¹ Kansi nsiku ili ne ngie ignigning i vii a wuo aleye ne mbiy e nshu epikug mpea ko empeab emog enagn eoivari vear na ntsa nteang ve. Yug kaku , wapikug nsiang' a ve na mpea empeab enagn, djwi vear anagn alepii bisamu , yug watasuy wapafi kana masumu i wo ve ? ³ Kansi mabansa i masumu asikanaka wo konso mvuye ntangu epeawo empeab enagn; ⁴ Djwi alung e wa ngombe na i mbour epikug ve na ndima masumu. Wog enagn , ntangu eyishui Kristu ne buu ene, atubinde ndenden : Okaleang ve wopii ata empeab ata makabu, kansi ampii yie djung; ⁶ Okavey ata makabu ata empeab ve djwi na ndima masumu. ⁷ Mbiy s'atubime memen : Yen: me mean ndeye (n'okeana emidjing wo watuba djwi na me )djwi na nkie oshin oleang yie. ⁸ Ne mbiy emishir nde ntuba ndenden: Okaleang na okavey ata empeab ata makabu, ata makabu ata empeab djwi na ndima masumu (vim epeawo n'oshin oleang nsiku), Akea ntuba ndenden: Yen , me mean ndeye djwi na nkie oshin oleang yie. Enagn aladjag vim eyi nteang djwi asatsug vim ozole. ¹⁰ Eli djwi na oshin onagn eyileang nde mbiy s'amikum su na djung i santu , na makabu i djung i Yezu-Kristu iyipii nde mbala emog otshwag-otshwag. ¹¹ Kansi wur enkum epea empeab, atsande nkie otshia o nde konso eshu , atsande mpea ko oshin o empeab emog enagn, kansi epikug ndima masumu i vear ve , ¹² Kansi nde, ntangu emishir nde mpea empeab emog enagn, amigneme otshwuag ne wum ewuo e Nzeam , ¹³ asakung ko ameari wa mbeni i nde ne ngie i nkuu. 4 Djwi ,empeab emog eyipinde , amivara vear amikum na djung i santu ne mbug e wuo otshwag-otshwag. 5 Mpeve-santu mpi atuba nda su vii anagn, ntangu emishir nde ntuba ndenden : ¹⁶ Yenagni ngangn eyakie me ma wo , ne mbiy i nshu inagn, otuba e Nkum, ndende : Ayatsug me nsiku i me n'itura i wo , ayafugn me wog ne mpeve ewo, akea ntuba ndenden : 7 Mpafikana masumu i wo ve , ata na ipwo i wo ve . ¹⁸ djwi ondii eli ndolula e masumu , kaku empeab esifipea wo ve djwi na masumu. ¹⁹ Wog enagn, atwung ,djwi na alung a Yezu ,simivea mbug e nshwe ne ondii e santu, ²⁰ mbug e mpa ti e luzingu , nde wur enteang eming'ama wog djwi na su , emilima nde eleama eyi dzub wo , eling ntuba djung i nde, ²¹ mpi sili na nkum emog epea empeab emitsug wo ne evuru e Nzeam, ²² Yag sivagni mbeama na nde , na itura e masonga , siyi ngiyuo na lukwikilu , itura iyi ngitieme na vii apwo , na djung isu iyi ngiswi na vay a wuo. 3 Sikiragni otshia ekaagn esu ene biu , djwi wur eyipii elag'a ali masonga. 4 Silirakagni wuo sug na sug , djwi siyi na ngangn na etshia e wuo. 5 Sikwon nsiang'agni na ntsa mvuri iNzeam i su , kamsi amuu wamizig'a na nkim; Silong'akagni sug na sug tii ko eyayen gnu eshu ewo oshin olevang'i i wo . 6 Djwi yug sitikie masumu na eneang ne ntangu emijia su vii a masonga ,kaku empeab emuu esifipea su ve djwi na ndima masumu, ²⁷ kansi silakung ewu eninen na ekb e tshiya eyalung'a vear a ote biu. ²⁸ Wur emilog ne nsiku i Moise, ewa e nde kaku ngiy ve, yug vear ape ko asar watipea ntiegn; ²⁹ mbiy, obansagni, wur eyameara Mon e Nzeam na nkuu, eyayen alung a nde a ngangn ene mpama, alung ayosuy nde,wur eyatwe Mpeve e grasia , ndola ende ayayia wo oshin onkagn? ³⁰ Djwi siyajia wur etubi ndenden: Siangagni me mpii ifutu !Emuu ndenden : Nkum ayabag nde ewu e vear a nde. ³¹ Eli djwi imog ininen yug wur atilog ne mbwo i Nzeam e luzingu. ³² Kanagn nshu i nteang , ne ntangu eyiyen gnu mwinda, atsug gnu biu na ndwa na mpay iyi ne kati egnu, ³³ etay ene, walopeagni nsogn na mpay ne vy a vear, etay emuu, watotsugagni ondii omog ti vear apisogni ve. ³⁴ Kansi gnu, ayug gnu vear a bolog ngy, mpi ajirgnu n'osiang n'itura ignu na ndima vim agnu, jiagni eli vim alenga wuo mpi etsangya etean entsign. ³⁵ Oyalimagni ekaagn egnu djwi ifutu ininen imikama neti. ³⁶ Djwi olagni na mfunu enkie inaagn, djwi ntangu esikukisagnu luzolo e Nzeam, osaveagni vim ayitubinde nda gnu. ³⁷ Esatsuga fioti, ivim i ntangu fioti: wur efuete ngya, aleye, mpi apafiyia etean ve. ³⁸ Mby wur eme ewuo ayazingande na lukwikilu, kansi yug atilim, moyo eme epafiyia n'osiang onde ve. ³⁹ Kansi su, epa sili ne kati e vear alelim anagn ve, walelim djwi watsu ngwa; su, sili ne kati e vear ali na lukwikilu djwi na mvuga moyo iwo.