² Ndir, mby ngyen mpunda emog e siy epwe. Wur eyii ne dzug i mpunda ewo ayiinde n'ota n'ewuo, wopea impu ekub, mby s'akien nde na lunungu djwi na ntsa nunga. ³ Ntangu emingama nde tampo ozole, ngyug vim e luzingu ozoleatuba ndenden: Yag. ⁴ Mby mpunda emuu e kwi apwe. Wur eyii ne dzug iwo opiiwo ekub e ndima ngemba ne buu, djwi vear wog na wog walebagike wanking iwo. S'opiiwo ompien e vur epe eninen. ⁵ Ntangu emingama nde tampo otatu, ngyug vim e luzingu otatu atuba ndenden: Yag. Ndir, s'ayen me mpunda e por apwe. Wur eyii ne dzug iwo atikir ashin ayerwo odzuru n'ewuo. ⁶ Mby s'ayug me ne kati e vim anign a luzingu otuba omog etuba wuwun: Ikob antu emog wasar n'ikutu imog, mby akob ekuru asar wasar n'ikutu imog; kansi oyakie ipwo ve ya vir ti veana. ⁷ Ntangu emingama nde tampo oya, ngyug otuba e vim oya e luzingu atuba ndenden: Yag. ⁸ Ndir, s'ayen me mpunda emog e djung i vay afiem apwe. Wur eyii ne dzug iwo dzin inde ayiwo Ewa, wiya e wabafwa ayikiwo ko mbeama na nde. Wankeape, apiiwo ekub ewo n'etign e buu emog ne dzug akab anign, djwi na ndjag vear n'ompien e vur epe, na nziya, n'ewa e mpama, ti wagnam okwun ili ne buu waledjagike vear. ⁹ Ntangu emingama nde tampo otanu, ngyen ne ngie e kunda, moyo i vear ayiidjagikiwo djwi na otuba o Nzeam mpi djwi na ntiegn eyiipikiwo. ¹⁰ Wadzama na biu wuwun: Tii nsuka nonkagn, long e santu ti e masonga, oliem na mbag ewu e vear a buu ti na nkeara mbela djwi na aluung asu? ¹¹ Wapea wankum wur na wur olobo e siy, wakaba wuwun watuka yor itaang, tii ko yug isuu iwur iwo otshia ti atwung awo eyadjag wo kamsi wo ekug. ¹² Ndir, ntangu emingama nde tampo e isom; buu egnug, vuna epir kamsi ibwomo i viey e gnam, ngwon akum kamsi aluung, ¹³ mby weer iym dzug olung s'alogikiwo ne buu, kamsi nsuu i mvu ilelog n'oshung owo n'opepe e biu. ¹⁴ Olung elim nkeanga wo kamsi wur emidjing onkeana; mby embimi enkum ti iseang i buu ilim n'endii ewo. ¹⁵ Wa vuyili ne buu, vear anen-anen, ankum ayer-nkuu, ankea otsun, ankea biu, ampfumi ankeankum ti vear apa ali ampfumi, wazuba ne mvuru ti ne ngie atari ali n'embimi. ¹⁶ S'atubikiwo ya embimi ti ya atari anagn wuwun: Logagni ne dzug isu, oteziyagni ne nteang e wur emigneme ne kiti ekub, ne nteang e nkier i Mon Imeme; ¹⁷ djwi eshuu eninen e nkier inde etikum, nagn esifiyima?