¹ Atwung, mpuy eli n'etura eme, ye mpi bisamu ime ya Nzeam djwi na wo, eli waviy evug. ² Djwi nda pea ntiegn djwi na wo,wali na ngagn biu ya Nzeam,kansi kaku wagn na wo ve : ³ Wapijia masonga i Nzeam ve,waleling nkie masonga iwo nkeang 'a wo, wapa wali ne ngie masonga i Nzeam ve. ⁴ Djwi Kristu ali nsuka e nsiku, djwi na mvug a vear ankum adjir. ⁵ Djwi Moise atendula masonga eyim ne nsiku , ndenden: Wur eyakir nsiku enagn , aki etshia ewo, ayayia nde na luzingu djwi na wo. ⁶ Kansi yen oshin etuba masonga iyim ne ekaagn ndenden: oyatuba ne etura eyie ve yiyen: nagn eyavean ne olung? Enagn e nkeya Kristu akri yim olung ; ⁷ Mpi oyatuba nagn eyakra ne mpib ? "Enagn eli na mvie Kristu avean yim wiya e bafwa) . ⁸ Enagn etuba nge ? otuba ewean eli mbeama na yie, ne odzum o yie,ti ne etura eyie.Kansi eli along a lukwikilu elelong su. ⁹ yug ne odzum o yie otuba dzin i Nkum Yezu , ne etura eyie, odjir yiyen Nzeam amobiya ne ewa,asivug yie. ¹⁰ Djwi eli n' etura wur a kwikila djwi na masonga, ye mpi ntangu etuba yie n' odzum oyie esivug yie. ¹¹ Oshin omifugn wo : Wur enkum edjir ya nde apayug nsogn ve. 2 Yuda na Greki apa wali eshin epe ve , djwi wankum wali ko na Nkum emog, eli na otsun djwi na vear ankum etso ovie nde. ¹³ Djwi wur enkum esivie dzin i Nzeam asivug nde. ¹⁴ Mbiy oshin onkagn esivie wo (dzin i) wur etodjir wo?Oshin onkagn esidjir wo wur etoyug wo oshwong e nde? Oshin onkagn esiyug wo oshwong o nde yug kaku wur epea along? ¹⁵ Mbiy oshin onkagn epea wo along yu kaku wur emitum wo ve? N'oshin omifugn wo wuwun : Vear alelong along a ngemba,along a Nzeam wali na intieng i nkuu. ¹⁶ Kansi wankum wakayug evanjili. Djwi isaya a tub nde: Nkum, nagn endimi na along su? ¹⁷ Wog enagn, lukwikilu eyim ne vim eyug wo , vim eyug wo eyim n'otuba e Kristu. ¹⁸ Kansi ndaywe memen: Wakayug? kaku ayug wo! Otuba a vear anagn atshiwo etayi na etayi ne buu enkum,along a wo tii ne nsuka e buu. ¹⁹ Emuu diaka , mimin : "Israel akajia ? " Moise wu enteang eyitubi ndenden : Ayotsug'agni me zua ne itura ignu djwi na vear ali kaku buu ya wo, ayopeagni me nkier ya vear ali kaku waagn ve. ²¹ Kansi otuba djwi na Israel ndenden : Ntishima mbwo i me eshu opfugn ya vear amijing mbug e me .