¹ Wampea okukwom emog, kamsi fimbu, wuwun: Yima, yer otey e tempelo e Nzeam, kunda, ti vear alefukimini Nzeam. ² Kansi nelien e tmpelo, sianga wog n'ikri, oyaye ve; djwi ondii onagn, apiisu ya empaagn, ayayiawo ntsug nkuu iwo ne wiya enen e santu, ayakiewo ngwon onign n'ipe. ³ Ayapeame wantiegn ime ipe ekub e mbikula, ntangu eyalwer wo abwomo, tii nshuu iwugu imog na nkama ipe n'osom. ⁴ Enagn eli eshung epe e olive ti etimi epe epiey wo mwinda, etsangima ne nteang e nkum e buu. ⁵ Yug wur aling na nkie wo ipwo, tshiya ayapweakawo n'edzum ewo, wambeni iwo ayalungakawo na tshiya; yug wur aling na nkie wo ipwo, ayawakawo oshin onagn. ⁶ Wali na ekub e ntshung dzug olung, djwi mvuye ikwon nteaang ne nshuu iyabikulaka wo; wali mpi n'ekub nsogno vay akum aluung, ti mpea buu ndola eshin n'eshin, ntangu enkum eleang wo. ⁷ Ntangu eyashir wo nkab ntiegn ewo, gnam eyavean yim n'ibulu i mpib ayabin nde wo ne mbaagn, ayanunga nde wo, ayadjag nde wo. ⁸ Mby edjuu ewo ayasawoyia ko n'iyawiya e wiya enen, ondii oviewo, n'oshin o kimpeve, Sodomi ti Ejipiti, ko n'ondii onagn eyiidjag wo Nkum ewo ne kulunsi. ⁹ Vear amuu ali ne kati e etuba, e okuu, e wa buu ine ayayen wo edjuu enagn nshuu isar na ndamu, wapayapea mbug ve na mpfugn djuung iwo n'aluma. ¹⁰ Mby vear apier ne buu ayayiawo n'osiang djwi na wo, ayatumakawo wavim wog na wog djwi wangunsa ipe inagn watipea vear apier ne buu mpay entsign. ¹¹ Ne mby e nshuu isar na ndamu, mpeve emog e luzingu eyim ya Nzeam, ayashwewo ya wo, mby wakey ngima ne nkuu iwo, mby womo eninen ayakir wo vear ayayen. ¹² Mby wayug otuba omog oyim dzug etuba ya wo ndenden: Veanagni nendien! Mby wavean ne dzug, ne mafuba; wambeni iwo wayen. ¹³ Ne ntangu enagn, buu egnug biu, mby ikab imog i wiya ne dzug akab djum elog, vear awugu ashiambia wawa ne ntangu eyignug buu enagn, mby amuu wayug womo, s'akeariwo lokumu ya Nzeam ne dzug. ¹⁴ Mpay ozole etileg. Yenaka mpay otatu wean ileye etean kaku. ¹⁵ Wanzio e ndwong ishiambia abur isigi. Mby etuba e biu-biu ne dzug etuba wuwun: Ekub e buu watikeara ko ya Nkum esu ti ya Kristu ende; ayayiande Nkum mvwe na mvwe. ¹⁶ Mby agnugn omab n'inign eyiignemike ne nteang e Nzeam, ne kiti ikub iwo, wababa, ilung ngie, mby wafukimina Nzeam, ¹⁷ wuwun: Silokeara nsag-na-viye Nzeam Nkum esu Nkea biu, yie oliko, ayiikiyie, djwi na biu eyie eninen emikiryie mpi emivey yie ekub eyie. ¹⁸ Empaagn wamiyug nkier, nkier iyie mpi imiyia, ntangu mpi etikug na mbag ewu e vear amiwa, na mpea ikab iwuo ya wangunsa, vear ayie otshia, wasantu ti vear atsandur dzin iyie, alieng ti antsuru, mpi na ndjag vear aledjag buu. ¹⁹ Mby tempelo e Nzeam ne dzug olung engam, ashwa e alien ayiikinde apwene tempelo ende. Mby yenaka wanzari, etuba, apfung a mvuye, buu egnug, mpi ti mvuye atari e biu.