Kansi nkum enkum epea empeab, emivey wo ne kati e vear, wamotsug djwi na vear n'otshia o Nzeam, djwi na mpeaka makabuti empeab djwi na masumu i vear. ² Asikug nde ngya na ngy e vear apijia ata vim, na vear amijing mbug, djwi ali mpi n'olem ende ne djuung. ³ Eli djwi na olem enagn esipeande empeab djwi na masumu indendemie, ti masumu i vear. ⁴ Kaku wur etsamvey ekub enagn ve, yug Nzeam akovie ve, kamsi eyivii nde Arona. ⁵ Kristu mpi ndemie akavey nkembo ve djwi ayii nkum e wa nkum epea empeab, kansi amikir ekub ewo eyim ya wur eyitubi ndenden: "Oli Mon me, ntowur luo ene!" ⁶ Kamsi emikeande ntuba ndenden: "Oli wur epea empeab otshuag-otshuag, kamsi eyitum me Melkisedeki. ⁷ Eli ndug, ne nshuu iyinde ne djuung inde, eyipike bisamu na aluu, na nzearu,awugna ya wur eyikug n'ondima n'ewa, mby s'ayug nde bisamu inde djwi na vii ande a wuo, ⁸ alemfukikinde na vim ayiyen nde mpay, ata ayinde Mon, ⁹ ntangu emojir wo n'ondii owuo, s'amikum nde wur epea evug e mvwe na mvwe ya vear ankum alemfuka ya nde. ¹⁰ Djwi Nzeam amotsug nkum e wa nkum epea empeab kamsi eyi tum nde Melkisedeki. ¹¹ Sili na vii entsign antuba n'ondii onagn, na vii a mpay na ntendula, djwi waagn egnu na njia eleye okuog-okuog. ¹² Gnug vear anayia walong bana ntama, olagni ko na mfunu wolongagni vii akieg-kieg, kamsi vii abikula wo ya Nzeam, olagni ko na mfunu egnua mabele kansi epa na nda olio o biu ve. ¹³ Djwi wur enkum elegnui ko mabele atojii otuba e masonga ve, djwi ali ko mon ilieng. ¹⁴ Kansi olio o biu eli djwi na antsuru, djwi na vear ali na waagn e njia ipwo n'iwuo.