¹ Ntangu ewug su djwi na lukwikilu,sili na ngemba ti Nzeam djwi na Nkum esu Yezu-Kristu. ² Djwi ntangu emitsug su lukwikilu ya nzeam ,sitivanga mbeama na grasia e Nzeam emisasu tsuga ne ti biu. Wog enagn epea vear kiese djwi na lukwikilu elisu na wo ne kiese e Nzeam. Silayen kiese mpi na mpayi isu,djwi sijia susun mpayi atsawo mpea etura e nkung vim. ⁴ Wur eli n'etura e nkung vim asivea nde lunungu ne mpayi isomeka wo,mbiy lunungu enagn epea ekaagn. ⁵ Kansi ekaagn epitsi ndjim ve,djwi ngangn e Nzeam etipaagn ne itura i su djwi na Mpeve-santu eyipinde vear. ⁶ Djwi,ne ntangu eyikuenikiso biu,Kristu awinde djwi na vear apwo ne nshu eyitsug Nzeam. ⁷ Ayiwo mpayi na nzen wur emuu awe djwi na wur e wuo.mbala emuu,wur emuu asikug nde ngwa djwi na wur e wuo. ⁸ Kansi Nzeam atiyegne ngangn ende ya su ,djwi ne ntangu eyikiso diaka vear a masumu ,Kristu awinde djwi na su. ⁹ Elegne mbala mingi diaka, ne ntangu opeane emivea su lunungu na alung a nde , esivuga nde vear ne nkier i Nzeam. ¹⁰ Djwi ,ne ntangu eyikisu wa mbeni i Nzeam,Nzeam akeinde ntsug vear ne ngwakana ti nde n'ewa e mon nde, mbiy elegne mbala kwe, ne ntangu emikeande ntsug a vear ngwakana ti nde ondie omog,esivuga nde avear na luzingu e mon nde. ¹¹ Kuluta diaka, sili na oseang o su ya Nzeam djwi na Nkum esu Yezu -Kristu ,djwi ne mbug ende sivea lwene ngwakana. ¹² Wog enagn, djwi na wur emog,disumu sashwiwo ne buu opfung,ye mpi ne mbug disumu ewa sashwinde,mbiy ewa sapagninde na vear ankum, djwi wankum akiwo masumu: ¹³ Djwi Nzeam nantopea wa nsiku e Mose masumu atikiwongia ne buu ;Djwi masumu epitsi nshwe ya wur ve,yug kaku wa nsiku. ¹⁴ Ewa ayalakande ne buu yim Adamu ti Mose,ti n' ote avear ankwum akakie masumu oshin omog na Adamu. Djwi Adamu ayinde ko ignignig i wur eyasayia mbiy. ¹⁵ Kansi epeli oshin omog ve na ikab ingor iyipii Nzeam ti ipwo ;djwi ne mbug ipwo e wur emog vear etsign wami wa,elegn mbala kwe ngrasia e nzeam ye mpi ikab iyim ne grasia e wur emog Yezu-Kristu,emiywo to n'avear mingi. ¹⁶ Ipwo iyum ya wur emog epa oshin omog ti ikab i ngrasia,djwi ko ne disumu mog esibag wo ewu, kansi ikab i mpama ine, etikum evug ne mbiy e masumu entsign emikiesu. ¹⁷ Yug ewa ashwi wo djwi na ipwo i wur emog, elenga mbala kwe vear amivea ngrasia entsign e Nzeam, na ikab evug eyayiawo na wo ne luzingu ewo djwi na Yezu Kristu ndemie. ¹⁸ Wog enagn, djwi na ipwo i wur emog wamibag ewu e vear ankum,oshin mog ne djwi imog iwuo emikie wur emog, luzingu etishwe ya vear ankum. ¹⁹ Djwi, n'ote biu eyiki wur emog, vear entsign watilog ne masumu, oshin omog, n' iwuo imikie wur emog, vear entsign wativug. ²⁰ Djwi, yug nsiku ayiwo djwi ipwo ikum entsign, kansi ondii oli masumu entsign ngrasia e Nzeam asi lenga wo ipwo inagn, ²¹ Djwi oshin eyishwi disumu s'awur nde ewa, ngrasia e Nzeam mpi apea evug djwi na luzingu e mvwe na mvwe djwi na Yezu-Kristu Nkum esu.