¹ Nge ya tuba su djwi Abrahama , tea su,ne musuni? Nge eyivinde? ² Yug, viavi,Abrama avinde lunungu djwi na etshia ewo ekinde,ali na nswa emvea nkembo ende ndemigne.Kansi n'eteang Nzeam ,oshin onagn,epikunsalama ata fioti. ³ Kieleka, nge tuba masonama? Abrama a kwikilinde ye mpi satangiwo lukwikilu nde kamsi lunungu. ⁴ Ognagn, wur emikie otshia,ifuti nde atsa wo mvey wog kesi nswa e nde,kansi wapitshi mvey wog kesi grasia ve. ⁵ Djwi na wur ekakie otshia kansi e kwikila wur epea lunungu na wur ekwon njia vi a nzeam, lukwikilu ende etangama kamsi lunungu. ⁶ Otin omog mpi, Davidi awunkabapulele-pulele mambote emivea lunungu,ne nkwon nkie etshia elomo nsiku. ⁷ Kiese ya vear amivea ndolula ipwo iwo,ye mpi wamidzub masumu iwo. ⁸ Kiese na wur eli nkum akopea odjuru e masumu ende. ⁹ Nge kiese enagn,elikaka djwi avear amibag-wo-djung-ampeam ye mpi djwi vear atobag wo djung? ognagn situba ngien: Abrama avinde lunungu inde djwi na lukwikilu. ¹⁰ Otin nge eyikinde,ntangu eyivinde lunungu .Nge ayiwo wotabag djung ampeam,nge ayiyo kako?Ayiwo wotobag ntete djung ve,ayikinde wur etotiwombag djung. ¹¹ Ye mpi savinde kidimu e ngimbag-djung-ampeam,kamsi tampo e lunungu djwi na lukwikilu ende ntangu enagn ayiwo watoteagn mbag djung ampeam n'oshin onagn Abrama ali tea vear ankum akwikila,ataku djung inde ampeam ayiwo watobag ve,djwi a vi lunungu. ¹² Ye mpi ,Abrama ali tea avear amibag wo djung ampeam,epa ko wamabag djung ve, kansi walekien ne vin alukwikilu e tea su Abrama ne ntangu enagn watobag djung inde. ¹³ Djwi, ekaya ata fioti ve djwi na nsiku Nzeam asilinde na mpea oleama-nzo e buu opfugn na Abrama ata n' onkean ande,ayiwo ne mbug e lunungu e lukwikilu. yug eli ne mbug e nsiku e mose esikmvea wu oleama-nzo,lukwikilu ekum kog enagn mpama,ye mpi elag eyipindi etiwa. ¹⁵ ognagn nsiku i mose atsawongur nkier ,ye mpi ondii ekwon nsiku ,epakungia mpi na wur ebag nsiku. ¹⁶ Wog enagn,yug vear wavey oleama-nzo.eli djwi na lukwikilu ,djwi Ngrasia e Nzeam ,djwi elag eyipii nde ekug ya aman ankum,epa ko ali ne ngie e nsiku ve,kansi ti ali na lukwikilu e Abrama.tea su sankum,oshin etuba masonama. ¹⁷ Motsug tea e buu ivear mingi,ali tea e sankum ne nteang e wur eyijirnde,eli Nzeam ,nde wur etsampea luzingu ya vear amiwa,etsampur vim ekayiaka ve kamsi ayikiwo. ¹⁸ Abrama adjir nde,atsug nde lukuikilu ntangu eyi lukwikilu kaku ve,mbiyi sakun nde tea a aman mingi,ne oshin oyitubi Nzeam nda nde ndindin: Aman ayie ayayia wo oshin one. ¹⁹ Ayinde atikug etitign e mvwe nkama ,kansi lukwikilu e nde ekalem ve,ata djung inde ayiwo itilem,wear nde Sara ko akum nde ne nshu ipikug nde mvea diaka mon ve. ²⁰ Akatsug itura ipe-ipe ve,akakwon ndjir ve na elaga eyopii Nzeam,kansi avey nde biu ne lukwikilu e nde,apinde Nzeam kiese. ²¹ Mbiy ntangu emitsug nde lukwikilu enkum ndindin vi amituba Nzeam ayakug wo. ²² wog enagn vim eyivug nde. ²³ Kansi epa ko djwi na nde ndemie ve eyifugn wo vii anagn mbiy s'avug nde ve. ²⁴ Eli mpi djwi na su ayavea su,su avear adjir ya wur eyibiyi Yezu nkum esu n 'ewa. ²⁵ Nde wur eyisar wo djwi na ipwo i su ,amibiy ne ewa djwi na nkea te vug a su.