¹ Ntangu opeane, kaku ewu esibag wo ve ya vea ali wa Yezu-kristu. Kansi nsiku i Mpeve e luzingu ya Yezu -Kristu etndima ne kimpika e masumu ti ewa. ³ Djwi, vim eli nsiku apikug nkie ve djwi na olem e djung ,Nzeam atikukisa. Atum nde mon nde nkeanga nde na djung oshin omog ti djng ewur masumu,djwi akum empeab e masumu ne djung. ⁴ Akinde ngagn djwi na nkukisa lunungu oshin etuba nsiku e Moise ne kati esu, su vear elekien ,epa oshin oleang su ve, kansi oshin oleang Mpeve. ⁵ Djwi , vear azinga oshin oleang djung, wakie ko vim aleang djung, kansi vear azinga oshin eleang mpeve waleki vim aleang Mpeve. ⁶ Ngangn e vim e mpuy i djun eletum n'ewa, kansi ngangn e vim eleang Mpeve eletum n'evug ti ne ngemba. ⁷ Djwi vim aleang mpuy i djung, eli na kimbeni ti Nzeam,djwi epilemfuki na nsiku i Nzeam ve,mpi epikug ndemfuka wog ve. ⁸ Djwi vear azinga oshin eleang djung wapipii oseang ya Nzeam ve. ⁹ Kansi gnu epa olagni oshin oleang djung ve, olagni oshin eleang Mpeve, enagn ko yug Mpeve e Nzeam apier ne kati egnu. Wur ekwon Mpeve e kristu epa ali wur ende ve. ¹⁰ Yug Kristu ali nda gnu, vi-a-vi, djung ignu imiwa djwi na masumu, kansi Mpeve e Nzeam alopeagni luzingu djwi na masonga. ¹¹ Mbiy yug Mpeve e wur eyikey mbiya Yezu ne kati e bafwa alepier ne kati gnu, wur ekey mbiya Kristu n'ewa ayapeande luzingu ne djung ignu eyawa enagn, na biu e mpeve nde elepier ne kati egnu. ¹² Wog enagn, atwung, kakusu n'ibaya esifuta su ya djung isu djwi na nzinga n'oshin oleang nde ve. ¹³ Yug olazingagni oshin oleang djung, ayawagnu, kansi yug n'oshin eleang Mpeve enagn etshia e djung, ayazingagnu. ¹⁴ Djwi , vear ankum ali Mpeve e Nzeam alavari, wali aman a Nzeam. ¹⁵ Djwi na gnu, okaviagni Mpeve e kimpika ve djwi osayiagni na womo, kansi omiveagni Mpeve emopeagni ekub enkum aman a Nzeam, n'oshin edzamasu na biu susun: Abba ! Tea! ¹⁶ Mpeve e Nzeam ndemie apea ntiegn na mpeve esu ndenden: Sili aman a Nzeam. ¹⁷ Wog enagn, yug sili aman a Nzeam, sili mpi aman ayasavey oleamanzo: Aman ayasavey oleamanzo e Nzeam, ye mpi ayaveysu wog ti Kristu, yu sileyen mpay oshin omog ti nde, mbiy ne nsuka ewo, sivey nkembo ti nde. ¹⁸ Ndabansa memen, kaku mpila engyer olwiy o mpay eshuu e lwo ene na nkembo eleye eyateyegnewo. 19 Vim ankum ayikii Nzeam wakung n'itura ne dzug-ne-dzug ntangu e Nzeam eyayegne nde aman ande. ²⁰ Djwi vim ankum ayikii Nzeam amilog ne ngie omwong mpama, epa ne luzolo ewo ve, kansi ne luzolo e wur ematsug ne ngie ende i nkuu. ²¹ Ekaagn esu eliko, eshuu emog: ko vim ankum ayikii Nzeam ene ayalim wo ne kimpika e vii apwo djwi aviy ikab inde ne nkembo aman a Nzeam. ²² Kansi su, sijia susun vim ane ankum ayikii Nzeam wadum ye mpi wayen mpay tii eshu e lwo ene kamsi osayu o lwon. ²³ Epa ko wo ve, kansi ti su vear amivea ikab inteang i Mpeve, sitara, ne ntangu elekung su Nzeam atetsug kamsi aman ande ntangu eyatevuga nde ne djung isu. ²⁴ Djwi simivug ko n'ekaagn esu. Kansi vim etsug su ekaagn, sitotigni ngyen wog ve, djwi nagn esikug ntsug ekaagn ne vim emiteande ngyen? V 25 Kansi yug sititsug ekaagn ne vim epiyen su ve, asitsug su inaagn na nkung vim ewo. ²⁶ Oshin omog ko, Mpeve atsande nsarisa vear n'olem elisu na wo, djwi sipitsu njia ve vim ekug na ngwigna ne bisamu isu. Kansi Mpeve ndemie atsande nsama Nzeam djwina mambote isu n'otuba epikug su na ntuba ve. ²⁷ Mbiy wur eyen nzig itura isu ajia nginu i Mpeve, djwi nde alawugna djwi na mambote iwa santu n'oshin oleang Nzeam. ²⁸ Sijia susun vim ankum atsawo ngya nsarisa mambote i vear aleang Nzeam, i vear ali Nzeam amavie n'oshin omiwong nde nteang. ²⁹ Djwi vear ayintigni nde njia nteang, amatignangwong djwi wayi oshin omog ti ignignig i Mon nde, oniang ayii nsom eteang e akwom entsign. ³⁰ Vear ayintigninde nson, amavie mpi; ye mpi vear ayivinde, amapea mpi lunungu, ye mpi vear ayipinde lunungu, amapea mpi nkembo. V 31 Nge eyafituba su djwi na vii ane? Yu Nzeam ali nda su, nagn eyayia mbeni esu? ³² Nde wur ekawum ata Mon nde ndemie ve, kansi atopea djwi na su sankum, oshin onkagn esikwon nde te pea mpi vim ankum ne mbug e Mon nde na ngrasia ende? ³³ Nagn eyafugn vear ali Nzeam amason? Djwi eli ndug Nzeam wur epea lunungu. ³⁴ Nagn eyapea vear anagn ekwa? Kristu amiwa, amifutumuka, ali ne wum ewuo e Tea, ye mpi awugna bisamu djwi na su. ³⁵ Nge eyatenama na ngangn e Kristu? Nge eli mpay? eli womo? eli ngy? eli muniokoli ti ewa? eli nziya? eli nkwon ileam? eli omva? eli ipaga? ³⁶ Ko oshin omifugn wo: "Ko djwina yie, s'aletedjag wo nshu ine inkum, waleteyen kamsi ameme aledjag wo n'isay. ³⁷ Kansi ne vim anagn ankum, sili ko vear aminunga kuluta djwi na wur eyiteleang. ³⁸ Djwi ntiwung ndjir memen ata ewa, ata luzingu, ata banzio, ata ikubili ne dzug, na ili ne buu, ata vim ali n'eshuu e lwo ene, ata vim a ntangu ene, ata vim ayasayia mbiy, ³⁹ ata ankea biu, ata ali ne dzug n'ali ngie-ngie, ata vim enkum eyikii Nzeam epikug na tenama na ngangn e Nzeam ve ne kati e Kritu.