¹ Mby wanzio emog ne banzio ishiambia iyikirike akob ayia ntuba nda me ndenden: Yag, asoyegne me ewu e onkear o nduma eninen emigneme ne dzug i vay anen-anen. ² Wavuy i buu wamikie kinduma ti nde, vear apier ne buu wamijuy veana a kinduma ende. ³ Amvara ne mpeve tii ne buu e ndzum. Mby ngyen onkear omog atigneme nedzug i gnam e kwi, n'ete eshiambia ti asigi djum, watifugn vin eshin n'eshin ne djuung inde djwi na ntwe Nzeam. ⁴ Onkear owo alwernde eleama e kwi, ti ayaga a wolo, ti atari isuu, ti mpengele. atikir ikob i wolo n'ewuo, itijuo na vii apwo ti mbin i kinduma ende. ⁵ N'elung ende wamifugn dzin imog, vim epijiawo ve: Babiloni eninen, mea e ankear a nduma ti vii apwo ne buu. ⁶ Ayen me onkear owo atijuy n'aluung a wasantu ti aluung a wantiegn i Yezu. Ntangu emoyen me, ayen me ngituka eninen. ⁷ Wanzio nda me ndendn: Djwi na nge eyen yie ngituka? Asokabame oziy onkear one ti e gnam elovari, eli n'ete eshiambia ti asigi djum. ⁸ Gnam emiyen yie ene, ayiikinde, kansi apa aliko diaka ve. Afwete nven yim n'ibulu i mpib, aletsu ewa. Mby vear apier ne buu, ali vin awo wakaafugn n'onkeana e luzingu yim k'eyiikiwo buu, ayayen wo ngituka yug watiyen gnam enagn, djwi ayiikinde, apa aliko diaka ve, ayakeande mpwe. ⁹ Ene eli waagn eli ti ntiegn. Ete eshiambia enagn eli embimi eshiambia emigneme onkear onagn. ¹⁰ Eli mpi wavuy ishiambia: atean watilog, emog aliko, emuu atoyii ve, kansi ntangu eyayiande, ayakiende ko ivim i ntangu. ¹¹ Kansi gnam eyiike, apa aliko diaka ve, ndemie ali vuy e ndwong iniani, ali ne kati e wavuy ishiambia, kansi aletsu ewa. ¹² Asigi djum amiyen yie enagn, eli wavuy djum eli watoviy ekub ve, kansi wali n'ekub e ntangu emog ti gnam enagn. ¹³ Wali na vii awo amog, walepii biu ewo ti ekub ewoya gnam. ¹⁴ Ayalwawo mbaagn ti Mon imeme, kansi Mon Imeme ayanunga nd wo, djwi ali Nkum e ankum, mpi Vuy e wavuy, ti vear amivie nde, vear amison nde, vear ali n'ekaagn ya nde ayonunga wo mpi. ¹⁵ Mby ankaba ndnden: Vay amiyen yie enagn, ondii omigneme onkear o nduma, eli vear, oluy o vear, wa buu inkum, ti etuba enkum. ¹⁶ Asigi djum amiyen yie, ti gnam, ayasan woonkear o nduma, ayopur wo n'ilingi, ayosawoky opuu-opuu, ayalawo djuung inde, ayobuowo tshiya. ¹⁷ Djwi Nzeam amitsug n'itura iwo, oshin o ndjag vii amibansa nde na nkie, wakii mpi ko mabansa iwo imog, mpi wapii ekub ewo ya gnam, tii ko eyakug otuba o Nzeam. ¹⁸ Mby onkear omiyen yie, eli wiya enen, eli n'ekub ne dzug i wavuy inkum ne buu.