¹ Nge situba su? Ayasu satsuga ko ne masumu djwi ngrasia e Nzeam emilega? ² Kaku ata fioti ve ! Su vear amiwa djwi na masumu,oshin onkagn esifipier su diaka ne kati e masumu? ³ Nge opijiagni ve gnugnun su sankum eyivey mbotika ya Yezu-kristu, mbotika ewo avey su n'ewa ende? ⁴ Ne mbug e mbotika wasepfugn wo mpi na Yezu-kristu n'ewa ende. Djwi, oshin e Kristu efutumuki nde ne kati e bafwa na nkembo e Tea, su mpi sikienagni na luzingu empa. ⁵ Yug simikum itsin oshung omog ti nde n'ewa emog oshin oyinde, ayasu mpi oshin onagn kamsi eyifutumuki nde . ⁶ Sijia susun djung i su intama i masumu wamikwog ne kulunsi ti nde, djwi djung i masumu ilem, sikwon mfiyia mfumi e masumu. ⁷ Wur emiwa asoviewo wur ewo ne nteang e masumu. ⁸ Kansi, yug simiwa ti Kristu, sidjir susun aya zinga su ti nde. ⁹ Sijia susun Kristu atibiy ne kati e bafwa, mpi apafiwa. Ewa kaku diaka n'ekub ne dzug inde ve. ¹⁰ Djwi nde, amiwa, djwi na masumu, s'amiwa nde otshwag- ntshie; kansi atikea ne luzingu, azinga djwi na Nzeam. ¹¹ Oshin omog, gnu gnemie, yenakagni gnugnun omiwagni ne masumu, kansi ozingagni djwi na Nzeam, ne kati e Yezu- Kristu. ¹² Masumu ipikug ngya nkum e djung ignu eyawa ene ve, mpi opikug ndemfukagni ve na wa mpwi inde. Opipiagni ilim idjung ignu ne masumu ve, kamsi vim asadila gnu na nkie ipwo na wo. Kansi owung mpeagni djung ignu ya Nzeam, kamsi vear ayiwi wamikea ne luzingu. Mpi peagni ko ya Nzeam ilim idjung ignu kamsi vim akie mambote. ¹⁴ Masumu ipikug ngya nkum egnu ve, ognagn epa olagni ne ngie e wa nsiku ve, kansi ne ngie e ngrasia e Nzeam. ¹⁵ Vim ewo nge? Asikiaka su masumu djwi sili ne ngie e nsiku i Moize? Kaku ata fioti ve. ¹⁶ Nge opijiagni ve gnugnun yu omisapeagni djung ignu etay e wur kamsi amfumi ande djwi na ndemfuka ya nde, otikumagni amfumi a wur elemfukagnu ya nde, ata amfumi a masumu etsantum vear n'ewa, ata amfumi a vii awuo etsantum vear ne lunungu? ¹⁷ Kansi, nsag-na-viye ya Nzeam, djwi nteang-nteang ayikignu amfumi a masumu, omilemfukagni n'etura emog n'along ayiveygnu. ¹⁸ Ntangu emopubagni wo ne nkori i masumu, otisakumagni amfumi ankie vii awuo. ¹⁹ Nendien ndatuba n'oshin otuba vear a buu, n'oshin okwon gnu biu ne vii a Nzeam, oshin omog eyipignu ilim ignu i djung ikum amfumi isadila vii a mbin na vii apwo, ntangu ene, peagni ilim ignu i djung ikum amfumi akie vii awuo, djwi na nsuka n'epier e busantu. ²⁰ Ognagn, ntangu eyikignu amfumi a masumu, okakugakagni na nkie vii awuo ve. ²¹ Atub nge ayiwurikignu? Atub elopeagni nsogn lwo ene, djwi nsuka ewo eli k'ewa. ²² Kansi ntangu ene emopubagniwo ne nkori i bolog e masumu mpi otisakumagni amfumi a Nzeam, itub imiwur gnu eli epier busantu ye mpi ne nsuk'ewo eli evug e mvwe-na-mvwe. Djwi ifutu i masumu eli ewa, kansi ikab ingor i Nzeam eli evug e mvwe-na-mvwe ya Nkum esu Yezu-Kristu.