1 Kansi Saulu ayiwo atolem ve na ndjag walongoki i Nkum, s'atshinde etay e nkum e wanganga-Nzambi, ² owugna enkean djwi atsu ne sinagoga i Damasi, djwi yug amiyen vear alelong along a mpa anagn, ata ankear ata ampeam, alatshung nkori, mby avari Yeruzalem. ³ Ntangu eletsuikinde, akum mbeama na Damas , ko ne mbala emog muinda eyim n'olung epiye ondag eyinde; ⁴ Alog ne buu ayug otuba wa nde wuwun : " saul ,saul, djwi na nge elempih yie mpay? ⁵ Saul akeara ndenden : Nkum ,yie oli nagn ? mby nkum ndenden " Me ndi Nkum Yezu elepii yie mpay. ⁶ Kansi yie yima , shue ne wiya enagn , asokaba wo nge esikie yie. ⁷ vear aletshike na nde wayen ngituka, ayug'ikiwo otuba onagn , kansi wakayen ata wur ve. ⁸ Saul s'ayiminde ne buu, ntangu e ngaminde vy, akayenaka ve ; wo vara ewuo ti ne Damas. ⁹ Akie nshu isar , apiyen ,apile. ¹⁰ Ayiwo ne Damas wur ne dzin e Ananias ; Nkum okabi nde ne ndoy ndenden ;" Ananias" nde akeara " Nkum mean." ¹¹ Nkum okaba ndenden : Yima tshuag ne mbug eviewo wum ewuo , n'evuru e Yudasi , ling wur eviewo Saul; ayim Tarsisi djwi ala sama ¹² atiyen ne ndoy wur emog eviewo Ananias atishue n'evuru mpi atoyab mbuo , djwi akey ngien. 3 Kansi Ananias okeara ndenden: " Nkum ,miyug vear entsign watuba djwi na wur enagn, mpay nge imikie nde ya wa santu iyie ne Yerusalem. ¹⁴ Ayinde n'ekub eyim etay wa nkum e wa nganga Nzambi djwi na ntsung wur e nkum alevi dzin iyie." ¹⁵ Kansi Nkum okaba: '' Tshuag , djwi wur enagn ali vim emison me djwi avari dzin i me ya empaagn , ya wa vuy , ti ne nteang aman a Israel; ¹⁶ Ayoyegne me mpay inkum iyayen nde ne ntina e dzin i me. ¹⁷ Mby Ananias s'atuinde , ashue n'evuru . s'ayab nde Saul mbuo , ndenden: otwung me saulu , Nkum Yezu eyopui ne mbug eleyiki yie , atintum djwi vy ya yie ang'am , mpi oyui na Mpeve-Santu. ¹⁸ Ko ne ntangu enagn, vim amog kamsi ikea i nse, ilog ne vy a nde, akea ngien. Ayima , mby s'avey nde mbotika. ¹⁹ Mby emishir nde nda akea mvea biu. mby a s'akie nshu mingi. ²⁰ Etean kaku, s'along'ikinde ne mvuru i Nziam ndenden Yezu ali mon e Nzeam. ²¹ Vear ankum eyayug'ike ayenekiwo ngituka wuwun ; ene epa wur elipike mpay a vear , ayiindi ne ndien djwi na mvara n'eshing vear etay wa nganga Nzambi." ²² Kansi Saulu akum biu , mpi aleyegni wa Yuda epier ne Damas ndenden Yezu ali Kristu. ²³ Ne mby inshu , wa Yuda washue mpfug djwi wodjag. ²⁴ Kansi vii a wo a mpfug ekea nkum etay e Saulu. Alokung'ikiwo n'ipfug i Yerusalem na mbii mpi otshu djwi wodjag. ²⁵ Kansi otshu emog wa longoki wovey , wotsug ne esag emog eninen,s'okiyiwo n'epi e ppeang. ²⁶ Ntangu emishue nde neti e Yerusalem, Saulu s'akum nde etay eli wa longoki, vear ankum olurikiwo, wakadjiraka ve wuwun alongoki. ²⁷ Kansi ntangu emovey Barnabasi, s'ovarinde etay e wa ntumua, s'akabikinde oshin oyisang'i saulu nda Nkum ne mbug , oshin oyitubi Nkum nda nde , oshin oyilong'ikinde wuo-wuo ne Damas ne dzin i Yezu. ²⁸ A l'ayen ntangu eshuikiwo mpi eyapuekayo ne Yerualem. Atubikinde na ngangn ne dzin Nkum Yezu ²⁹ mpi atubikinde nda wa Yuda e Greki; kansi oling'ikiwo ntangu enkum n'odjag. ³⁰ Ntangu ejii atwung a nde, wo vara ne Cesaree mpi s'otum wo ne Tarsis . ³¹ Dibundu enkum ayiwo na ngemba ne buu enkum e Yude , ne buu e Galilea ti ne buu e Samaria, walepii along , walekien na womo e Nkum, alefuyikiwo ne nsarisa e Mpeve -Santu. ³² Opeane eyayegni, kamsi Petelo alekienekinde etay inkum, atshuinde mpi etay amuu eyiiki ne lyddie. ³³ No mpign ayen wur emog dzin i nde Enee, ativur ne ntir , amikie mvuye iniani, wamobeam ewuo n'ekuu. ³⁴ Petelo atuba nda nde ndenden ; " Enee, Yezu -Kristu alovug'a . yima, wong ntir eyie .>> Ko ne ntangu enagn amiyima. ³⁵ Mby a vear ankum apier ne Lyddie mby s'atshimi wo itura i wo ya Nkum. ³⁶ Opeane ayiiwo na longoki emog dzin i nde Tabita, dzin ine etuba Dorkasi" . onkear one akikinde etshia e wuo entsign ya vear, apikinde vim entsign ya vear ,apikinde vim etsign ya ankea mva ³⁷ Ekum alog na nkeang, s'awinde; ntangu emoshir wo nzog vay, woky n'itunu i dzug. ³⁸ Oshin oyi lyddie mbeama na joppe, ntangu emijia wa longoki wuwun Petelo ali mpiog ,watum vear ape etay e nde djwi akagni ngia eveang-eveang. ³⁹ Petelo ayima ,s'atshinde ti vear anagn. Ntangu emikum nde , wovara n'itunu evuru e dzug. Wa nsakue inkum wayia mbeama nde walelii, wayegne Petelo abeye na ileama iyitiyike Dorkasi ntangu eyikiikinde nda wo. ⁴⁰ Petelo apur wur enkum ne lien , akr abong ne buu asama, mby akea ntshim etay eli odjuu , atuba ndenden Tabita, yima ! Ang'ama vy, ntangu emiyen nde Petelo, agneme. ⁴¹ Petelo opea ewuo e nde ,mby s'ayimi nde . mby s'avinde wa santu na wa nsakue , s'apinde Dorkasi atikea ne luzingu. ⁴² Vear ankum ne joppe ajiwo vi anagn. vear entsign wadjir ya Nkum. ⁴³ Petelo a s'akie nshu ne Joppe , n'evuru e simoni, wur eyitung'iki antum.