¹ Djwi. Melkisedeki enagn , Nkum e salem ,wur e Nzeam eli ne dzug olung , epea empeab, eyitsu nteang e Abrama ntangu elekeyikinde ekanung'a wa Nkum ilui na nde, s'asakumuni nde, v 2 Mbiyi Abrahma s'opii nde ikab imog ne akab djum i vim ande ankum, nteang-nteang, ali vuy e masonga ,oshin otuba dzin i nde, mbiy ali vuy e Salem , eling ntuba vuy e ngemba, ³ Kaku nde na tea kaku nde na mea, kaku ntshim ya nde ve, kaku itsin eshu eyibani nde ve, kaku nsuka e luzingu ende ve, kansi akum nde oshin omog ti Mon e Nzeam ; Melkisedeki enagn amisatsug'a wur epea empeab otshwag-otshwag. ⁴ Liragni onen e wur eyipii Abrahma ikab imog ne akab djum e vim a nde. ⁵ Aman a levi elekike otshia ne evur e Nzeam , n'oshin etuba nsiku, apii wo mbug e mveyi ikab imog n' akab djum ya vear a Israel,eling ntuba ya atwung a wo , wayim mpi ne okuo e Abrahma; ⁶ Mbiy nde wur ekayim ne ti ve , avey nde ikab imog n'akab djum ya Abrahma, mbiy s'asakumuni nde wur eyipii wo elag'a. ⁷ Djwi epa oyang ve , wur eli dzug atsande nsakumuna wur eli ngie. ⁸ Mbiy nendien , vear atsamvey ikab imog ne akab djum eliko vear na ndjung iyawa ene ; Kansi egni , eli wur etuba wo nendien wuwun ali ne luzingu . ⁹ Emuu, levi, wur elevey ikab imog ne akab djum , situbi susun afuti nde wo ne oshin oyipii Abrahma. ¹⁰ djwi kog ayiwo ali ko n ipfugn i Tea nde, ntangu eyitsi Melkisedeki ne nteang e Abrahma. ¹¹ Yug akug kiwo na mveadjwi nsiku iyipiin ekub ko yug okie otshia ne evuru e Nzeam kansi aman a Levi , djwi nsiku eyipii wo aman Israel emigneme ne otshia enagn , anfiyawo na nfunu e mpour wur emuu iky epea embeag ne oshin oyitum wo Melkisedeki , kansi epa oshin e Aroni ve? ¹² Djwi ntangu emisogno otshia e evurue Nzeam , eli mpi nfunu na nsogno nsiku iwo. ¹³ Kansi nkea vim ayitub wo enagn ali ne kikanda emuu, eli kaku ata wur e opeang onde eyikii otshia e kunda e evuru e Nzeam ve. ¹⁴ Djwi wur enkum ajia ndenden Nkum eso apwinde ne okwo e yuda, kikanda ekatuba Moise na nkie etshia ne evuru e Nzeam ve. ¹⁵ Enagn elakab diaka wuwun , ntangu emipwe wur emuu epea empeab eli kamsi Melkisedeki , ¹⁶ emipea wo otshia, pa n'oshin otuba wa nsiku , n'oshin emifugn vear n'enkeana, kansi n'oshin e biu e luzingu epikug nsuka ve; ¹⁷ djwi wamopea ntiegn ene djwi na nde,wuwun : Oli wur epea empeab otshwag-otshwag, kamsi eyiyun wo Melkisedeki. ¹⁸ Kog enkeana eyifugn wo nteang watidjag, djwi kaku biu ve, kaku ata nfunu , ¹⁹ djwi nsiku ekayia na vim emog ve eli wuo ,vim esipea ekaagn e wuo djwi sivang'a mbeama na Nzeam kaku. ²⁰ Mpi enagn ekayia mpama ve yug okasila ve, ²¹ djwi aman a Levy akum wo vear a pea empeab , wakasila ve, kansi Yezu akum nde wur epea empeab na lusilu ne dzin i wur eyitubi nda nde ndenden: Nkum atisila , apafitshima otuba ve; Oli wur epea empeab otshwag-otshwag ,kamsi eyitum wo Melkisedeki; ²² Kog Yezu ali Nkum elir ngangn emikiewo e wuo. ²³ Emuu eli , vear apea empeab ayiwo entsign, djwi ewa akapaaka mbug ve na ngiaka ntangu enkum. ²⁴ Kansi nde,djwi ali mvuye na mvuye, otshia nde apikug nsiama wur emuu ve. ²⁵ Eli djwi na wo esikug nde mvug'a wuo-wuo vear alevang'i mbeama na Nzeam ne mbug ende, ne oshin olinde ko ne luzingu, djwi na ngugnaka bisamu djwi na wo. ²⁶ Akug wo ya su , siviy Nkum epea empeab kamsi nde, osantu, wur epijia ata djwi ipwo, epea itono i mbin,eminam nda vear a masumu, emijir wo djug eleng'a dzug olung. ²⁷ epea mfunu empeaka empeab konso eshu ve, kamsi vear amuu ayipike empeab djwi na masumu i wo nkeang' awo, mbiy wasapea djwi na vear a Israel, djwi vim ane, nde amikie wog mbala emog otshwag, ne ntangu eyipii nde ndemie djwi na empeab. 8 Djwi wa nsiku imitsug vear apea empeab, djwi na olem e wo, kansi otuba e lusilu eyikiwo ne mbiy e nsiku inagn , emitsug mon e Nzeam ekug , djwi na mvuye na mvuye,