¹ Ndatuba ngean: Nzeam amifang'a vear a nde? kaku ve ! Djwi me ko ,ndi mon e Israel,n'okwo e Abrama,ne kikanda e Bejamin. ² Nzeam atofang'i vear ande ayijinde nteang ve.Opijeagni ve iyifugn wo n'enkeana djwi Elia, oshin oyignikinde ya nzeam djwi na aman a Israel ? ³ Nkum wamidjag wa propheta i yie ,wamivugna wa kunda i yie ; ntisatsuga ko memie,kansi walelig wandjag . ⁴ Kansi Nzeam akearinde ndenden? Nti wum vear awug'u ashambia, wo anagn ,watokr abong ne n'eteang e Baal ve. ⁵ Oshin omog ne ntangu ene ,eli n'amuu djwi na iso i grasia . ⁶ Kansi yug eli djwi na ngrasia , epa eli djwi na etshia diaka ve,yug epa oshin nagn ve,ngrasia epafiyia diaka Grasia ve;etshia ko epafiyia etshia diaka ve. ⁷ Vim nge ? vim eleling Israel , atoviy wog ve, kansi vear amison wo wamivea,kansi wo, ayiwo itura ntsug. ⁸ N'oshin oyifugn wo ne enkeana wuwun : Nzeam amapea etura biu, ata walir na viy a wo kansi wapiyen ve, wayug na atii a wo kansi wapiyug ve,tiko eshu enagn. ⁹ David ko ndenden : mesa e wo ekum ilung djwi na wo ,ekum otii emipig wo, ekum ibag'u isalog'o,ekumifutu i wo. ¹⁰ Viy a wo akum mpib djwi wakwon ngien, ekwong'o e wo eyi ko ngibaba! ¹¹ Ndaywe ngean : Emijing wo mbug eli djwi walog otshuag ? Kaku ata itaang ve! Kansi ne ntangu emilog wo , mbug eting'am djwi na evug e empaagn, djwi wo wayug zua. ¹² Djwi ,yg oshin oyilog wo enagn etoyia otsun djwi na buu enkum , emisawo tsug a vear okie enagn.eyi otsin empaagn, ntangu enatshima wo itura , anayia wo vear kue? ¹³ Enagn ndatuba ma gnu empaagn: me, ndi ntumwa e empaagn ,ndapea osiang ne otshia o me, ¹⁴ Djwi , yug mpila eliko, opiagni vear a otuba o me zwa djwi amog-amog ne kati ewo wavug. ¹⁵ Djwi ,yug oshin oyatsug Nzeam ne ikri ayiwo djwi vear ankum ne buu wakey ondii omog, mbiy ntangu eyakea wo ne mbug ayayia wo esinge? enagn vear ayayim wo ne ewa wakey ne luzingu. ¹⁶ Djwi yug vear a nteang wali wa santu, vear ali mbiy asiyia wo wa santu; Yug itsin oshung eli santu , atab ko asiyia wo wa santu. ¹⁷ Kansi yug alimiwo atab amuu, mbiy yie wur eyiki oshung e olive e okun, wamoshwer atab amuu ne ondii a wo, djwi oveyik vim asila odzum e oshung e olive enagn; 8 oayen lokumu ve djwi n'atab anagn. Kansi yug oling mvey lokumu, jia yeyen epa yie wur emivara edzuu enagn ve, eli edzuu etovara yie. ¹⁹ Asituba yie yeyen: Abag wo atab djwi wantsugi atab amuu. ²⁰ Eli vi-avii; abag wo atab amuu djwi n'itura iwo biuu. kansi yie, yia ko biuu djwi na lukwikilu eyie. Oyayia n'omuong ve, kansi yug wom e Nzeam. ²¹ Djwi yug Nzeam akawum atab oshung oyikii nde ve, apowum ko yie ve ata fioti. ²² Lir etshia ewuo e Nzeam na vy biuu elinde na wo. Etay ene, ayagne vy biuu ende ya wa Yuda imilog. Kansi etay emuu, wuo e Nzeam etikum ya yie. Yug kaku, anolima wo ti yie. ²³ Oshin omog, yug wamilima itura biuu iwo inagn, asatsug wo n'eshung emuu. ²⁴ Djwi, yug obag wo yie n'oshung olivia eli n'okuun, epa n'oshin etsande ngya ve, watsug atab anagn nn'olivia ewuo, mbala kwe kuluta wa Yuda ine ili kamsi atab ohung okuun, esilenga wo yug wamakea ntsug n'olivia ewo nkeanga wo? ²⁵ Atwung, ntun akwon gnu njia oziy one, djwi okayenagni kamsi ne waagn ognu olagni ankea ntiegn. Oziy owo eli ene: etura biuu eyikii ikab aman Israel ayiwo djwi empaagn enkum washwi. ²⁶ Wog enagn, Israel opfugn asivug nde, djwi wamifugn wuwun: "Wur eyayia ndima wo ne mpay ayayim nde Siona, ayalima nde aman a Yakob n'ipwo iwo. ²⁷ Ene alien ayakie me ti wontangu eyalima me masumuiwo." ²⁸ Etay ene, djwi na along a Nzeam, wali wa mbeni djwi na gnu; kansi etay emuu, n'oshin omisoon Nzeam, Nzeam amaleang ko djwi na atea awo. ²⁹ Djwi ikab ti evie e Nzeam epitsu nsogno ve. ³⁰ Djwi gnu mpi, nteang-nteang okalemfukakagni ve ya Nzeam, kansi opeane, Nzeam amoyugagni ngy djwi na itura iwo biuu. ³¹ Oshin omog, wa Yuda ine wapilemfuki ya Nzeam ve. Nsuk'ewo, eli, na ngy e Nzeam emoyugagni nde gnu, wo mpi s'amivea wo ngy enagn. ³² Djwi Nzeam atitshung vear ankum n'oshin opilemfuki wo, djwi ngy ende eyii mpi ya vear ankum. ³³ O otsun o Nzeam nge eli ndzig ngean, na ntiegn ende, na waagn ende! Kaku wur ejia ewu ende ebag nde ve, na mbug inde ve! ³⁴ Djwi, nagn eyijii nginu i Nkum? Nagn etsondag nde na nkie djwi? ³⁵ Wur nagn eyitigni mpea Nzeam vim nteang djwi nde mpi okeari? ³⁶ Djwi vim ankum ayim ya nde, djwi na nde, mpi ili indende. Avey lokumu ende mvwe na mvwe. Amen!