¹ Ngangn e nteang ayiwo na nsiku n'oshin o sama wo, na ondii omog e santu ne oshin e buu. ² Kansi atung wo ondii o mpea empeab . Ne kati ewo , aviiwo ondii e santu , ayiwo muinda, mesa na mampa i ngibag wo. ³ Ne mbiy e eleama ozole eyidzubiki wo , ayiwo na ondii oyiviki wo ondii e wa santu, ⁴ ayiki wo na vim eyitsug'iki wo atsa djwi na nsuu e wo, na sanduku e ngangn , eyiki wo na wolo. Ne sanduku enagn, ayikiwo na ilong'o i wolo , na manne, neti n ' ikoy i Aroni, apour wo bintuntu, na wa mesa i ngangn . ⁵ Ne dzug i sanduku ayiwo na cherubiens ipea Nzeam osiang , mpib ewo eledzug ondii elima wo masumu. Epa ntangu e ntuba djwi imog -imog na wo ve. ⁶ Kains vim ankum amitsug wo ene, vear apea empeab , ne ntangu ekie wo otshia , waleshwi ntangu enkum ne ondii e nteang e tabernacle enagn; ⁷ mbiy n'ondii ozole , nkum e vear apea empeab ndemie ashwe mbala emog ne mvuye emog,apakwon alung eipeande djwi na nde ndemieve, mpi masumu i vear Israel. ⁸ Mpeve-santu ayegniki nde kog ndenden mbug e ondii eleng'a santu ayiwo etong'am ve,djwi tabernacle eyi nteang ayiwo eliko. ⁹ Enagn eli kidimu emog e ntangu e luo ene, ekab wuwun makabu na empeab eyipiki wo epakug ntsug wur wuo ve djwi na etura e wur ekie bisamu inagn , ¹⁰ ayikiwo na vim a nda , na veana na vim eshin na eshin , wa nsiku i vear iyipii wo ko djwi na ntangu emog eshir. ¹¹ Kansi Kristu ayinde nkum epea empeab e vii a wuo aleye; atear nde Tabernacle eninen na e wuo,ekatung wo na mbwo i vear , eling ntuba vim eli kaku ne buu ene. ¹² Amishwe mbala emog otshwag ne ondii e leng'a santu, epa na alung a mbour na i ngombe ve, kansi na alung a nde nkeang'a nde ¹³ Djwi ,yug alung a wa ngombe na i mbour ,na ndung'i e ngombe eyikiwo ne djung i vear amikie ipwo , asuyikiwo, mpi alimikiwo mbin i djung , ¹⁴ mbala kue esileng'a alung a kristu ayipinde ndemie ya Nzeam , kaku itono i mbin , na biu e Mpeve e mvuye na mvuye , eyasuyi wo itura ignu na etshia emiwa, djwi okiagni etshia e Nzeam e luzingu! ¹⁵ Eli djwi na wo elinde ne ngnina e ngangn e mpa, djwi , ntangu esiyia ewa djwi na wa nsiku imipii vear ne oshin e ngangn e nteang , vear ali Nzeam amavie wavii oleama- nzo e mvuye na mvuye eyitubi nde. ¹⁶ Djwi n'ondii omisawo sugn otuba e wur e miwa, ekug yug djwi-djwi wur enagn amiwa. ¹⁷ Otuba e wur emiwa aliwo na biu ko yug wur enagn amiwa , kansi yug nkea otuba ali ne luzingu , otuba onagn kaku biu ve. 8 Wog enagn , ngagn eyi nteang ang'am wo ko djwi na alung. ¹⁹ Ntangu emishir nkab moise nsiku inkum ne vii a vear ankum , avey nde alung e wa ngombe na i mbour ,na vay , na eleama e siy , na eponji ,mbiy s'amwang nde n onkeana , ti ne djung i a aman a Israel, ndenden ; ²⁰ Ene eli alung a ngangn emituba Nzeam djwi na gnu. 1 Akie oshin omog , avey alung , amwang ne Tabernacle ti ne along' o, wa mpug'u inkum inagn. 2 Enagn asikug su ntuba n'oshin etuba nsiku ,vim ankum , mbin itishir na alung anagn , mbiy yug alung akapay ve, kaku ndolula i masumu ve. ²³ Ayiwo mfunu ,djwi ignignig i vim ali ne dzug efuete ngia ngisuyi n'oshin onagn, mbiy vim ali ne dzug eyi ngisuy mpi na empeab eleng'a enagnna wuo. 4 Djwi Kristu akashwe ne ondii e santu eyiki wo na mbuo i vear ve, eyiki wo kamsi eli e djwi-djwi, kansi ashui nde ne dzug , djwi na nsama ewu djwi su ne nteang e elung e Nzeam. ²⁵ Epa djwi apike djung mbala na mbala ne ntangu emishue nde ve, kamsi etsanshue nkum epea empeabkonso mvuye n'ondii e santu kansi eli djwi na mpea alung amuu , kansi epa alung a nde ve; ²⁶ Yug kaku ,anayia wo nde ayenike mpay mbala na mbala , yim ko eyiki wo buu ,kansi ntangu opeane , ne nsuka i wa mvuye ine,amipwe mbala emog djwi na ndima masumu ne empeab e nde. ²⁷ Ne oshin oli wur afuete ngwa mbala emog , mbiy wasabag ewu e nde, 8 oshin omog mpi Kristu amipea djung inde mbala emog djwi na mvara masumu i vear entsign, ayokea wo ngien mbala ozole kaku ata itono i mbin ve, djwi na evug e wo