¹ Mejidi ku mwekana etshi Hunji diejidi penapena ni Yesu mu kwivwa ndaka ya Nzambi, tangwa diakhedi wa makana mu khulu ya jiya dia Jenazaleti. ² Wa mweni yibeya yadi ya kukasa mu khulu ya jiya. Alowi atulukidi ni kwovwa mawanda mowu. ³ Yesu wanini mu kibeya kimoshi kia Simoni, wa mu lombidi apushi kibeya kiendi ndambu ku dingu, wa shikimini mu katshi ka kibeya wa yanjika kulonga hunji. ⁴ Tangwa dia manisa mu kwakula, wa leza Simoni etshi: "Pusa kibeya homa hedi ha kobuka numbi mawanda nu swakadi kukwata ashi." ⁵ Simoni wa muleza etshi: "Longi, twa hangidi pipa yosu, ni kima kia kukwata lo. Kashi kikuma ayi wathuma, nienda niomba wa mawanda." ⁶ Hangidi kienekina, akwata ashi lawu, mawanda medidi kubakhuka. ⁷ Atambikidi a ndoyi jiowu awana akhedi ashikama mu kibeya kiekha, mu kwiza kuwa sadisa. Eni ejidi, azadisa yibeya yoyadi meke, mu pila etshi yebeya yedidi kujioka. ⁸ Kashi Simoni Petulu, kia mweni kienekina, wabwa mu miendu mia Yesu, wa muleza etshi: "Fumu katuka penapena ni ami, nidi muthu wa masumu." ⁹ Wa yitukidi, ni awana akhedi nawu mu kibeya kikuma kia ashi akwatidi. ¹⁰ Kwakhedi Jaki ni Yowani, ana a Zebedee, alowi ni akowu. He Yesu waleza Simoni etshi: "Wivwoku woma, ni kukwinisa mulowi wa athu." ¹¹ Tangwa diejidi ni yibeya mu khulu ya meya, ashishidi yoshu, eni a mulaba. ¹² Wakhedi mukhashi mumoshi ha dimbu dimoshi, wakhedi ni makhashi ma bwashi. Kia mweni Yesu, wa fukimini mbunzu hashi, ni ku mu bondila etshi: "Fumu yivwa wa zola ngu wuki." ¹³ He Yesu wa tandulula kokhu wa mu kwata, wakula etshi: "Nia zola wu kodi." Mu mbala yimoshi bwashi dia kukhumuka. ¹⁴ Yesu wa mutuma etshi: "Wuleza oku ata muthu mumoshi. Mweni etshi nda wudi lombuludidi kudi a Nganga Nzambi, wu hani makabu kikuma kia kukola kweyi, kioki kiakudidi Moshi, yikhadi mudi kithemu kudi eni." ¹⁵ Akhedi ku mwakudila hengi, athu lawu akhedi kwiza kuwongama mu ku mwivwa, kikuma ni eni akodi mu makashi mowu. ¹⁶ Kashi mweni wendidi mu tseki mu kwenda kusambila. ¹⁷ Lutshiku lumoshi wakhedi kulonga. A fadishi ni a malongi ma jitsiku akhedi hohu ashikama. Ekha akatukidi mu vidi moshu ma Ngadidi ni ma Yuda, ekha kama ku Yeluselemi. Ngolu jia Nzambi jia hangidi kisalu mu katshi ka mweni mu kuwuka akhashi. ¹⁸ He amala anehini muthu ha kiandu wakhedi kikata, akhedi kuhenga pila ya ku mwingisa mu katshi kanzu ti ku mushia ku thwala yenji. ¹⁹ Kia mweni etshi homa ah ku mu hitisa lo kikuma athu akhedi lawu, anini ha hulu dia yangi, atobula yangi, hasala wululu, a mu kulumuna ni kiandu mu katshi ka athu awana akhedi ku thwala ya Yesu. ²⁰ Kia mweni lukwikilu lwuowu, wa waleza etshi: "Muthu ayi, masumu meyi a ma lolula." ²¹ A Fadishi ni a malongi a ji tsiku ayanjika kubokuta, ni kwakulanga etshi: "Nani edi mwenoyu wudi kusawulanga? Nani walunga ku lolula masumu, keshiku Nzambi?" ²² Nani wa lunga kuvidishila athu masumu, yivwa keshiku kasu Nzambi enjimweni. Kashi Yesu wejikidi mabanza mowu, he wa wehula etshi: "Ekhi nu kudi hwelanga pashi mu mitshima mienu? ²³ Ekhi ya hitangana kuwaha, kuvishila muthu masumu ho ku muleza etshi: 'Zanguluka wendi kweyi'? Ejikenu etshi: "Mwana wudi ni kiyeka kioshu henaha hashi mu kulolula masumu". Nia kuleza etshi: " Zanguluka, nona kiandu kieyi, vutuka kunzu yeyi." ²⁵ Mu tangwa dienedina kaka, Yala mwenoyuna wazangulukidi, wa nona kiandu kienji, wa vutuka kunzu yenji ni kuhana lukumu kudi Nzambi. ²⁶ Oshu ayitukidi, ayanjika kuhwa Nzambi lukumu, azadidi ni woma wingi ni kwakula esthi: "Lelu twamona mambu ma kuyituka." ²⁷ Ku manima ma kwakula mambu menamana wa wudikidi, wa wanina ni kalaki mu moshi jina dienji Levi, washikama ha mesa ni kufutisa kitadi. Wa muleza etshi: "Ngu labi." ²⁸ Levi wa shishidi yosu, wa zangulukidi, wayanjika ku mu laba. ²⁹ Levi wahangididi Yesu feti dijima mu nzu yenji. Wavitidi kipi kia tulaki ni athu ekha lawu akhedi kudia nawu. ³⁰ A fadishi ni A malongi ma jitshiku akhedi kubokuta, ni kuleza a longuki jienji etshi: " kikuma kiakhi enu nu kudianga, ni kunwa homa hamoshi ni tulaki ni athu masumu? " ³¹ Yesu wa wahwedi mvutu etshi: "Athu akola keshiku ni fhunu ya munganga, kaka akhashi. ³² Ami nieza oku kuhenga athu a pimbu, kashi akwa masumu mu kikuma alumuni mitshimia." ³³ Eni a muleza etshi: "Alonguki a Yowani enda kujila kudia kadikadi, ni kudihana mu kusambila pila yimoshi ni awa a Fadishi. Kashi alonguki ayeyi enda kowu adia ni kunwa." ³⁴ Yesu wa waleza etshi: "Enu nwa lunga kuleza athu a nwavita, ajidi ku feti dia wala yivwa mukwa wala wudi hohu? ³⁵ Lutshiku ludi yivwa mukwa wala waya, aka lunga kulangala nzala." ³⁶ Wa waleza epi kingana kiekha etshi: "Kushiku ni muthu wa lunga kubakha kitemba kia muledi wa katataka mu kutungila muledi wukulu. Yivwa wa mahangila, muledi wakatataka wu kubhakuka, kitemba kia muledi wakatataka kikwatanga oku ni muledi wukulu. ³⁷ Ata muthu mumoshi lo wenda kushia maluvu masengedi mu ma bungu makulu. Yivwa lo maluvu masengedi ma kumwanga mabungu, maluvu moshu ma tsiakuka. ³⁸ Mu kumanisa mboti mu kushia maluvu masengedi mu mabungu makatataka. ³⁹ Kushiku muthu yivwa wanwa kadi kikolu, akumbudi sengedi, kikuma wamba kwakula etshi, 'Kikolu kia waha.'"