Oyie wur ,ata oli nagn,yie wur elebag ewu e vear,wapakung n'ondolula yie ve; djwi ne ntangu elebag yie ewu e vear amuu,otibag nkanu eyie yiemigne ne bolog,djwi yie wu ebag ewu enagn,olekiy k'oshin omog na wo. ² Silawunjia susun nde ewu ebag Nzeam djwin na vear aleki vi anagn, eli vi a vi mpi. ³ Nge yie wur ,obansa yiyen djwi atsayie mbag ewu e vear aleki vi anagn,mbiyi yie ayakim ye ewu e Nzeam? ⁴ Nge oyen mpama kimvwama e etura- ewo e Nzeam,oshin ejia nde ntshung etura ye mpi ndjia-nkung-vi ,na wuo nde,otun njia nde ngagn e Nzeam efwete ntum yie na ntshim etura? ⁵ Kansi ,djwi ote-biu oyie ,djwi na etura eyie e nsug,olatshung ko iwug inkier djwi na eshu e nkier e Nzeam, na eshu eyayegne Nzeam polele ewu e nde e masonga ne vi a vear ⁶ eyapea nde ya wur na wur oshin otshia eyikinde; ⁷ Alawum luzingu e mvwe na mvwe ya avear alekii inagn na nkie vi a wuo,vear aleling nkembo,lokumu,ti nkwon mbia ne mbin e vi apwo. ⁸ Kansi Nzeam ayawum nkier na ntwum i nde ya vear ali na nginu ashia, apileang masonga,alelemfuki ko ne vi apwo. ⁹ Nzeam ayapeande ,moniokoli na mawa na wur enkum ekie ipwo nteang-nteang na wa Yuda mbiy-mbiy na wa Greki. ¹⁰ Nkembo ,lokumu ye mpi ngemba ya wur enkum ekie vi awuo,nteang-nteang na wa Yuda,mbyi na wa Greky. ¹¹ Djwui ne nteang e Nzeam, kaku ontshiey ve ,empono ilung avear. ¹² A vear amikie masumu ntangu ekajiakawo enkwon ayawawo epi ewu, mpi avear akie masumu mpi wajia enkwon aya wa wo n'oshin etuba nsiku. ¹³ Epa vear atsanzug wa nsiku,wog anagn vear a wuo ne nteang e Nzeam ve,kansi eli vear aleki etsha oshin otuba nsiku,wog anagn vear wuo. 4 Yug empeagn vear akwon nsiku,watikum nsadila nsiku,n'othin olomo nsiku ,kokog enagn wu nkeangn wo watikum nsiku djwi lawo ,atako wamikwon nsiku. ¹⁵ Walakab wuwun wamifwign etshia e nsiku n'itura iwo ,mabanza iwo elafwign wo na vi apwo akiewo to elapea wo lunungu mbala na mbala na vi awuo akiewo. ¹⁶ N'oshin elolong me evanjili eme enagn eli wog vi oziy eyakeampwe eshu eya mbag Nzeam vi avear ne kati e Yezu Kristu. ¹⁷ Yie wur emivey dzin oYuda,omikeanse ne nsiku,atsayie mvey nkembo eyim etayi e Nzeam. ¹⁸ Yie wur ejia luzolo e Nzeam, yie wur emizig nsiku e Nzeam,yie wur ejia nkie luswasanu e vim a mfunu. ¹⁹ Yie wur etsantuba yiyen oli ntwandisi a vear amibuye viy,yie oli oveang avear ali ne mpib, ²⁰ Yie long ankea-ebunu,long e vear akwon-wagn,long amanaliang,ye mpi ne kati e nsiku omivia wagn ti masonga. ²¹ 1 Yie wur etsandong ko vear amuu, kansi opikug nandong djung iyie nkeang ayie! yie wur etsandong vear wakwon nkama wumu,ofikama wum! ²² Yie wur etsankaba a vear wakwon nkie itayi,ofikeankie itayi! Ko Yie etun biteke ofikaman! ²³ Yie wur etsansepela na nsiku, ofipea Nzeam nsogn djwi opikir onkwon ve! ²⁴ Djwi walevwezi dzin e Nzeam mpama-mpama ne kati empaagn kodjwi na gnu otshin emifugn wo ne masonama e Nzeam. ²⁵ Mbag djung eli mfunu, yug olemfuka na nsiku ,kansi yug opikir nsiku ve,djung eyie imibag wo eli kamsi ko wur etobag wo djung. ²⁶ Yug wur etobag wo djung alekir nsiku,wapovey kamsi wur emibag wo djung ve? ²⁷ Wur etobag wo djung ,yug aleki vi atuba nsiku ,apobag yie ewu ve, yie wur epikir nsiku osakir ko masonama na mbag djung,kansi oliagni a vear epiy tosi nsiku. ²⁸ OYuda ekieleka epa eli eyen e vear eyen wo; ,na ngi-mbag -djung ve, iyen wo na vi . ²⁹ Kansi OYuda e djwi-djwi, eli wur emibag wo etura,ne ti ende ne kimpeve ,kansi epa ne ekeana ve. Nkembo o Yuda enagn epiyim na vear ve,kansi eyim ya Nzeam.