Ikab 4

1 Ndawugna ya gnu, me, wur e bolog ne dzin i nkum, na nkien n'oshin o wuo, kamsi oshin eyoviagni Nzeam, 2 kragni ngie-ngie, kienagni okwog-okwog, kung'agni n'etura emog, dzignagni itura wur na wur na ngangn, 3 tsug'agni ko biu na ngia ondii omog gnankum ne kimpeve, na ngemba esokiragni gnug na gnug. 4 Eli ko na djuung imog ti Mpeve emog , oshin eyoviagni Nzeam n'ekaagn emog; eli ko na Nkum emog , lukwikilu emog ,mbotika emog, 6 Nzeam emog ndug Tea e vear ankum, ali ne dzug i vear ankum, ne kati vear ankum, ya vear ankum. Kansi emog n'emog ne kati esu, apiwo vear ngrasia ne kiteso e ikab iyipii Kristu. 8 Wog enagn, wamituba wuwun: Ntangu eyivean nde dzug-dzug, avarinde vear ayitshung wo ne bolog, s'apinde akab ya vear. 9 Kansi djwi ine ekab nge : Avean nde dzug-dzug , kansi akrinde mpi ne ngie e buu? 10 Wur emikra ne ngie buu eli ko ndug enagn eyivean dzug olung, djwi aki vim ankum. 11 Mbiy s'apinde y'amuu wayi watumua, amuu wa ngunsa, amuu wa long (evangelistes), amuu wa pasitele, na wa long (docteur), 2 djwi na wuo e wa santu djwi na otshia e Nkum, na ntsug djung i Kristu, 13 tii ko eyayia su sankum ondii omog ne lukwikilu esu, eyajia su mon e Nzeam, eyivey djung i wur, kansi ayi nde Kristu. 14 mby sipafiyia ve kamsi aman alieng, esisiab ne dzug i vay, esivara opepe e along ankum asipwe, esidjimaka ankea eyang na waagn ewo epwo, djwi na ndogo vear, 15 kansi sikike otshia e masonga na lutondo, mby asifuye su ne vim ankum, ne dzin i Kristu wur eli Nkum. 16 Ndug wur elesarisi vear na ngrasia ne vim ankum, atiwong djuung inkum, etikum biu, elefuyi na biu ekug n'ilim inde inkum, djuung iwo itikea ondii omog na ngangn ende. 17 Yenagni vim etuba me ne dzin i Nkum: "Opikug nkienagni diaka kamsi empaagn ve, walekien n'omwong na nginu iwo. 18 Wali nawaagn e mpib, wali angingien ne luzingu e Nzeam djwi wapijia ata vim emog ve, djwi wali n'itura biu. 19 Wamifanga nginu iwo iwuo, wamisapea djuung iwo na nkwon ndana vii awuo, djwi walekike vii ankum apwo, waleang ko wavey entsign. 20 Kansi gnu, okajiangi Kristu n'oshin onagn ve, 21 yug ayug gnu vii ande, yug, ne masonga eli ya Yezu, olongagni wo ne dzin inde na ndima vii apwo, 22 yug otiyeragni na luzingu egnu e ntama, djuung ignu intama esipwon ne buu na mpuy i djuung ilodjimagni inagn, 23 djwi okumagni vear ampa ne waagn egnu, 24 mby osalweragni djuung i mpa, oshin oyikii Nzeam, e luningu ti e santu eyim ne masonga. 5 Wog enagn, siangagni oyang, wur na wur atubike ko masonga ya otwung onde, djwi sankum sili ilim i djuung imog. 26 Yug otiyug nkier, oyalog ne disumu ve; osug vuna ekajie ne dzug i nkier iyie, 27 oyapea mbig ya ontshung ve. 28 Wur eyikamike asiangi na nkama; kansi akii otshia ne mbwo inde, enagn eli wuo djwi asivea nde vim esipeande otwung eli na mfunu. 29 Oya purangi otuba epwo n'odzum ognu ve, kansi yug mpila eliko, puragni otuba owuo esitsug vear ondii omog, asipeawo ngrasia ya vear ayug. 30 Oyapeagni Mpeve-Santu enkagn e Nzeam ngy ve, djwi Mpeve amotsugagni tampo ende eshuu eyoshumagni wo n'aluung. 31 Vii ankum oluu, vii apea vear mpay n'etura, nkier ikum, oshuru onkum, vii ambeam vera, na ipwo eshin n'eshin elim ne kati egnu. 32 Yiagni vear awuo gnug na gnug, lirakagni vear ali ne mpay, lolulagni ipwo gnug na gnug kamsi Nzeam eyololulagni ne dzin i Kristu.