¹ Ko ne nshu inagn, vuy Herodi apikinde vear a evuru e Nzeam mpay. ² Adjag Jaki e otwung o Yoani n'ompien. ³ Ntangu emiyen nde vii amikiende wa Yuda wayi sepela, atum vear watshung Petelo. Ayiwo ne ntangu elikiwo mampa ikuon vir. ⁴ Ntangu emotshung wo ,wotuomo ne bolog , mpi s'atsug eluy enign ayer-nkuu, n'oluy omog ayer-nkuu onign djwi n'ondir. Ne ngindu i nde ,ayiwo Petelo afuete nsama ne nteang e vear ankum ne mby e pasika. ⁵ Petelo ne kati ebolog , kansi vear a evuru e Nzeam wakalem ve na mpea bisamu ya Nzeam djwi na nde. ⁶ Ne nteang eshu enopur Herodi na nsama ne nteang e vear ,Petelo ativur ne ngnina e ayer-nkuu ape, watotshung chene ipe , wa sentre imuu wasakung ne lien. ⁷ Yenaka wanzio emog e Nzeam ayia, nsemo ne bolog enkum. wanzio abiya Petelo, onang'ike n'epaagn, ndenden ; Yima mbala emog'' wa chene iyi ne mbuo ilog. ⁸ Wanzio nda nde ndenden: luer okaba e yie n'anthum a yie ne nkuu. Petelo mpi a luer. wanzio okaba ; Dzub kazag eyie , ondani." ⁹ Petelo osodjie, apue , kansi apijia v yug vi akie wanzio eli e djwi-djwi, abansa eli emono. 0 Ntangu emiling'a wo ayer-nkuu e nteang , mby ozole , wakum n'epfug e iwuu etay etsa wo wiya. Epfug ewo eng'ama ko nkeang'a wo ne nteang ewo. Wapue , mpi wakra mbug emog wanzio s 'osugn nde. ¹¹ Ntangu emikea waagn e nde, petelo atuba; ntijia wuo-wuo ,Nzeam ayitm wanzio ende djwi na mvug'a me ne mbuo e Herodi ti n'oshin onkumeyikug'ike wa Yuda. ¹² mby emi jia nde vi anagn ,s'atshinde n'evuru e Maria, mea e yoani eyevikiwo Malako, vear entsign ayiwo mpiog, wasama . ¹³ Ntangu emi kokola nde , mon otshia emog onkear dzin i nde Rhode ayia ngama epfug. ¹⁴ Ntangu emiyug nde otuba e Petelo, n'osiang onagn ajing nang'ama epfug akim iveang akaba ndenden Petelo ali ne mbung e evuru. ¹⁵ Wa nde, wuwun: Oli n'ifara." kansi ko atuba eli vi-a-vi . wa tuba eli wanzio e nde. ¹⁶ Kog petelo akasiang'aka na nkokola ve wa yia mpi wa yituka . ¹⁷ Petelo asiagn'a ewuo djwi wayi puo, s'akabinde oshin emopur Nkum ne bolog , nda wo ndenden ; kabagni vi ane a Jaki na atwung amuu. Mby s'apuinde , atsa etay emuu iky. ¹⁸ ntangu emikeam vuna, ayer-nkuu wata bibi wog na wog , wapijia ve oshin emikum Petelo. ¹⁹ Herodi atosoling, akoyen ve , asatshung ayer-nkuu ayikung'ike, mpi a tum vear djwi wadjag . Mby s'alim nde ne buu e Yude e Cesaree mpi agnieme mpign. ²⁰ Herodi ayindi na nkier entign djwi na vear a Tyr t e Sidon. Wayia ondii emog etay e nde . Wayen Baste,kilandi e vuy djwi asarisi .mby s'atshiwo wa nde ne nteang e wuy Herodi djwi waki ngangn, djwi wiya wo avikiwo olio yim ne wiya vuy. ²¹ N'eshu emog elag eyitsug wo , Herodi aluer ileama i nde i vuy , agnieme ne nkuay ende ekub, s'atubikinde ne vy a vear ankum. ²² Vear ankum wadzama wuwun : ene eli otuba o Nzeam, epa e wur ve ! ²³ Ko ne mbala emog wanzio e Nkum onaang djwi akapea osiang ya Nzeam. wa esob woshue mpi s'awinde. ²⁴ Mby otuba o Nzeam elig'a mpaagn etay enkum, isuh i vear ayidjir ilig'a mvean dzug. ²⁵ Barnabasi ti Saulu ntangu emishir wo otshia ne Yeruzalem ,s'akien wo , watsa ti Yoani eyivikiwo Malako.