¹ Mby ngyen ne dzug olung, kidimu emuu eninen ti wuo: Banzio ishiambia watikiraka wandola ishiambia i nsuka, djwi ntangu e nkier i Nzeam akug wo ne wandola inagn. ² Mby ngyen kamsi nzey e tala-tala, watitshib ti tshiya; ti vear ankum ayiningi gnam, ignignig inde ti ntalu e dzin inde, ayiwo ngiyima ne nzey e tala-tala, wali ti wakidar i Nzeam ne mbwo. ³ Ashwiyikiwo lim e Moize, wur otshia e Nzeam, ti lim e Mon Imeme, wuwun: Etshia eyie eli eninen ti wuo, yie Nkum, Nzeam e nkea biu! Mbug iyie ili i masongampi i kieleka, yie Vuy e wa buu inkum! ⁴ Nagn epikug nya na womo, Nkum, nagn epikug nkumisa dzin iyie? Djwi ko yie yemie oli santu. Buu inkum ayayiawo, ayababawo ne nteang eyie, djwi ewu eyie emipwe ne viy a vear. ⁵ Ne mby ewo, ndir, mby ngyen tempelo e tabernacle e ntiegn ngingam ne dzug. ⁶ Banzio ishiambia iyikirike wandola ishiambia inagn wapwe ne tempelo, watilwer marikagn i siy-siy, engala, watitshung ekaba e wolo n'ibimi iwo. ⁷ Emog ne vim anign a luzingu apea ya banzio ishiambia inagn akob a wolo a wolo ashiambia, itiyuo na nkier i Nzeam eli na luzingu mvwe na mvwe. ⁸ Tempelo eyuo n'edjinga djwi na nkembo e Nzeam ti biu ende; kaku wur esikug nshwe ne tempelo ve, tii kontangu eyakug ndola ishiambia i banzio ishiambia inagn.