¹ Mu Lutsiku mweno luna Yesu wa wudikidi munzu, waya kushikama ku khulu ya meya wa yanjika kulonga. ² Athu lawu ejidi ku mu jieta, he mweni wengila mu watu wa shikama. Athu ejidi penapena amakana mu khulu ya meya. ³ Tangwedi he Yesu wa yanjika kuwaleza mambu lawu mu yingana. Mweni etsi,"Muthu mumoshi wendi kukuna kheni mu yilanga. ⁴ Tangwa diakhedi kukuna, kheni jiekha jia bwidi mu khulu ya ndjila, tujila twakhedi kujidia. ⁵ Kheni jiekha jia bwanga homa akhedi mayala lawu madibunda hi mavu. Jia menini mu mbala yimoshi kikuma mavu makhediku lawu. ⁶ Kashi mwania ki separate watwa, wa sosimina, jia huma jioshu jiashidila, kikuma misodi yakhedi ya swipa. ⁷ Ndambu ya kheni jiekha jiabwidi ha katshi ka yisembu. Yisembu ki yakudidi ya kasa jila mitondu pila ya kukula lo. ⁸ Kashi kheni jiekha jia bwidi mu mavu ma pimbu, he jia buta mbuma,jiekha jia butidi mbuma khama,jiekha makumi masambanu,he jiekha kama makumi masatu. ⁹ Mweni wa waleza epi etsi,kosu wudi ni mathu,evi. ¹⁰ Alonguki ejidi penapena ni Yesu amwihula etsi," Kikuma kiakhi wudi kutulezilanga mu yingana?" ¹¹ Yesu wa wa vutudidi etsi,"Enu nwa lunga kwijika kinsweki kia kifumu kia Nzambi, kashi eni ka kukukoku. ¹² Kikuma oyu wudi nu yima lawu, akumulunda yekha, kikuma ekhini nayi yingi, kashi oyu wa yikonda, aka mu tambula ndambu yedi nayi. ¹³ Kienikioki nidi kuwalezilanga mu yingana. Kikuma, ata enda atala, keshiku kumonga, ata edi ni matu, keshiku kwivanga, keshiku ku bakisanga ata fioti. ¹⁴ Mu pila mwene yina enda alungisa mambu makudidi mbikudi Yesaya ," Nwa kabula kwivwa kashi kubakisanga lo, nwa kabula kutala kashi kumonanga lo ¹⁵ Kikuma athu mwena awa mitshima miowu miabola, enda kukasa matu mowu,enda kujibika mesu mowu. Kazodidiku kumona ni kwivwa, aleka mu kukangula mitshima miowu. Yivwa lo akubalula mitshima miowu, ami ni wa hulushi. ¹⁶ Lusakumunu lukhadi nienu kikuma mesu menu menda mamona, matu menu menda mevwa. ¹⁷ Nia nuleza ni kiedika kioshu etsi," Ambikudi lawu ni athu akhedi ni mitshima mia pimbu lawu akhedi ni fhunu ya kumona mambu menama ma nudi kumonanga enu, kamamweniku. Eni akhedi kuzola kwivwa mambu ma nu kwivanga enu ,ka mevidiku. ¹⁸ Yivenu thendula ya kingana kia muthu wakhedi kukuna kuni. ¹⁹ Tangwa dievwa muthu ndaka ya kifumu kia Nzambi,kashi kuyibakisa lo, Muthu wa mayela ma bola weza kukaba mambu makunini ku mutshima wenji. Yidi mudi kheni eyina yabwa mu khulu ya nzila. ²⁰ Kheni ejina jia bwidi mu mavu medi madibuna hi mayala, yidi mudi muthu wevwa ndaka, wa yi kumbula mumbala yimoshi ni kieshi kioshu. ²¹ Kashi misodi yilaha lo mu mutshima wenji,ndaka mweneyina hi kushidila. Yivwa pashi yeza kikuma kia ndaka ya Nzambi,wu kubwa mumbala yomoshi. ²² Eji jiabwidi mu yisembu,yidi mudi oyu wevwa ndaka, kashi mambu ma hashi ni kieshi kia kimvwama kia hashi makasa ndaka pila yi kubuta mbuma lo. ²³ Kheni jia bwidi mu mavu ma pimbu, yidi muthu oyu wevwa ndaka wa yibakisa mboti, ni kuyihangila; he wa buta mbuma khama ,mbala jiekha makumi masambenu,to makumi masatu. ²⁴ Yesu watedi epi kingana kiekha kudi eni. Mweni etsi," kifumu kia Nzambi kidi mudi muthu mumoshi wendidi kukuna kheni jia pimbu mu kilanga kienji. ²⁵ Kiakhedi athu alangala, mbeni wejidi kukuna kheni jia bola mukatshi ka ble he waya kwenji. ²⁶ Tangwa dia buta kheni,mutondu ya kula,he mbuma jia bola epi jia wudika,ni yiswaswa. ²⁷ Asadi amukwa kilanga aya kumuleza etsi,' Fumu, ayi wa kunini kheni jia pimbu mu kilanga kieyi, yiswaswa eyi ya bola ya katukila kwehi? Kwehi ya katukila yiswaswa mweni ya bola?' ²⁸ Mweni wa waleza etsi,' Yidi mbeni wejidi kukuna.' Asadi amuleza etsi,' Wazola twendi kuyikatula?' ²⁹ Fumu wa wa vutudila etsi,' loni. Mu kukatula yiswaswa, nwamba kashu kuvuza mbuma jia pimbu. ³⁰ Yilekenu yikudi djila yimoshi ti tangwa dia kukatula mbuma. Mu tangwa mwene dina , aka katula thethi yiswaswa ya bola , ayi kasa, ayiwongika homa hamoshi, ayoshia thuya.' ³¹ Kumanina Yesu watedi kingana kiekha kudi.Wakula,"Kifumu kia ku hulu kidi mudi kheni jia mutondu wa mutarde jia kunini muthu mumoshi mu kilanga kienji. ³² Kheni mweni jidi kamu jibibi mu katshi ka kheni jioshu. Kashi yivwa jia Mena, jienda kukula, jienda kwikina mitondu yijima mu kilanga kikuma tujila twenda kutunga mazamba mu mathayi moyi. ³³ Yesu wa wa tedidi kingana kiekha. Wakula: "Kifumu kia ku hulu kidi mudi khishi yenda kuhangila mapa, Yivwa mukhetu wa nona wayi bunda ha dilonga ni ndambu ya fupa ya ble(farine) fupa yoshu ya nana." ³⁴ Yesu wakhedi kuwa longa mambu menamana moshu mu yingana. Ka wa lezanga oku ata kima konda kingana. ³⁵ Ma hangimini kienekina mu kulungisa mambu makudidi mbikudi etsi, "Ami nia kabula ku waleza mu yingana. Ami nia ka tendula kitsweki kioshu yanjika kushina kia thothu." ³⁶ Tangwa edi he Yesu wa vutula athu waya kunzu. Alonguki jienji eza penapena kudi mweni, akula: "tu tendudidi kingana kia yiswaswa ya bola ya menini mu kilanga." ³⁷ Yesu wavutudidi mvutu wakula," Oyu wa kunini mbutu ya waha, wudi mwana wa muthu. ³⁸ Kilanga kidi thothu yeneyi, mbutu yawaha, yidi athu a kumbula kifumu kia ku hulu. Mbutu jia bola jidi ana a muthu wa mayela mabola. ³⁹ Mbeni wa kunini mbutu ya bola wudi diabulu. Kukatula mbutu yidi tsuka ya thothu, asadi mu kilanga edi a wanjio. ⁴⁰ Mu tshuka a ka wongika yiswaswa yoshu ya bola ayoshia thuya, ma kakhala pila yimoshi mu tangwa dia tshuka ya thothu. ⁴¹ Mwana wa muthu wa katuma awanjio jienji, akheza kukatula athu oshu enda kubwisa akowu mu kuhanga kubola ni awa enda kuhanga kubola. ⁴² Aka wakonga ku jiku dia thuya, kwenokuna aka bula kudila ni kudi suma mazewu. ⁴³ Tangwa mwene dina athu a vedila aka bula kukejimina mudi tangwa mu kifumu kia tata yowowu. Oyu wudi ni mathu leka evi. ⁴⁴ Kifumu kia ku hulu kidi mudi wola wudi my mavu mu katshi kilanga.Kosu muthu wa wumona wa wusweka. ⁴⁵ Wu kukhala ni kieshi kingi wa ya kusumbisa yima yenji yoshu yakhedi nayi, he wa sumba kilanga mwenekina. ⁴⁶ Tangwa diamona wu sanga wa thalu mweni waya kusumbisa yima yenji yoshu yedi nayi wa sumba kilanga mwenekina. ⁴⁷ Kifumu kia ku hulu kidi mudi wanda womba mu meya mu kukwata ashi a pila ni pila edi ni fhunu ni akonda fhunu. ⁴⁸ Yivwa wanda wazala alowi ayanjika ku wukoka ni kutemu. Tangwedi he ashikama ayanjika kusola ashi a bathu ni ku washia mu mukinda kashi abola aya kuwakonga. ⁴⁹ Ya kakhala pila yimoshi ku tshuka ya thothu. Awanjio akeza kuwudika mu kusola athu abola ni athu a bathu. ⁵⁰ Athu abola aka womba ku jiku diathuya Kwenikoku aka bula kudila ni kudisuma mazewu. ⁵¹ Nwa bakisa yima eyi yoshu? Alonguki a mu vutudila etsi "he." ⁵² He Yesu wa waleza etsi Kienikioki koshu longi dia jitsiku wekhina longuki wa kifumu kia ku hulu, wudi mudi muthu wudi nu yima lawu munzu enji wenda kuwudisa yima ya katataka ni yikulu ⁵³ Tangwa Yesu a manisini mu kuwatela yingana, wa katukidi kwenokuna. ⁵⁴ Kumanima Yesu wengididi mu thothu jenji ni kulonga athu mu nzu ya yisambu yowu. Awana akhedi kumwiva akhedi kuyituka ni kwakula etsi: "Mayela ma muthu oyu ma katukila kwehi ni yipedikisa ya kuhanganga? ⁵⁵ Oyu keshiku mwana mu hangia mabaya? Madiya keshiku mama enji? Jaki,Yosefi,Simoni ni Yuda keshiku apangi jienji? ⁵⁶ Apangi jienji akhetu eshiku mu katshi ketu? Kwehi muthu oyu mambu menama moshu makumu katukilanga ⁵⁷ Eni ka khediku epi kuzola kumwivila. Kashi Yesu wa walejidi etsi:" Mbikudi kendoku ku mu jitisha mu thothu yenji ni mu kikanda kienji. " ⁵⁸ Ka hangidiku epi yipedikisa lawu kikuma eni akhedi mutwa tototu.