¹ Mfunu e ngia OYuda eli nge,ntina ebag djung eli nge? ² Mfunu ewo eli eninen n'oshin onkum ,nteang-nteang eli n'oshin oyapii Nzeam otuba o nde. ³ Ata amuu ne kati ewo wakaleangdjir ve,nge ngangn e Nzeam asilim wo djwi na etun ewo endjir? ⁴ Kaku ata itaang ve, ekug waji wuwun Nzeam ali masonga,kansi wur e nkum ali nkea- oyang,n'oshin omifugn wo n'onkean e Nzeam wuwun: Djwi woyen wur ewuo n 'otuba oyie,mbiy onungi ne ntangu obag woyie ewu. ⁵ Kansi yug na ipwo i su,eya monisa masonga e Nzeam,kog asituba su nge? Nge Nzeam ali wur epwo yug atiyug nkier inde?(ene ntuba n'oshin osu vear). ⁶ kaku ata itaang ve yug epangagn ve , oshin nge Nzeam ayakug nde mbag ewu ebuu mvimba. ⁷ Yug djwi na oyang ome masonga i Nzeam elaga mpwe djwi na nkembo e nde,djwi na nge wafimbag me ewu kamsi wur e masumu ? ⁸ Djwi na nge epitokiaka su djwi ipwo djwi iwo ipwiki ne kati,oshin oletebeam vear amuu,wuwun siletubi vi a pwo? Olog a vear a nagn eli e masonga. ⁹ Wu nge? su wa yuda silegne vear amuu a ne ?kaku ata itaang ve ! Djwi simoteagni otshog-nshie ngiegne susun na wa Yuda,na wa Greki wankum wali ne ngie masumu. ¹⁰ Oshin omifugn wo wuwun: kaku ki wur ewo ve, kaku ata emog e mpama. ¹¹ Kaku wur eli na wagn,kaku wur eling Nzeam,wankum wamijing mbug ,wamipea Nzeam okwogn. ¹² kaku ata wur emog eleki vi a wuo,kaku ta emog. ¹³ Wugu e nking ewo eli kamsi nkr-aluma emignama wo, elem ewo eliko ndjim oyang; ne ngie e epeab-odjum owo,wali na vn a ndjwa. ¹⁴ Odzum owo emiywo to na nkhuu ye mpi n'otuba oluu. ¹⁵ Wa na nkuu osar djwi na mpur alung. ¹⁶ Etsha e mbebisa ti mpayi eli ne mbug ewo. ¹⁷ Wakateanjia mbug e ngemba. ¹⁸ Kaku wom e Nzeam ne viyi awo. ¹⁹ Kansi su, siwundja susun vi ankum etuba nsiku ,alatuba nda vear ali ne ngie nsiku,djwi wur enkum atshung odzum onde ye mpi wur enkum aji ndindin amikwon lunungu n'enteang e Nzeam. ²⁰ Kaku wur eyanugna n'enteang ende ne nkukisa etshia e nsiku,ogneang simijia masumu djwi na nsiku. ²¹ Ntangu opeane, ata nsiku epanayaka ve Nzeam amiyegne masonga ende ,n 'onkean ekanga dinkulu(enkean e nsiku ti wa profete). ²² Masonga i Nzeam na lukwikilu ya Yezu-Kristu djwi vear ankum adjir.Kaku ontshiey ve. ²³ Djwi vear ankum wamikie masumu ye mpi wa vidisa nkembo e Nzeam. ²⁴ Wa mi vea lunungu e ngor na grasia e nde ne mbug e vuer eyietshu Yezu Kristu djwi na su. ²⁶ Djwi aleang nde ngiegne lununga e nde ne ntshu ilwene ne mpila nde wojinde wur e wo epea mpi lunungu na wur ekwikila Yezu. ²⁷ N' ondi onagn,nge eli na djwi ekug wur na mpur omwong?kaku ata n'ondi emog. Ne mbug e nsiku nge? nge,ne mbug e nsiku etsha ekie vear? kaku ve ,kansi eli ne nsiku e lukwikilu. ²⁸ Djwi sibansa,wur asinunga nde ne mbug e lukwikilu,nkwon ntagna etshia elomo nsiku efwete nkie wur na mvug. ²⁹ Wu nge,Nzeam alinde kaka Nzeam e wa Yuda wiemigne? Nge apaliko mpi Nzeam e buu e muu? e viavi ,aliko mpi Nzeam e vear a buu emuu. ³⁰ Ognagn Nzeam aliko Nzeam emog epea lunungu ne mbug e lukwikilu na avear emibag wo djung ampeam ye mpi na vear atobag wo. ³¹ Nge kog ,sitidjag nsiku e lukwikilu ? Kaku ve! kansi siwundaga mpea nsiku biu.