¹ Tangwa dia lungishidi Tiber Cesar mvula kumi ni jitanu mu kifumu, Ponce Pilatu wakhedi kuverner ku thothu ya Yuda. Erodi wa yalanga ku Galilea. Fidipa, pangi enji wa yalanga ku thotu ya Ituri ni Traconite; Liziniasi wa yalanga ku wusa wa Abilene. ² Mu tangwa dia mbuta Nganga Nzambi Ana ni Kayafwa, ndaka ya Nzambi ya wudikidi kudi Yowani mwana wa zakadiya ku thotu ya wuma. ³ Mweni wakhedi kukiba mu kijunga kia thotu yakhadi mu khulu ya meya ma Yoludani, ni ku longanga mbotika ya kubalula mitshima ni ndolula ya masumu. ⁴ Mudi ki medi ma kusonika mu mukanda wa mbikudi Yesaya etshi: "Ndaka ya muthu udi kwakulanga mutemu kiangolu etshi, 'hangikenu njila ya fumu, yikhadi yonunuka. ⁵ Miwanda yosu ya kakhala ya zala, mindonda yosu yibibi ni yijima ya kabwa, njila jidi jia kondamana jikhadi jia tanduluka, njila jia mayala jionunuki. ⁶ He mwila wosu waka mona kuhuluka kwa Nzambi.'" ⁷ Eh Yowani wakudidi kudi athu awa ejidi kunona mbotika kudi mweni etsi: "Enu nudi ana jia niokha! Nani wa nuleza mu kutshina khabu jidi kwizanga ? ⁸ Hangenu mambu medi kulombululanga etshi enu nwalumuna mitshima, nwendoku niku diakudila esthi, 'Etu Abalayami wudi Tata, 'kikuma nia nuleza etshi ni mayala ama, Nzambi wa lunga kuhanga ana kudi Abalahama. ⁹ Yanjika Tangwa mwenedi, Nzambi wanona kasawu mu kuvuka mitondu ku misodi yoyi, koshu mutondu wukuleka kuwudisa yibundu yawaha, akawuvuka, awumba ki jiku dia thuya." ¹⁰ Hunji dia athu dia muhudidi etshi: "Ekhi kamu twalunga kuhanga?" ¹¹ Wawa vutudidi, wakula esthi: "Wosu wudi ni tuzaku twadi, ahani kamoshi kudi oyu wa kakonda, oyu wudi ni madia ahangi pila yimoshi." ¹² Tulaki twekha twenda kufutisa kitadi, ejidi ni eni kudi mweni mu kubotama. Amwihula eni etshi: "Longi, ekhi twa lunga kuhanga?" ¹³ Wawa vutudidi esthi: "Nu hitikisa oku thalu hawulu dia fwalanga ji nwenda kulomba." ¹⁴ Asuta epi amwihudidi etshi: "Etu kamu, ekhi twa lunga kuhanga?" Mweni esthi: "Nu tambulanga oku fwalanga jiangani mu wiji, nu funda oku muthu mu mambu ma luvunu kikuma Kiaku mukaba fwalanga jienji. Kashi khalenu ni kieshi mu lufutu lwenu." ¹⁵ Tangwa dia sukidi athu mitshima mu ku makininanga kwiza kwa Khidishitu, kosu muthu wa dihulanga ku mutshima wenji etshi, Yowani wa lunga kukhala Khidishitu. ¹⁶ Yowani wawa vutudidi etshi: "Ami nia nu botika mu meya, kashi oyuna wu kwisanga, wudi ngolu kuhita ami. Ami nia lungidiku ku mu kasulula mishinga ya yidiatudi yenji. Mweni waka nu botika mu Pevi ya Longu ni mu thuya. ¹⁷ Wudi ni muyungulu ha khoku dienji; mu kusola yibala ya ble yidi ya dibunda ni yiswaswa. Wu kusweka kheni mu khila. Kashi wa koshia yiswaswa ha jiku dia thuya twenda kuleka kujima. ¹⁸ Kienikioki Yowani wakhedi kuleza athu mambu mekha epi mengi, kiakhedi kuwa longa Tsangu ya Mboti. ¹⁹ Tangwa dia yanini fumu Herode kikuma wa kwedidi Herodiasi, mukhetu wa yay' enji, ni kikuma kia mambu lawu ma bola ma hanganga, ²⁰ ni kubola kwahitanga, mweni wa. kwatishidi Yowani, wa mushia mu boloku. ²¹ Tangwa diakhedi ku botama athu oshu, Yesu epi amu botikidi; Tangwa diakhedi kulomba Nzambi, wulu dianzulukidi, ²² Pevi ya Longu yejidi kukulumuka ha wulu dia mutwa wenji, mudi pijio. Ndaka yimoshi ya wudikidi ku wulu ni kwakula etshi: "Ayi wudi mwana wa memi wu nia hitangana kuzola; Ami nidi kieshi kingi kikuma kiayi." ²³ Tangwa dia yanjikidi Yesu kisalu kienji, wakhedi ni mvula makumi ni masatu. Athu akhedi kubanza etshi, mweni wakhedi mwana wa Yozefi, Yozefi mwana wa Eli, ²⁴ Eli mwana wa Matati, Matati mwana wa Levi, Levi mwana wa Melki, Melki mwana wa Yanayi, Yanayi mwana wa Yozefi. ²⁵ Yozefi wakhedi mwana wa Matatiasi, Matatiasi mwana wa Amosi, Amosi mwana wa Nahumi, Nahumi mwana wa Hesili, Hesili mwana wa Nagayi, ²⁶ Nagayi mwana wa Mati, Mati mwana wa Yozeki, Yozeki mwana wa Semeni, Semeni mwana wa Yoda. ²⁷ Yoda wakhedi mwana wa Yoanani, Yoanani mwana wa Reza, Reza mwana wa Zorobabedi, Zorobabedi mwana wa Salatieli, Salatieli mwana wa Neri, ²⁸ Nedi mwana wa Melki, Melki mwana wa Adi, Adi mwana wa Kosami, Kosami mwana wa Elmadami, Elmadami mwana wa Eri. ²⁹ Eri mwana wa Yozwe, Yozwe mwana wa Eliezeri, Eliezeri mwana wa Yorimi, Yorimi mwana wa Matati, Matati mwana wa Levi. ³⁰ Levi wakhedi mwana wa Simeoni, Simeoni mwana wa Yuda, Yuda mwana wa Yozefi, Yozefi mwana wa Yonami, Yonami mwana wa Eliakimi, ³¹ Eliakimi mwana wa Meleya, Maleya mwana wa Mena, Mena mwana wa Matata, Matata mwana wa Natami, Natami mwana wa Davidi, ³² Davidi mwana wa Yese, Yese mwana wa Obedi, Obedi mwana wa Bowazi, Bowazi mwana wa Salomo, Salomo mwana wa Nasoni. ³³ Nasoni wakhedi mwana wa Aminadabi, Aminadabi mwana wa Admini, Admini mwana wa Arini, Arini mwana wa Hezroni, Hezroni mwana wa Perezi, Perezi mwana wa Yuda, ³⁴ Yuda mwana wa Yakobi, Yakobi mwana wa Yizaki, Yizaki mwana wa Abalahami, Abalahami mwana wa Tera, Tera mwana wa Nakor. ³⁵ Nakor mwana wa Seruki, Seruki mwana wa Ragawu, Ragawu mwana wa Faleki, Faleki mwana wa Eberi, Eberi mwana wa Sala. ³⁶ Sala wakhedi mwana wa Kainami, Kainami mwana wa Arfaksedi, Arfaksedi mwana wa Semi, Semi mwana wa Nowa, Nowa mwana wa Lameki, ³⁷ Lameki mwana wa Matusalemi, Matusalemi mwana wa Enoki, Enoki mwana wa Yaredi, Yaredi mwana wa Malelele, Malelele mwana wa Kainani, ³⁸ Kainani mwana wa Enosi, Enosi mwana wa Seti, Seti mwana wa Adami, Adami mwana wa Nzambi.