¹ Itsin i djwi imituba su eli djwi na oshin o nkum epea empeab enagn sili tinde , amigneme ne wum ewuo e ekub e Nzeam ne dzug olung, ² ali kamsi nkum otshia ne ondii e santu na ondii e wuo-wuo epeawo empeab , eyiki Nkum kansi epa wur ve. ³ Nkum epea empeab enkum ,otsug wo djwi na mpeaka makabu na empeab , eli mfunu mpi djwi na wur enagn avii mpi vim esipea nde. ⁴ Yug ayi ne buu,apinayiaka wur epea empeab ve, djwi enagn eli djwi na vear alepii makabu n'oshin otuba nsiku, ⁵ atsawo nkie bisamu, enagn eli ignignig i vim ali ne dzug , kamsi Nziam eyikabinde Moise na ntung ondii eyapeaka wo empeab , ndenden: Osug, kie wog ko oshin eyoyegni me n'ombimi. ⁶ Kansi ntangu opeane, amivea otshia emog eleng 'a, ali wur eli ne ngnina e ngangn e wuo emikiewo, na ilag'a i wuo. ⁷ Djwi , yug ngangn eyikiwo nteang ayiwo kaku kifu, epinayiaka na mfunu e nkie ngangn ozole ne ondii oyi nteang ve. ⁸ Djwi Nkum atuba nda aman a Israel,angniang'a ndenden: yenagni nshu wean eleye, me ti aman a Israel , mpi na evuru e Yuda ayakie su ngangn e mpa, ⁹ epa kamsi ngangn eyiki me ti aTea a wo, eshu eyakir me ne ewuo djwi na mpour ne buu e Ejipiti , djwi wakatsug inaagn ve ne ngangn eme , me mpi nkafayug ngyi ve , ena otuba e Nkum. ¹⁰ Kansi liragni ngangn eyakie me ti aman a Israel , ne mbiy i nshu inagn, Nkum ndenden : Ayatsug me wa nsiku i me ne Mpeve ewo,ayafugn me wog ne itura i wo ,mbiy ayayia me Nzeam ewo, wo ayayia wo vear a me. ¹¹ Kaku wur eyafilong wur emuu ve, ata otung o nde ve , ndenden : Jia Nkum ! Djwi wankum ayanjia wo ,yim ilieng tii antsuru ne kati ewo; 2 Djwi ayilolula me ipwo i wo , mpafikana masumu i wo ve. ¹³ Ne ntangu etuba nde ndenden : ngangn e mpa , kog eli ngangne ntama ; djwi vim eli e ntama si emingnugn, eli mbeama na mvila.