¹ Ayiwo na wur emog e Sezaree, dzin inde Corneyi, ayinde kapitaine e ayer-nkuu e vear a Italie. ² Ayinde wur ewuo , alekumisikinde Nzeam evuru nde ompfugn. apikinde ekr entsign na wa Yuda mpi asamikinde Nzeam ntangu enkum. ³ Ne ntangu isar e mbii enkum ,ayen emono na vy a nde , wanzio e Nzeam ashue ne evuru e nde, atuba nda nde ndenden; Corneyi!'' ⁴ Corneyi ayituka na wanzio e Nzeam ayum womo ndenden; vim ewo nge nkum? wanzio okeara ; Bisamu eyie ti vim atsayie mpea vear etivean kamsi dikabu epawo jing n'eteang e Nzeam. ⁵ Ntangu ene tum avear ne Joppe watsumvie Simoni, eviewo Petelo; ⁶ ali n'evuru e wur emog dzin inde simoni, atsa nde kie antum , evuru e nde eli ko n'ikri i nzey. ⁷ Wanzio eyokabiki ntangu emikien nde , Corneyi avie vear ande otshia ape na iyer-nkuu emog ekumisi Nzeam ne kati e ayer-nkuu ayoliriki nde. ⁸ Mby ekabowo vi anagn eyilag s'atum nde Joppe. ⁹ Mpimpign enagn , ne ntangu isom ne mbug , watikum mbeama na wiya, petelo avean ne dzug otuon evuru djwi na nsama . ¹⁰ Ayug nziya, aling na nda, ko ntangu oleama wo vim a nda ,ayen emono, ¹¹ ayen olung oting'am , mby vim emog kamsi ifung'a eyakr, ne buu, wayikir ankea anign, ¹² N'eleama ewo watitsug wa ngnam itsa nkeara n'ipfugn,na wa mfur olung. ¹³ Otuba emog etuba: " Yima Petelo ,djag vim anagn ole. " v 14 Kansi Petelo okeara ndenden ; Kaku ve , Nkum djwi me ntole vim a mbin ata vim apwo. ¹⁵ Akea nguig otuba owo mbala ozole, etuba ndenden : Vim emivie Nzeam ndenden eli wuo , oyavey yiyen eli mbin ve. ¹⁶ vi anagn eyia mbala isar mby vim enagn ekea mvean dzug. ¹⁷ Kansi Petelo asayindula, djwi na emono emiyende, yenaka vear ayitum Corneyi wa wean waleling evuru e Simoni, wakum n'enteang epfug. ¹⁸ Wavie n'otuba biu yug et wayue yug Simoni evie wo Petelo ali ko kog. ¹⁹ Ko ne ntangu eyindulaPetelo djwi na emono enagn, Mpeve okaba ndenden : yen , vear asar waloling. Yima , ²⁰ kra mpi tshuag ya wo . oya yug womo na ntsa na wo djwi eli mug wur ematum.'' ²¹ Petelo s'akri nde ,atuba nda vear anagn ndenden: Ndi wur eleling gnu , djwi ange emiya gnu? ²² Wokeara wuwun: Corneyi nkum ayer-nkuu, wur e wuo atsande nduur Nzeam, ata buu enkum e wa yuda atsawo mpea ntiegnna vi a nde a wuo, wanzio emog e Nzeam ayinde okaba wovii yie n'evuru e nde djwi ayug otuba na yie. ²³ Petelo avie mpi akaba wo niemagni na me. Mpimpign enagn , ayima s'atshinde nda wo. Atwung amuu a Joppe atshiwo wa nde. ²⁴ Wakum Sezaree mpimpign ewo. Corneyi akung'ikinde , ayiwo ativie atwun a nde na iwur i nde i biu. ²⁵ Ntangu emishue Petelo, Corneyi atsa ndog ne nkuu i nde djwi okumisi . ²⁶ Petelo ayim mpi okaba "Yie yima , ndi mpi wur". ²⁷ Ntangu esuliki Petelo nda nde, mby ashue n'evuru , ayen oluy o vear watitug ikina. ²⁸ Nda wo ndenden : Ojiagni, eli ekn ya Yuda na ngia ewur nda ongingien , ata na nshue ne evuru e nde. Kansi Nzeam atinkaba na nkuon mvie wur emog ve kamsi ali mbin. ²⁹ Wog enagn , nkatuba ata djwi nti yia ntangu ememvie yie. To nkaba onti mvie djwi na nge?." ³⁰ Corneyi okeara ndenden : Etikug nshu ining,ko ne ntangu ene eli su , asamikime neti e evuru e me ne ntangu isar i mbii enkum, ngien ko wur emog atiluer eleama e sii , ayia ne nteang e me . ³¹ ndenden: Corneyi bisamu eyie Nzeam atiyug, mpi Nzeam atikea nkana makabu itsa yie mpea ya vear. ³² Tumaka wur emog ne Joppe akabi Simoni eviewo Petelo aye. Apier n'evuru e wur etsankie antun, n'ikr nzey. ³³ Etean kaku , s'atum me wur etay e yie . otikie wuo oshin omiyia yie. Ntangu ene, wean sili sankum ne nteang e Nzeam , djwi siyug inkum imotum Nzeam djwi na nkaba vear. ³⁴ Mby petelo ang'ma odzum, ndenden: Vi-a-vi, ndajia Nzeam apitsinkie onshiey ve. ³⁵ Kansi wur enkum ne buu esiluur Nzeam, na esikie vi ne masonga , Nzeam asoyen nde wur e wuo. ³⁶ Ojiagni otuba etum nde nda aman a Israel, na nkaba wo oshwong e mpa e ngemba ya Yezu-Kristu nde wur eli Nkum e vear ankum . ³⁷ Ojiagni gnu na gnu vii ayilag ne buu enkum e Yude, ntangu eyibani nde ne Galilea, ne mby e mbotika eyilong'ike Jean ; ³⁸ Ojiagni vi akieki YEzu e Nazarete, oshin nge Nzeam okui nde na Mpeve-santu ti biu . elekieneki nde alekii vi awuo , alevug i vear ankum ayi n'ekub e satana, djwi Nzeam ayinde nda nde. ³⁹ Sili na ntiegn i vi ankum ayikiinde ne buu e wa Yuda ti ne Yerusalem. Ndug Yezu odjag wo, oler wo n'oshung. ⁴⁰ Wur enagn Nzeam s'okinde ombiya n'ewa eshu e otatu, opea mbug djwi wo ji. ⁴¹ Epa ya vear ankum ko wa ntiegn iyi son Nzeam nteang ya su ayili ti ayignui ti nde ne mby eyikinde mby n'ewa. ⁴² Mby Yezu s atum nde vear silong ya vear ankum s'ayegni susun eli ndug , Nzeam amotsug wur ebag ewu e vear ali ne Luzingu na vear amiwa. v 43 Eli djwi a nde wa ngunsa inkum wapea ntiegn wuwun wur enkum esidjir ya nde asivea nde ndolula e masumu ne dzin i nde. ⁴⁴ Ne ntangu etubiki Petelo vi anagn, Mpeve-Santu akra ya vear ankum ayiyug'ike otuba onagn. ⁴⁵ twung ankum a wa Yuda ayi kog ti Peteio wayen ngituka n'oshin omikra Mpeve-santu ya empaagn. ⁴⁶ Djwi ayug'ikiwo watuba na etuba e mpa, mby s'akeari kiwo Nzeam nsag-na-vi. ⁴⁷ Mby Petelo ndenden: Asikug su mpum mbotika e vay ya vear amivey Mpeve-Santu kamsi su? ⁴⁸ Mby s'atum nde vear djwi wapii mbotika ne dzin i Nkum. s'awugniwo ya petelo atuka sayia ndamu e nshu nda wo.