¹ Wantumwa ti atwung amuu ayii ne Yudea wayug wuwun empaagn wativea otuba o Nzeam. ² Ntangu emivean Petelo Yeruzalem, atwung ayii wamabag djuung s'ongniagikiwo wuwun: ³ "Otitsanshwe ne mvuru i vear atobag wo djuung, otila ti wo." ⁴ Petelo s'akabikinde, alana oshin oyileg vii awo. ⁵ Ndenden: "Me, ayikime ne wiya e Jope, ne ntangu eyisamikime, ndog, s'ayenme emono: vim emog kamsi ifunga ininen, watitshung n'akuu ankeanign, eyim dzug elekri n'ondii oli me. ⁶ Elirme eleam enagn, s'ayenme neti wamfuru ili ne buu, wagnam ili n'okwun, wagnam itsankeara n'ipfugn, ti wamfuru i dzug." ⁷ S'ayugme otuba omog enkaba wuwun: "Petelo, yima djag wagnam inagn, ole." ⁸ Nkeara memen: "Kaku ve, Nkum, djwi kaku vim e mbin ata vim emog epwo emishwe n'odzum ome ve." ⁹ Kansi otuba owo oyim dzug ekeantuba ndenden: "Vim emituba Nzeam ndenden eli wuo, oyatuba yiyen eli mbin ve." ¹⁰ Vii anagn ayiwo mbala isar, mby enkum s'akeywo nkien dzug. ¹¹ Yenaka, etean kaku, vear asar emitum wo, wayim Sezare, wayia ne nteang e epfug e evuru eyikime. ¹² Mpeve s'ankabinde na ntsa ti wo, nkwon nkie ison. Vear asom ane mpi s'ayiwo ti me, s'ashwisu n'evuru e wur enagn. ¹³ Atekaba oshin oshin oyiyen nde wanzioatiyima ne n'evuru ende, okaba ndenden: "Tum vear ne Jope, wakabi wur emog dzin inde Petelo. ¹⁴ Asokande vii asovuga yie ti vear ali n'evuru eyie." ¹⁵ Ko ntangu eyitubikime ti wo, Mpeve-Santu akra ya wo kamsi eyikrinde ya su n'itsin. ¹⁶ Mby s'akanime otuba o Nkum eyitubinde ndenden: "Yoaneapiinde mbotika e vay, kansi gnu, ayavey gnu mbotika e Mpeve-Santu." ¹⁷ Yug Nzeam atapea ikab oshin omog ti su ayidjiir Nkum Yezu-Kristu, me ndi nagn na ntun vii a Nzeam?" ¹⁸ Ntangu emiyug wo vii anagn, s'ayiwo pwo, wakumisa Nzeam wuwun: "Nzeam atipea mbug ya empaagn djwi na ntshima itura, djwi wavye mpi luzingu." ¹⁹ Ayipaagn ne nshu ilapikiwo mpay ne ntangu eyidjag wo Etienne, amuu s'atshiwo ne buu e Fenicia, e Shipre , ti n'Antioshi, walelong otuba o Nzeam ko ya wa Yuda. ²⁰ Ne kati ewo, ayiwo na vear amuu ayim Shipre na Cyrene wayia yim Antiosi apikiwo along a Nkum Yezu ya wa Greki. ²¹ Ewuo e Nzeam ayiwo ya wo mpi vear entsign atshimikiwo itura, adjir wo Ya Nkum. ²² Oshuru ekea nkum n'atii a vear a evuru e Nzeam e Yeruzalem ; mby s'atum wo Barnabas tii n'Antioshi. ²³ Ntangu emikum nde mpi emiyen nde ngrasia e Nzeam ya vear anagn , ayinde n'osiang, s'along'ikinde wankum wayi n'itura e biu ,wakami ti Nkum. ²⁴ Djwi ayinde wur e wuo, amijuo na Mpeve-Santu na lukwikilu. mpi vear entsign ko wayia etay e Nkum. ²⁵ Mby Barnabas atshinde Tarse djwi na nding Saulu . ²⁶ Ntangu emoyen nde , s'ovarinde na Antioshi . mvuye opfugn ,walesang'i ne mvuru i Nzeam mpi apikiwo along ya vear entsign . Ayiwo n'Antioshi eyiviwo mbala e nteang , dzin i akristu ya wa longoki. ²⁷ Ne ntangu enagn , wa propheta wayim Yeruzalem wakra Antioshi. ²⁸ Emog ne kati ewo dzin i nde Agabus ,ayima , akaba ne Mpeve ndenden nziya inenen ayayiawo ne buu opfugn. Nziya ewo ayisalama ne ntangu eyi Claude e Vuy. ²⁹ Wa longoki s'atum wo, wur na wur n'oshin oveande, vim djwi na nsarisa atung a yude. ³⁰ Akiiwo vim anagn , s'atum wo ekr ya antsuru e dibundu ,ne mbuo i Barnabasi nda Saulu.