejidi ni mvumbi aya ku yijika. He eni endidi kuleza Yesu. ¹³ Tangwa dievidi Yesu kienekina, wengididi mu watu wa katuka waya kudikhela homa endjimweni. Tangwa hundji dievidi kienekina, athu lawu a katukidi mu ma vidi mekha endidi ni ku mu laba ku miendu. ¹⁴ He Yesu wa makana ni ku wa tala, wa mweni hundji dijima . Wevwa khenda,wa yandjika kuwuka akhashi. ¹⁵ Kingweji ki kia bwidi, alonguki eza ku mu leza etshi: " Haha tudi mutemu dia pata, tangwa diaya. Vutula hundji endi mu membu, endi kusumba yima ya kudia. ¹⁶ Kashi Yesu etshi: "Fhunu ya kwenda eni yishiku. Wahwenu enu mweni yima ya kudia. " ¹⁷ Eni a mu leza etshi:"Haha tudi kaka ni mapa ma tanu ni ashiya mbadi." ¹⁸ Yesu wakula etshi:"Ngu nehinenu nayi." ¹⁹ He Yesu waleza Hundji mu kushikama ha hulu dia yisaka. Wa nona mapa matanu ni ashiya mbadi. Wathutha mesu ku wulu, wa hwa Nzambi medishi, wa ma bevuka. Kumanima wahwa alonguki mu kukapila hundji. ²⁰ Owoshu adidi tii hohu hakutididi. Ma sadidi, a mashidi mu yisandji kumi ni yadi aya namu. ²¹ Eni oshu adidi akhedi kitezu kia mafunda matanu ma amala, konda kutanga akhetu ni ana. ²² Kaka mu mbala yimoshi wengishidi alonguki mu watu athethikidi kuzawuka, sambu mweni wa sadidi mu kumwanga hundji. ²³ Kiela wa mwanga hundji imeni, wanini mu mundonda endjimweni mu kwenda kusambila. kiela kingweji Kiabwa, wakhedi koku enjimweni. ²⁴ Kashi Watu ha katshi katshi ka meya, wakhedi kunikana ku fundji ya ngolu ya khedi kwijila ku kambata. ²⁵ Mu nzolu wathethi Yesu wakhedi kudiata ha wulu dia meya ni kukokuluka kwakhedi eni. ²⁶ Kiela alonguki a mu mona ni kudiata ha wulu dia meya, ekhinini kisakasaka ayanjika kwakula etshi: "Oyu diabulu, "eni angangumukini ni woma woshu. ²⁷ Kashi Yesu wa walejidi mu mbala yimoshi etshi: "Khalenu ni kikesa! Oyu ami! Nwivoku woma." ²⁸ Petulu wa mu vutudidi wa kula etshi: " Fumu yivwa ayi nguhu ndjila ni diati ha wulu dia meya niji ku wudi ayi. " ²⁹ Yesu etshi: "Yiza." He Petulu wa wudika mu watu ni kudiata ha hulu dia meya ni kwenda kwakhedi Yesu. ³⁰ Kashi tangwa Petulu amweni fundji, wevidi woma. Kiakhedi kujioka mu meya, wa ngangumuka wakula etshi: "Fumu ngu hulushi!" ³¹ Mu mbala yimoshi Yesu wa tandulula khokhu wa kwata Petulu, wa mu leza etshi: "Muthu wa lukwikilu lutshiotu, Kikuma kiakhi ayi wakula ni pika?" ³² Tangwa dia nini Yesu ni Petulu mu watu, Fundji ya dibatidi. ³³ He, Alonguki akhedi mu watu ayandjikidi ku muhwa lukumu ni kwakula etshi: "Ya kiedika ayi wudi mwana wa Nzambi." ³⁴ Tangwa diela azawuka, endidi kumakana penapena ni Jenazaret. ³⁵ Tangwa athu mwenawana ejikidi etshi oyuna Yesu, eni amwanga tsangu mu kizunga kiosu, a mu nehina akhashi a pila ni pila. ³⁶ Eni a yandjika ku mu lembila kikuma etshi a kwati kowu ata tsongi ya muledi wendji. Eni oshu a mu kwatidi akodidi.