1 Siluragni, djwi elaga enshue n'oyuor onde wean eliko, wur emog ne kati egnu aleyike nshue mby-mby ve. 2 Djwi, oshuong owuo ene, atekabiwo, na su na wo; kansi otuba eyalong wo, ekakie ata vim ya wo ve, djwi otuba owo ekayen lukwikilu ne kati ewo vear ayiyug ve. 3 Djwi na su vear ayidjir, silashue n'oyuor o Nzeam, oshin oyitubinde ndenden: "Asilime na nkier ime memen: wapashue n'oyuor ome ve!" Atuba ngean, ata etshia ende emishir yim ko eyikiinde buu opfugn. 4 Djwi amituba n'ondii omuu djwi na eshuu e ishiambia ndenden: "Mby Nzeam s'ayuor nde ntangu emishira nde etshia ende n'eshuu ishiambia." 5 Emuu ndenden: "Wapashue n'oyuor ome ve!" 6 Kansi, djwi n'oshin omiwuma nde vear amuu na nshue n'oyuor onagn, itsin i vear ayivey elaga enagn wakashue ve ko djwi n'ote biu ya wo, 7 Nzeam s'amikeande ntsug eshuu emuu luo ene, s'atubinde nda Davidi ne mby e wa mvwe, oshin omituba wo dzug nendien wuwun: "Luo ene, yug otiyugagni otuba onde, oyadzignagni itura ignu ve. 8 Djwi, yug Yosue apiinde oyuor, apinatubaka diaka ve djwi na eshuu emuu. 9 Eli na eshuu e saba emiwum wo eyayuor vear a Nzeam. 10 Djwi wur esishue n'oyuor o Nzeam, asiyuor nde djwi n'etshia ende, kamsi Nzeam ayuor nde ko n'etshia ende. 11 Sikiagni biu djwi na nshue n'oyuor onagn, djwi wur akalog, akayia mbanu e vear ayikii ote biu. 12 Djwi, otuba o Nzeam eli na luzingu, mpi na biu elenga ompien e vur epe na mpia, etsu nshue ne djuung djwi na nama moyo ti mpeve, wuyu ti mpwong, atsande mbag ewu e vim aleang wur ti nginu ili n'etura ende. 13 Kaku vim emog eyikinde eli ngizuba ne nteang ende ve, kansi vim enkum eli epuu, ayen ne vy ande, ayasama su ne nteang ende. 14 Djwi sili na nkum eninen e vear apea empeab, eyitear ne dzug olung, Yezu Mon e Nzeam,sitsugagni ko biu ne lukwikilu eleki su otshia na wo. 15 Djwi, kaku su na nkum emuu epea empeab ve esiteyug ngy n'ipwo isu; kansi nde, opiiwo mpi mpukumuna kamsi su ne vim ankum, kansi akakie disumu ve. 16 Yag sivangagni mbeama n'ekub e ngrasia, djwi siviy ngy ende, siviy ngrasia, djwi atesarisi ne vim ali su na wo mfunu.