¹ Su mpi, djwi vear a ntiegn entsign watitedjing, sifangagni odzuru osu,masumu ititedzub, sitsugagni ko inaagn na nkim iveang n'otshia omitengama wo mbug ene, ² elir esu ko ya Yezu, nde Nkum etsasu mpea lukwikilu, avari n'ondii owuo, asogni n'osaiang eyowumi wo nde, eyiyen nde mpay ne kulunsi, eyopiwo nsogn, amigneme ne wum ewuo ekub e Nzeam. ³ Liragni, wur eyivari n'etura nde oshin o vii a vear a masumu ene, djwi gnu okalemagni, moyo e gnu ekalem. ⁴ Ntangu elelui gnu mbaagn ti masumu , otodzng'agni etura tii alung apwi ve. ⁵ Mpi omijingagni ilong iyopii agni wo kamsi etsawo mpea ya aman : mon me ,oyayen ndola e Nkum mpama v ,oyalem ve yug atongniang'a yie; ⁶ Djwi Nkum atsande mpea ndola ya mon etsande ndeang atsande naang akoy ya vear ankum ajiande ndenden wali aman a nde. ⁷ Varagni ndola n'etura: Nzeam atsande omveyagni aman a nde ; djwi mon nagn eli tea apopii ndola? ⁸ kansi yug wamolimagni ne ndola emipea vear ankum, enagn olagni aman a makangu , kansi epa aman a opeang ve. ⁹ Mpi, djwi atea a su ali ne buu wamipea vear ndola, similemfuka ya wo, mbala kwe esilig'a su na ndemfuka ya Tea e wa mpeve , djwi siviy luzingu? ¹⁰ Atea a su apikiwo vear ndola , eki mpi i vim i nshu, n'oshin osileang wo ; kansi yug Nzeam apea vear ndola , eli djwi na mambote esu ,djwi siyi mpi na djung i santu kamsi nde. ¹¹ Eli djwi-djwi , ndola enkum atsawo mpea wur ngiy n'etura , kansi epa osiang ve ; kansi ne mbiy i nshu ,atsawo nguur mbeam i masonga , ya vear atsamvey ndola. 2 Peagn biu ne mbwo i gnu imilemaka enagn , n abong 'o agnu amilemaka; ¹³ djayagni mbug ili ngishima ne nkuu i gnu, djwi nkuu iletemi ikwon ntsa ne ikri, kansi ikey mvea biu. ¹⁴ lingagni ngemba na vear ankum, oyiagni na djung i santu ,yug kaku , mpi wur emog eyayen Nkum ve. ¹⁵ Oliragni djwi wur emog akakwon ngrasia e Nzeam; djwi mpi odzuh e oshung oluu, ne ntangu elemem wo ne buu, ekapur oshuru, ekasiama ya vear entsign; 6 Djwi ekayia na wur eleki kinduma , ata nawur epijia djwi kamsi Esau eyisar ekub ende e intsuru djwi n' olio. ¹⁷ Ojiagni gnugnun , ne mbiy i nshu , ntangu enopea wo lusakumuna, otun wo, ata asnde wugnaka na aluu; tea nde akafitshima etura ve, ¹⁸ Otovangagni mbeama na ombimi esikug wo nkir ve, mpi emibag wo tshiya ve, ata emidzub ne mafuba ve, ata emidzub ne mpib ve, ata eli n'opepe e biu ve, ¹⁹ ata n'oshuru asigi abur wo ve, ata oshuru etuba vear ve, kamsi ayiyug watuba wuwun situn akeasu ngyug oshin otuba one, ²⁰ djwi wakakugaka vii ane ve: "Ata ngnam yug atikir ko ombimi, asodjag wo n'atari." ²¹ Ikagn ine ayiwo biu, mby Moize s'atubinde ndenden: "Ndayug womo na ekukuma!" ²² Kansi gnu, otivangagni mbeama n'ombimi e Sioni, e wiya Nzeam e luzingu, Yeruzalem e dzug, oluy o banzio washue lim ondii omog, ²³ Itwung aman a nsom eteang emifugn wo vin ne dzug olung, e wur ebag vii ndug eli Nzeam e vear ankum, mpeve i vear wuo emikum n'ondii owuo, ²⁴ e Yezu nde wur eli ne ngnina alien ampa, ti aluung amijem wo etuba wuo kuluta aluung Abel. ²⁵ Osugagni, oyatunagni ve na ngyug wur etuba; djwi, yug vear ayitunike na ngyug wur eyitubike vii a Nzeam ne buu wakavug ve, mby yug simipea okwongo ya wur etuba yim dzug olung, vear kw esivug? ²⁶ Nde wur eyi, ko otuba e mpama egnug buu,ntangu ene ndean amipea elaga ndenden: "Ayakeame gnug mbala emuu, kansi epa ko buu ve, ti dzug olung." ²⁷ Djwi ine: "Mbala emuu", elakab oshin oyasogno nde vim ayagnug, enagn eli akiwo ko djwi na ntangu emog, djwi vim apayagnug ve esatsuga otshuag. ²⁸ Wog enagn, ntangu emiveasu ekub epayagnug, sikeari Nzeam nsag-na-viye, siki bisamu iwuo djwi na nde, siyi ngy na womo n'etura, ²⁹ sjwi Nzeam esu ali mpi ekb e tshiya.