¹ Mby ngyug otuba omog e biu epwe ne tempelo, etuba ya banzio ishiambia inagn wuwun: Tshwagagni, payagni akob a nkier i Nzeam inagn ne buu. ² Wanzio enteang atsa, apay ikob inde ne buu. Mby mpura emog e wagn, e osayu, epikogn ve, epwe ya vear ayii na kidimu e gnam, ti ayiifukimini ignignig inde. ³ Wanzio ozole atsamwang ikob inde ne nzey. Vay akum aluung, kamsi wur emidjag wo ne vay, mby vim enkum eyiike na luzingu ne vay s'awiwo. ⁴ Wanzio otatu apay ikob inde n'eman e nzey ti wanto i vay. Vay akum aluung. ⁵ Mby nyug wanzio e vay atuba ndenden: Oli wur e masonga, yie wur eli oliko, mpi ayiikiyie, oli santu, djwi n'ewu emibag yie ene. ⁶ Djwi wamipur aluung a wasantu ti wangunsa, omaapea aluung djwi na gnwa, wakug na wo. ⁷ Mby ngyug wanzio emuu atuba ne kunda ndenden: Ee, nkum, Nzeam Nkea biu, ewu etsayie mbg aliwo ko e kieleka ti e masonga. ⁸ Wanzio oya, apay ikob inde ne vuna. Mby wopea ekub e mbuwo vear tshiya; ⁹ mby vear s'awikiwo na mbiiy i biu, s'atwikiwo dzin i Nzeameli n'ekub e ntshung wandola inagn, wakatshimaka ata itura iwo ve djwi wopii lokumu. ¹⁰ Wanzio otanu apay ikob inde ne kiti ekub e gnam enagn. Mby ekub ende edzuba na mpib; vear wakama vin n'ilm iwo djwi na nkier, ¹¹ watwe Nzeam eli ne dzug djwi n'osayu owo, ti wampura iwo ipikogn, wakatshima mpi itura ve na nsianga etshia ewo epwo. ¹² Wanzio e ndwong isom apay ikob inde ne nzey eninen eviewo Efrata. Vay and ayumdjwi na ngwong mbug eleye wavuy iym etay epwe vuna. ¹³ Ngyen mpeve ipwo isar, kamsi akorone vay, walepwi n'odzum o dragona, n'odzum o gnam enagn ti n'odzum o ngunsa oyang. ¹⁴ Djwi eli wampeve ontshung, wog ilekii bidimu, iletsu etay e wavuy i buu opfugn, djwi wayii wankum ondii omog ne mbaagn eshuu eninen e Nzeam Nkea biu. ¹⁵ Yen, mean ndeye kamsi nkea wumu. Osiang ya wur ewum ileama inde, djwi akwon nkien opuu-opuu mpi wakwon ngyen nsogn inde! ¹⁶ Watsug wankum ondii omog eviewo n'otuba e waYuda Harmaguedon. ¹⁷ Wanzio e ndwong ishiambia apay ikob inde n'opepe. Mby otuba emog epwe ne tempelo, ne kiti ekub, etuba na biu wuwun: Etikie wuo! ¹⁸ Mby wanzari, otuba e vear, apfung a mvuye, ti buu egnug biu, etotigni nkie oshin onagn ve bana eli wur ne buu ene. ¹⁹ Mby wiya enen etsug akab asar, mby wa wiya empagn s'alog wo, mby Nzeam akeanakna Babiloni eninen, djwi n'ompea ikob inde i veana a nkier inde kamsi tshiya. ²⁰ Mby ensiang inkum ilur, ata embimi, wakafiyenaka wog ve. ²¹ Mby mvuye eninen atari, odzuru e itari imog eli kilo (un talent) emog, s'alogikiwo yim dzug, ne djuung i vear; kansi vear watwe Nzeam djwi na ndola e mvuye atari enagn, djwi ndola ewo alegiwo onen.