¹ Ne mby ewo, s'ayugme ne dzug, kamsi otuba e biu e oluy o vear, watubike wuwun: Alleluya! Evug, nkembo ti biu eli ko ya Nzeam esu, ² djwi ewu etsande mbag aliwo ko e masonga, djwi atibag ewu e onkear o nduma eninen eyiipiy buu na kinduma ende, amikeara mbela n'aluung a vear ande otshia emikeande ngwigna n'ewuo ende. ³ Mby wakeantuba mbala ozole wuwun: Alleluya!... mby edjinga ende elevean mvwe na mvwe. ⁴ Mby agnugn omab n'inign ti vim anign a luzingu anagn wababa, wafukimina Nzeam, atigneme ne kiti ekub, wuwun: Amen! Alleluya! ⁵ Mby otuba mog epwe ne kiti ekub, wuwun: Peagni lokumu ya nzeam esu, gnakum vear ande otshia, gnu vear atsandur womo ende, alieng ti antsuru! ⁶ Ngyug kamsi oshuru e vear oluy, kamsi oshuru e vay anen-anen, kamsi oshuru e ipfung i mvuye i biu, etuba wuwun: Alleluya! Djwi Nkum, Nzeam esu nkea biu atishwe n'ekub ende. ⁷ Siyiagni n'osiang, s'opiiagni nde lokumu; djwi avea a Mon Imeme etikum, wear nde atiwong vim ande, ⁸ watopea marikagn alwer, e siy, kaku mbin. djwi marikagn ewo eli etshia ewuo e wasantu. ⁹ Wanzio ankaba ndenden: Fugn yiyen:Osiang ya vear amiviewo na nda n'okina e mon Imeme! Mby atuba ndenden: Otuba ene, eli otuba e vi-a-vii e Nzeam. ¹⁰ S'alog me ne nkuu inde djwi n'omfukimina; kansi atuba nda me ndenden: Osug, oyakie ngean ve! Ndi ewur eyie otshia, ewur e atwung ayie ali ntiegn e Yezu. Fukimina ko Nzeam. Djwi ntiegn e Yezu eli mpeve e vii abikulawo. ¹¹ Mby ngyen olung otingam, ngyen mpunda emog e siy apwe. Wur eyii ne dzug iwo dzin inde Ekaagn mpi Masonga, atsande mbag ewu, mpi atsande ndwa na masonga. ¹² Viy ande ayiiwo kamsi ekb e tshiya; ne dzug inde ote ayiiwo n'ayaga entsign; ayiinde na dzin imog imifugn wo, eli kaku ata wur ejia ve, ko ndug ndemie; ¹³ alwernde eleama emog emita aluung. Dzin inde eli Otuba o Nzeam. ¹⁴ Ayer-nkuu a dzug walosodjii ne dzug i wampunda i siy-siy, watilweraka marikagn i siy-siy, ili kaku mbin ve. ¹⁵ Ompien emog e vur epe e nsor alepwikiwo n'odzum onde, djwi na ndjag vear a buu, ayapeakande adjiu anda ti fimu e ewuu n'ewuo, mby ayameara nde na nkuu impiba i veana a nkier i tshiya e nzeam, nkea biu. ¹⁶ N'eleama ende ti n'ompfuy ekuu ende, wamifugn dzin imog: Vuy e wavuy, ti Nkum e wankum. ¹⁷ Mby ngyen wanzio emog atiyima neti e vuna. Adzama na biu, atuba nda wamfuru inkum ileyimike ne ngnina olung, ndenden: Yagagni, yiagni gnankum ondii omog djwi n'okina oninen e Nzeam, ¹⁸ djwi olagni djuung i wavuy, djuung i ayer-nkuu, djuung i ankea biu, djuung i wampunda ti vear alekuni ne dzug iwo, djuung i vear ankum, ampfumi ti vear apa ali ampfumi, alieng ti antsuru. ¹⁹ Mby ngyen gnam enagn, wavuy i buu, ti ayer-nkuu awo, wankum ondii omog djwi na ndwa obr o mbaagn ti wur eyii ngigneme ne dzug i mpunda, ti ayer-nkuu ande. ²⁰ Mby s'avey wo gnam enagn, ti ngunsa oyang mpi, eyiiki bidimu ne nteang e gnam, bidimu iyidjimikinde vear ayiivey kidimu e gnam ne djuung iwo, ti eyiifukiminike ignignig i gnam. S'atwomiwo wankeape ngitien, n'ibulu ekb e tshiya ti etugu. ²¹ Mby amuu agni s'awiwo n'ompien e vur epe eyiipwike n'odzum o wur eyiignemi ne dzug i mpunda; mby wamfuru inkum s'ayurwo n'eky ewo eyilikiwo.