¹ Awignu djwi n'ipwo ignu, na masumu ignu, ² nteang-nteang alekienikignu mpi na masumu iwo, n'oshin olekien ibrimi e buu ene, oshin oleang nkum e nkea biu eli ne dzug opepe, e mpeve elekii ne kati aman ote biu. ³ Sankum,ayikisu ti wo, alepierkisu oshin oleang mpuy e djuung isu, alekikisu vii aleang djuung isu na nginu isu, oshin oyikisu, ayikisu aman a nkier kamsi amuu agni... ⁴ Kansi Nzeam ali otsun na ngy ende ya vear, ateleang nde na ngangn eninen, ⁵ su vear ayiwi n'ipwo isu, amikeatepea evug ti Kristu (omivugagni na ngrasia e Nzeam); ⁶ amikeatebiya n'ewa sankum, amitetsug sankum simigneme ne dzug olung, ne dzin i Yezu-Kristu, ⁷ djwi ne mvwe ileye mby wayen otsun oli kaku nsuka e ngrasia na wuo onde ne dzin i Yezu-Kristu. ⁸ Djwi omivugagni na ngrasia , djwi na lukwikilu egnu. Enagn epa eyim ya gnu ve, eli ikab imopeagni Nzeam. ⁹ Epa djwi n'etshia ve, djwi wur emog akavey lokumu. 0 Djwi su, sili otshia onde, atekinde ne dzin i Yezu-Kristu djwi sikii etshia ewuo, eyitigni nkie Nzeam djwi su siki wog. ¹¹ Wog enagn, nteang-nteang ayikignu empaagn ne djuung, vear amibag wo djuung oviakagni wo gnu vear atobag wo, mpi wali ne djuung ne mbwo i wur, ¹² kanagni gnugnun ne ntangu enagn Kristu akayia nda gnu ve, wakopeakagni gnu mbug etshwe ne vii anen ve n'Isarel, ayikignu angingien ne ngangn eyiiki Nzeam na elaga eyipiinde, okayikagni ata n'ekaagn ve, okayiakagni na Nzeam ne buu ene ve. ¹³ Kansi ntangu ene, ne dzin i Yezu-Kristu, gnu vear ayiike nteang etey, omivangagni mbeama na Nzeam djwi n'aluung a Kristu. 4 Djwi , nde , ali ngemba djwi na su , ndug , emitsug oshin o vear ape anagn wamikum ko wur emog, amibuye epy eyinamike vear , amilima kimbeni, 5 djwi na djung inde , amidjaag wa nsiku na enkwon enkum eyitubikiwo ; aleang nde ndemie aki vear ape anagn wakum ko wur emog e mpa, djwi atsug ngemba, 6 akeara vear anagn etay e Nzeam, wa nkea ape na djung imog, djwi na kulunsi,amidjaag kimbeni. Ayinde ndong ngemba ya gnu vear ayike etey, ngemba a vear eyike mbeama na nde; 8 Djwi ya nde, na ane, na agni, simivea mbug entsa etay e Tea, ne kati e Mpeve emog. 9 Wog enagn, epa olagni diaka angingiene ve, epa ko vear ali nelien ve, kansi olagni atwung a wa santu, aman eli n'evuru enkagn e Nzeam. ²⁰ Wamotsug'agni ondii omog ne itsin evuru e wa ntumwa na e wa ngunsa. Yezu-Kristu ndemie ali itari ikir evuru. ²¹ Ya nde, evuru enkum, wamiwong wuo-wuo ,elevean djwi ekum tempelo e santu ne dzin i Nkum. ²² Ya nde wamotsug'agni ondii omog djwi okumagni evuru epier Nzeam ne kimpeve.