¹ Djwi na vii anagn , me paulo, wur e bolog e Kristu djwi na gnu empeang.... ² mbala emuu omiyug'agni oshin olime na ikab i ngrasia e Nzeam, ikab iyimpinde djwi na gnu. ³ Aviyme otshia one n'emono eyiyen me, ofugnagni me ndamu e vii awo. ⁴ Yug otang'agni vii awo, asijia gnu waagn e otshia e Kristu elime na wo. Otshia owo ekapwe ya vear amuu ne ndwong e wur emuu eky ve, kamsi emipwe wo opeane ne Mpeve , ya wa ntumwa i santu na wa ngunsa i Kristu. ⁶ Otshia owo, eli wa empeang watikum aman ayavey oleama-nzo, watikum djung imog, walakung ko elag'a emog e Nzeam ne dzin i Yezu-Kristu ne along alelong su, ⁷ emikum me wur otshia ne ikab i ngrasia e Nzeam eyimpinde na biu e nde. ⁸ Ya me wur ekieg ne kati ewa santu inkum, ampinde ngrasia ewo djwi na ndong empaagn otsun o Kristu eli kaku wur ekug njia inkum ve, ⁹ ti na mpea oveang'a n'oshin o njia oziy e mvuye na mvuye e Nzeam eyikinde vim ankum; ¹⁰ Wog enagn, wa mpeve ipwo na ikib ipwo ili ne dzug walajia luo ene waagn e Nzeam eli kaku nsuka, ¹¹ Oshin oyiwong nde mvuye, s'akinde wog ya Yezu-kristu Nkum esu. ¹² Ne lukwikilu elisu na wo ya nde ,simivang'a etay e Nzeam kaku wur esitshung vear mbug ve, na ekaagn esu . ¹³ Ndawugna ko ya gnu, oyakwonagni kikesa ve djwi na mpay ileyen me djwi na gnu: mpay iwo ili osiang o gnu . 4 Djwi na vii anagn, ndakr abong a me ne buu ne nteang e Tea, ¹⁵ vear opeang enkum eli ne dzug ti ne buu atsawo mvey ko dzin iyim ya nde, ¹⁶ djwi opiagni ya gnu , oshin oli otsun e osiang o nde, okumagni biu na Mpeve ende neti e djung i gnu, ¹⁷ djwi Kristu aye mpier n'itura i gnu na lukwikilu egnu, djwi ntangu esitsug gnu edzuh n'itsin ignu ne ngangn, ¹⁸ mbiy ojiagni wuo-wuo ti wa santu inkum, onen, otey, nzig ti odzeang e Nzeam, ¹⁹ ti na njia ngangn e Kristu, elenga waagn e vear ankum, djwi Nzeam oyuragn na vim ankum. ²⁰ Kansi, eli ya nde wur esikug na nkie , na biu eleki ne kati esu , ekwon nsuka, elenga vim ankum ewugna su mpi ebansa su. ²¹ Osiang oyi ya nde n'evuru e Nzeam, ti ya Yezu-Kristu, ne ndwong aman ankum ayawur wo, mvuye na mvuye! Amen !